Pune Railway Revenue : पुणे रेल्वे विभागाची मोठी झेप; महसूल, प्रवासी सेवा आणि माल वाहतुकीत उल्लेखनीय यश! (फोटो सौजन्य : सोशल मीडिया)
Pune Railway news : मध्य रेल्वे पुणे विभागाने आर्थिक वर्ष २०२५-२६ मधील रेल्वे विभागाने केलेल्या कामगिरीवर विभागीय रेल्वे व्यवस्थापकांनी प्रकाश टाकला.यात वाणिज्य,परिचालन,पायाभूत सुविधा,सुरक्षा,सिग्नल आणि दूरसंचार तसेच बंदोबस्त इत्यादी विविध क्षेञांतील विभागाचा समावेश होता. मध्य रेल्वे पुणे विभागाला २०२५-२६ मध्ये एकूण २,२३८ कोटींचा महसूल मिळवला असून, मागील वर्षाच्या तुलनेत यात ३.७ टक्के ची वाढ नोंदवली गेली आहे. प्रवासी महसूल १,६५७ कोटी इतका राहिला, ज्यात १३ टक्के वाढ दिसून आली; तर तिकीट तपासणीतून मिळणारा महसूल ३० कोटींवर पोहोचला, जो ५७.५ टक्के वाढ दर्शवतो.अशी माहिती विभागीय रेल्वे व्यवस्थापक राजेश कुमार वर्मा यांनी दिली
वाणिज्यिक विभागातएनएफआर मधून १५.६७ कोटी जे१०.४% वाढ दर्शवते. ‘पे अँड पार्क’ मधून ४.१५ कोटी ३८% वाढ आणि खानपान सेवेतून ३.९६ कोटी २६% वाढ इतका महसूल प्राप्त झाला. प्रवाशांच्या संख्येतही मागील वर्षाच्या तुलनेत ६.३% वाढ नोंदवली गेली.प्रवाशांच्या वाढत्या मागणीची पूर्तता करण्यासाठी, पुणे विभागाने या वर्षात मोठ्या संख्येने विशेष गाड्या चालवल्या. दिवाळी आणि छठ पूजेनिमित्त एकूण १,१०९ विशेष गाड्या चालवण्यात आल्या, जी मागील वर्षाच्या तुलनेत १९७.३% ची वाढ दर्शवते. याव्यतिरिक्त, नाताळ आणि नवीन वर्षाच्या निमित्ताने ४० विशेष गाड्या (५६६.६७% वाढ) आणि होळीच्या निमित्ताने २५१ विशेष गाड्या (१४१.३५% वाढ) चालवण्यात आल्या.
डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.
