Pune News: उद्यापासून ‘PMPML’ चा प्रवास महागणार; काय असणार नवीन दर?

पुणे: ३० पीएमपीचा प्रवास रविवार (ता. १) प्रवाशांना महागात पडणार आहे. पीएमपी प्रशासनाने पाठविलेल्या दरवाढीच्या प्रस्तावाला पुणे प्रादेशिक परिवहन समिती (आरटीए) ने मंजुरी दिली आहे. दरवाढ १ जून पासून लागू होणार आहे. ११ वर्षानंतर पीएमपीच्या तिकिटात दरवाढ झाली आहे. सध्याच्या तिकिटाच्या दरात दुपटीने वाढ झाली असल्याने प्रवाशांनी नाराजी व्यक्त केली आहे.

 पीएमपी बसचे संचालन हे पुणे,पिंपरी चिंचवड व पीएमआरडीए क्षेत्रात आहे. १ ते ८० किलोमीटर असा पीएमपीचा संबंधित मार्गावर प्रवास होतो. ८० किलोमीटरच्या प्रवासासाठी पीएमपीए ११ टप्पे ठरविले आहे. त्या टप्पा नुसार दरवाढ झाली आहे.  हे दर रविवारच्या पहाटे पासून लागू होणार आहे. तिकीटासह पासच्या दरात देखील पीएमपीने वाढ केली आहे. पीएमपी प्रशासनाने यापूर्वी २०१४ मध्ये दरवाढ लागू केली होती.

नवीन दररचना

 

– किमान तिकीट दर ५ वरून १० रुपये करण्यात आले.

– पुणे आणि पिंपरी-चिंचवड शहरांसाठी एकत्रित दैनिक पास ४० रुपये हुन ७० रुपये करण्यात आले.

– तर मासिक पास ९०० रुपयांहून १५००रुपये करण्यात आले.

– पीएमआरडीए क्षेत्रासाठी दैनिक पास १२० हुन १५० रुपये करण्यात आला.

– विद्यार्थी, ज्येष्ठ नागरिक आणि दिव्यांग प्रवाशांसाठीच्या सवलतींच्या पासांमध्ये कोणताही बदल नाही.

– तसेच ज्या पासची वैधता १ जून नंतरच्या पुढील दिनांकापर्यंत असेल तर पासची वैधता असे पर्यंत त्यांना नवीन दर लागू पडणार नाही.

पुण्यात तीन नव्या बसमार्गांची सुरुवात

पुणे महानगर परिवहन महामंडळ (PMPML) कडून प्रवाशांच्या वाढत्या मागणीला प्रतिसाद देत तीन नवीन बसमार्गांची सुरुवात करण्यात आली असून, एका विद्यमान बसमार्गाचा विस्तार करण्यात आला आहे. या निर्णयामुळे शहरातील विविध भागांमध्ये प्रवास करणाऱ्या नागरिकांना अधिक सुलभ, नियमित आणि सहज उपलब्ध सार्वजनिक वाहतूक सेवा मिळणार आहे.

Pune Transport: पुण्यात तीन नव्या बसमार्गांची सुरुवात, एका मार्गाचा विस्तार; प्रवाशांना अधिक सोयीची सेवा उपलब्ध

नवीन बसमार्गांची माहिती पुढीलप्रमाणे :

बसमार्ग क्रमांक ७९ – हिंजवडी (माण) फेज ३ ते डेक्कन जिमखाना
या मार्गावरील बस हिंजवडी फेज ३ येथून सुरुवात करून इन्फोसिस फेज २, शिवाजी चौक, वाकड ब्रिज, सुतारवाडी, बावधन, चांदणी चौक, कोथरूड डेपो, वनाज कंपनी, एस.एन.डी.टी. कॉलेजमार्गे डेक्कन जिमखान्यापर्यंत धावणार आहे.
बसेसची संख्या : २
वारंवारिता : दर १ तास ४० मिनिटांनी

पुण्यात पीएमपीएमएलच्या ताफ्यात लवकरच १ हजार नवीन बस

पुणे महानगर परिवहन महामंडळ (पीएमपीएमएल)च्या ताफ्यात लवकरच १ हजार नव्या बसगाड्यांचा समावेश करण्यात येणार आहे. मंगळवारी (ता. १३) झालेल्या संचालक मंडळाच्या बैठकीत हा निर्णय घेण्यात आला. या योजनेंतर्गत ५०० बस खरेदीसाठी पुणे महापालिका आणि पिंपरी-चिंचवड महापालिका निधी उपलब्ध करून देणार आहेत.