Rapido पुण्यात मोठा झटका! बाइक टॅक्सी सेवा बंद करण्याचे जिल्हाधिकाऱ्यांचे आदेश नेमकं कारण काय?

Rapido: महाराष्ट्र रिक्षा पंचायतचे संस्थापक अध्यक्ष डॉ. बाबा कांबळे यांनी या निर्णयाची अंमलबजावणी तातडीने करण्याची मागणी केली आहे. नियमांचे उल्लंघन करून सेवा सुरू ठेवल्यास संबंधितांवर गुन्हे दाखल करावेत, अशी भूमिकाही त्यांनी मांडली.

Updated On: Oct 15, 2026 | 08:32 PM
पुणे आणि पिंपरी-चिंचवड शहरातील अंमलबजावणीकडे लक्ष

पुणे आणि पिंपरी-चिंचवड शहरातील अंमलबजावणीकडे लक्ष

Follow Us
Follow Us:
  • रॅपिडोची टू-व्हीलर टॅक्सी सेवा बंद करण्याचे पुणे जिल्हाधिकाऱ्यांचे आदेश
  • विनापरवाना सेवा सुरू असल्याचे बैठकीत उघड
  • पुणे आणि पिंपरी-चिंचवड शहरातील अंमलबजावणीकडे लक्ष
पुणे/Rapido: पुणे आणि पिंपरी-चिंचवड शहरात सुरू असलेली रॅपिडो कंपनीची टू-व्हीलर टॅक्सी सेवा बंद करण्याचे निर्देश पुणे जिल्हाधिकाऱ्यांनी दिल्याची माहिती समोर आली आहे. शासनाची अधिकृत परवानगी न घेता ही सेवा सुरू असल्याची बाब बैठकीत समोर आल्यानंतर प्रशासनाने संबंधित कंपनीला सेवा थांबविण्याचे आदेश दिल्याचे रिक्षा संघटनांकडून सांगण्यात आले. त्यामुळे आता या आदेशाची प्रत्यक्ष अंमलबजावणी कशी होते आणि विनापरवाना सेवा सुरू राहिल्यास प्रशासन काय कारवाई करते, याकडे लक्ष लागले आहे.
महाराष्ट्र रिक्षा पंचायत, ऑटो टॅक्सी ट्रान्सपोर्ट फेडरेशन ऑफ इंडिया आणि ऑटो टॅक्सी चालक-मालक संघटना संयुक्त कृती समितीच्या वतीने रॅपिडोच्या टू-व्हीलर टॅक्सी सेवेविरोधात जिल्हाधिकारी आणि प्रादेशिक परिवहन कार्यालयाकडे निवेदन देण्यात आले होते. या मागणीच्या पार्श्वभूमीवर जिल्हाधिकारी कार्यालयात प्रशासकीय अधिकारी, रिक्षा संघटनांचे प्रतिनिधी आणि ओला, उबेर व रॅपिडो कंपन्यांच्या प्रतिनिधींची संयुक्त बैठक झाली.

Viral Video: Rapido बुक करणं पडलं महागात? भाड्यावरून महिला-ड्रायव्हरमध्ये हायव्होल्टेज ड्रामा

या बैठकीत रॅपिडोने टू-व्हीलर टॅक्सी सेवा चालविण्यासाठी शासनाची अधिकृत परवानगी घेतली नसल्याची बाब समोर आल्याचा दावा संघटनांनी केला. त्यानंतर जिल्हाधिकाऱ्यांनी सेवा बंद करण्याचे निर्देश दिल्याचे सांगण्यात आले. महाराष्ट्र रिक्षा पंचायतचे संस्थापक अध्यक्ष डॉ. बाबा कांबळे यांनी या निर्णयाची अंमलबजावणी तातडीने करण्याची मागणी केली आहे. नियमांचे उल्लंघन करून सेवा सुरू ठेवल्यास संबंधितांवर गुन्हे दाखल करावेत, अशी भूमिकाही त्यांनी मांडली.

आता पुढे काय?

जिल्हाधिकाऱ्यांच्या आदेशानंतर संबंधित यंत्रणांकडून रॅपिडोच्या सेवेची स्थिती तपासली जाण्याची शक्यता आहे. सेवा प्रत्यक्षात बंद झाली आहे का, तसेच कंपनीकडून आदेशाचे पालन केले जात आहे का, याची पडताळणी महत्त्वाची ठरणार आहे. आदेशाचे उल्लंघन झाल्याचे आढळल्यास पुढील कारवाईसाठी परिवहन विभाग आणि संबंधित प्रशासनाची भूमिका निर्णायक ठरेल. दुसरीकडे, रिक्षा संघटना या प्रकरणाचा पाठपुरावा करणार असल्याने या निर्णयाचा शहरातील प्रवासी वाहतूक व्यवस्थेवर काय परिणाम होतो, हेही स्पष्ट होईल.

लवकर राइड हवी असेल तर एक्स्ट्रा पैसे द्या? Rapido च्या मनमानी कारभारावर सरकारचा दणका, ठोकला थेट 10 लाखांचा दंड!

बातमी अपडेट होत आहे…

Web Title: Pune disrict collector banned rapido taxi service in pune or pcmc tb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Oct 15, 2026 | 07:53 PM

Topics:  

संबंधित बातम्या

पाणी वाचवणे हेच प्रथम कर्तव्य! पुणेकरांवर २५ टक्के कपातीचे संकट? जलसंपदा विभागाच्या प्रस्तावाने चर्चेला उधाण
1

पाणी वाचवणे हेच प्रथम कर्तव्य! पुणेकरांवर २५ टक्के कपातीचे संकट? जलसंपदा विभागाच्या प्रस्तावाने चर्चेला उधाण

पाणीकपातीचा निर्णय रद्द करा, अन्यथा…; मनसेचे पुणे महापालिका प्रशासनाला निवेदन
2

पाणीकपातीचा निर्णय रद्द करा, अन्यथा…; मनसेचे पुणे महापालिका प्रशासनाला निवेदन

PFRDA Pune NPS News: पुण्यात ‘एनपीएस’चा मोठा डंका!; १२,१७१ कोटींची मालमत्ता जमा, PFRDA चे सदस्य संजय पांडेंची माहिती
3

PFRDA Pune NPS News: पुण्यात ‘एनपीएस’चा मोठा डंका!; १२,१७१ कोटींची मालमत्ता जमा, PFRDA चे सदस्य संजय पांडेंची माहिती

शिवणे–नांदेड सिटीदरम्यान पूल उभारण्याचा मार्ग मोकळा, महापालिकेची तांत्रिक मान्यता; कामासाठी हालचालींना वेग
4

शिवणे–नांदेड सिटीदरम्यान पूल उभारण्याचा मार्ग मोकळा, महापालिकेची तांत्रिक मान्यता; कामासाठी हालचालींना वेग