मंगळवार, 27 ऑक्टोबर 2026
पुण्यात वाढीव पाणी कपात टळली (फोटो- सोशल मिडिया)
सध्या शहरात पाण्याची गंभीर टंचाई नसली, तरी भविष्यातील संभाव्य संकटाचा सामना करण्यासाठी आतापासूनच उपाययोजना करणे आवश्यक असल्याचे प्रस्तावात नमूद केले आहे. उपलब्ध पाण्याचे योग्य नियोजन, जलवाहिन्यांमधील गळती रोखणे, पाण्याची नासाडी टाळणे आणि प्रक्रिया केलेल्या सांडपाण्याचा पुनर्वापर यावर भर देण्यात आला आहे. आठवड्यातून एक दिवस पाणीपुरवठा बंद ठेवणे किंवा एक दिवसाआड पाणी देण्यासारख्या पर्यायांऐवजी दररोज कमी वेळ नियमित पाणीपुरवठा करता येईल का, याचा तांत्रिक आणि व्यावहारिक अभ्यास करण्याची मागणी करण्यात आली आहे.
पाटबंधारे विभागाकडून मंजूर पाण्याचा कोटा, धरणांमधील उपलब्ध साठा, वाढती लोकसंख्या आणि वितरणादरम्यान होणारी पाण्याची गळती यांचा आढावा घेऊन वर्षभराचे नियोजन करावे, असे प्रस्तावात म्हटले आहे. शहर, उपनगरे आणि समाविष्ट गावांमध्ये लोकसंख्या, भौगोलिक परिस्थिती आणि वितरण क्षमतेनुसार पारदर्शक निकष ठरवून पाण्याचे समान वाटप करण्याची मागणीही करण्यात आली आहे.
‘पाणी वाचवा, पुणे वाचवा’ अभियान राबवून नागरिकांना घरगुती पाणीबचत, नळांची गळती रोखणे आणि पाण्याची नासाडी टाळण्याबाबत जागरूक करण्याची मागणी करण्यात आली आहे. या उपाययोजनांच्या प्रभावी अंमलबजावणीसाठी महापालिकेच्या जलपुरवठा, सांडपाणी प्रक्रिया, उद्यान व बांधकाम विभागासह पाटबंधारे विभागामध्ये समन्वय साधण्यावरही भर देण्यात आला आहे.
Maharashtra Drought: देवाक काळजी रे! ‘या’ जिल्ह्यांमध्ये भीषण पाणीटंचाई; तातडीने पाण्याचे…
पुणेकरांवरील वाढीव पाणीकपातीचे संकट तूर्त टळले आहे. कालवा समितीची बैठक होईपर्यंत शहरातील सध्याची १० टक्के पाणीकपात वाढवू नये, असे निर्देश महापौरांनी प्रशासनाला दिले आहेत. सिंचन विभागाने पुणे महापालिकेला मंजूर केलेल्या पाण्याच्या कोट्यावर महापौरांनी नाराजी व्यक्त केली आहे. दरम्यान, शहर, उपनगरे आणि नव्याने समाविष्ट गावांना वर्षभर नियमित व समान पाणीपुरवठा करण्यासाठी सर्वंकष जलव्यवस्थापन आराखडा तयार करण्याची मागणी स्थायी समितीचे नगरसेवक हरिदास कृष्णा चरवड यांनी केली आहे. शहराची गरज लक्षात घेता मागील वर्षाप्रमाणे किमान १६ टीएमसी पाणी मिळावे, अशी महापालिकेची भूमिका आहे. त्यामुळे मंजूर कोट्यात सुमारे पाच टीएमसीची तूट असल्याचे स्पष्ट होत आहे. धरणांमध्ये सध्या सुमारे २४ टीएमसी पाणीसाठा उपलब्ध असतानाही पुण्यासाठी कमी कोटा मंजूर झाल्याने पाणीकपातीबाबत संभ्रम निर्माण झाला आहे.
Ans: पुण्यात सध्या 10 टक्क्याच्या वर पाणी कपात होणार नाही.
Ans: उपलब्ध पाण्याचे योग्य नियोजन, जलवाहिन्यांमधील गळती रोखणे, पाण्याची नासाडी टाळणे आणि प्रक्रिया केलेल्या सांडपाण्याचा पुनर्वापर यावर भर दिला जाईल.
