सौजन्य - नवराष्ट्र टीम
‘अजितदादांच्या मृत्यूमागील सर्व प्रश्नांची उत्तरे जनतेला कधी मिळणार? अजितदादांना न्याय मिळालाच पाहिजे,’ असा सवाल फलकांच्या माध्यमातून उपस्थित करण्यात आला आहे. घटनेमागील सत्य समोर येईपर्यंत हा प्रश्न उपस्थित करत राहणार असल्याचे गुरनानी यांनी स्पष्ट केले. न्याय मिळालाच पाहिजे आणि सत्य जनतेसमोर आलेच पाहिजे, अशी भूमिका त्यांनी मांडली.
अजितदादांच्या मृत्यूच्या घटनेबाबत अद्याप एफआयआर, तपासाबाबतची ठोस माहिती, चौकशीचा अहवाल आणि अपघातामागील सत्य जनतेसमोर आलेले नाही, असा दावा गुरनानी यांनी केला. त्यामुळे या प्रकरणातील सर्व प्रश्नांची उत्तरे जनतेला मिळणे आवश्यक असल्याचे त्यांनी म्हटले आहे. हा केवळ राजकीय विषय नसून सत्य आणि न्यायाचा प्रश्न असल्याचेही त्यांनी स्पष्ट केले.
हे सुद्धा वाचा : भरमसाट मजुरीदराला लगाम, ओतूरमध्ये कांदा लागवडीसाठी नवे दर निश्चित; नियम मोडल्यास…
दरम्यान, आमदार रोहित पवार यांनी या घटनेबाबत उपस्थित केलेले प्रश्न महत्त्वाचे असून, त्यांची निष्पक्ष चौकशी झाली पाहिजे, अशी मागणी गुरनानी यांनी केली. घटनेमागील सत्य जनतेसमोर आणण्यासाठी संबंधित यंत्रणांनी पारदर्शकपणे तपास करावा आणि तपासाबाबतची माहिती जनतेसमोर जाहीर करावी, अशी अपेक्षाही त्यांनी व्यक्त केली. कोथरूडमध्ये लावण्यात आलेल्या फलकांमधून या मागणीला व्यापक स्वरूप देण्याचा प्रयत्न करण्यात आला आहे.
Ans: मृत्यूला नऊ महिने उलटूनही या प्रकरणातील एफआयआर, तपासाची ठोस माहिती, चौकशीचा अहवाल आणि अपघातामागील सत्य जनतेसमोर आलेले नाही, असा दावा गुरनानी यांनी केला आहे.
Ans: अजितदादांच्या मृत्यूबाबत जनतेच्या मनातील प्रश्न सरकारच्या आणि नागरिकांच्या निदर्शनास आणून देण्यासाठी कोथरूड विधानसभा मतदारसंघात विविध ठिकाणी फलक लावण्यात आले आहेत.
Ans: घटनेमागील सत्य जनतेसमोर आणण्यासाठी निष्पक्ष आणि पारदर्शक चौकशी करून तपासाची माहिती जाहीर करावी, अशी मागणी गुरनानी यांनी केली आहे.






