पिंपरी-चिंचवड महापालिकेची महासभा तहकूब; स्वीकृत सदस्यांची निवड आता २० नोव्हेंबरला?

पदवीधर व शिक्षक मतदारसंघाच्या निवडणूक आचारसंहितेच्या पार्श्वभूमीवर पिंपरी-चिंचवड महापालिकेची गुरुवारची (दि. १५) सर्वसाधारण सभा तहकूब करण्यात आली आहे. ही सभा आता येत्या ३० ऑक्टोबर रोजी दुपारी दोन वाजता होणार आहे.

• पिंपरी-चिंचवड महापालिकेची महासभा तहकूब
• पुढील महासभा ३० ऑक्टोबरला दुपारी २ वाजता
• स्वीकृत सदस्यांच्या निवडीचा निर्णय लांबणीवर

पिंपरी : पदवीधर व शिक्षक मतदारसंघाच्या निवडणूक आचारसंहितेच्या पार्श्वभूमीवर पिंपरी-चिंचवड महापालिकेची गुरुवारची (दि. १५) सर्वसाधारण सभा तहकूब करण्यात आली आहे. ही सभा आता येत्या ३० ऑक्टोबर रोजी दुपारी दोन वाजता होणार आहे. तर ऑगस्ट महिन्याची प्रलंबित तहकूब महासभा २० नोव्हेंबर रोजी दुपारी तीन वाजता घेतली जाणार आहे. परिणामी, गेल्या अनेक महिन्यांपासून लांबणीवर पडलेल्या स्वीकृत सदस्यांच्या निवडीचा तिढा आता २० नोव्हेंबरच्या सभेत सुटण्याची शक्यता आहे.

 

उपमहापौर शर्मिला बाबर यांच्या अध्यक्षतेखाली महासभेचे कामकाज सुरू झाले. सभेच्या प्रारंभी ज्येष्ठ अभिनेते नाना पाटेकर, ज्येष्ठ अभिनेत्री मधू कांबीकर तसेच कोकणातील व आळंदी येथील दुर्घटनेत मृत्युमुखी पडलेल्या विद्यार्थ्यांना भावपूर्ण श्रद्धांजली अर्पण करण्यात आली. या वेळी सभागृह नेते प्रशांत शितोळे, भाऊसाहेब भोईर, नगरसेविका अनुराधा गोरखे आणि नगरसेवक निलेश तरस यांनी दिवंगत कलाकारांच्या आठवणींना उजाळा दिला.

श्रद्धांजलीचा ठराव मंजूर झाल्यानंतर सभागृह नेते प्रशांत शितोळे यांनी सभा तहकूब करण्याची सूचना मांडली. त्यास भाऊसाहेब भोईर यांनी अनुमोदन दिले. सध्या पदवीधर व शिक्षक मतदारसंघाची आचारसंहिता लागू असल्याने सभागृहाचे कामकाज तहकूब ठेवण्याचा निर्णय घेण्यात आला.

हे सुद्धा वाचा : दारूच्या नशेत भरधाव कार अन् दुचाकींना धडक; कोथरुडच्या एमआयटी रस्त्यावर नेमकं काय घडलं?

स्वीकृत सदस्यांच्या निवडीकडे राजकीय वर्तुळाचे लक्ष

महापालिकेतील स्वीकृत नगरसेवकांची निवड अनेक महिन्यांपासून रखडली आहे. आता या निवडीवर थेट दिवाळीनंतर, म्हणजेच २० नोव्हेंबर रोजी होणाऱ्या सभेत शिक्कामोर्तब होण्याची शक्यता राजकीय वर्तुळात वर्तवली जात आहे. भाजपकडून स्वीकृत सदस्यपदासाठी अनेक जण इच्छुक असून, वरिष्ठ पातळीवरून काही नावांना हिरवा कंदील मिळाल्याची चर्चा आहे. दुसरीकडे, राष्ट्रवादी काँग्रेसकडून पूर्वी ठरलेली तीन नावे कायम राहणार की ऐनवेळी त्यात बदल होणार, याविषयी उत्सुकता ताणली गेली आहे.

हे सुद्धा वाचा : आधी बलात्कार, नंतर डोकं ठेचून…; मालेगाव अत्याचार-हत्याप्रकरणी मोठी अपडेट समोर, आरोपीला सुनावली फाशीची शिक्षा