mahendra thorve sudhakar ghare
कर्जत : कर्जत तालुक्यातील साय डोंगर परिसरात प्रस्तावित टोरंट पॉवरच्या ऊर्जा साठवण प्रकल्पावरून आता राजकीय वातावरण तापले आहे. या प्रकल्पाला चहूबाजूंनी विरोध होत असतानाच आता महायुतीतील मित्रपक्षांनीसुद्धा आक्षेप घेतला असल्याचं दिसत आहे. स्थानिक नागरिक, पर्यावरणप्रेमी आणि राजकीय विरोधकांकडून विरोध होत असतानाच आता सत्ताधाऱ्यांना मित्रपक्षांनासुद्धा सामोरे जावे लागत आहे. (Karjat Saidongar Deforestation)
या प्रकल्पावरून वाद निर्माण होत असतानाच एका बाजूला शिवसेना शिंदे गटाचे आमदार महेंद्र थोरवे यांनी प्रकल्पामुळे स्थानिकांना रोजगाराच्या संधी मिळतील, अशी भूमिका मांडली आहे. तर दुसरीकडे राष्ट्रवादी काँग्रेस अजित पवार गटाचे रायगड जिल्हाध्यक्ष सुधाकर घारे यांनी वृक्षतोड आणि स्थानिकांच्या विरोधाचा मुद्दा उपस्थित करत या प्रकल्पाला विरोध दर्शवला आहे.
साय डोंगर परिसरातील प्रकल्पाला स्थानिकांकडून विरोध होत असताना आमदार महेंद्र थोरवे यांनी त्याला पाठिंबा दिला आहे. या प्रकल्पातून रोजगारनिर्मिती होण्याची शक्यता त्यांनी मांडली. मात्र, एवढ्या मोठ्या प्रकल्पाला विरोध होत असतानाही थोरवे समर्थन का देत आहेत, असा सवाल सुधाकर घारे यांनी उपस्थित केला.
घारे यांनी थोरवेंच्या भूमिकेवर टीका करत स्थानिकांच्या हिताचा विचार करण्याची गरज अधोरेखित केली. स्थानिकांना नुकसान पोहोचवणारे प्रकल्प आणले जात असल्याचा आरोपही त्यांनी केला.
कर्जत तालुक्यातील साय डोंगर परिसरात टोरंट पॉवर कंपनीचा तीन हजार मेगावॉट क्षमतेचा जलविद्युत ऊर्जा साठवण प्रकल्प प्रस्तावित आहे. या प्रकल्पाशी संबंधित वृक्षतोडीवरून ग्रामस्थांमध्ये नाराजी असल्याचे सांगितले जात आहे. वृक्षतोड जवळपास सहा महिने सुरू राहणार असल्याचा दावाही करण्यात आला आहे.
या मुद्द्यावर स्थानिक ग्रामस्थ, शेतकरी आणि पर्यावरणप्रेमी संघटनांनी आक्षेप घेतला आहे. शिवसेना ठाकरे गट, महाराष्ट्र नवनिर्माण सेना आणि शेतकरी कामगार पक्षानेदेखील वृक्षतोडीला विरोध दर्शवला आहे.
राष्ट्रवादीचे सुधाकर घारे यांनी प्रकल्पाच्या जनसुनावणीदरम्यान स्थानिकांचा मोठ्या प्रमाणात विरोध असल्याचा दावा केला. अशा परिस्थितीत प्रकल्प पुढे कसा नेला जात आहे, असा प्रश्न त्यांनी उपस्थित केला.
एकीकडे रोजगारनिर्मितीचा मुद्दा मांडला जात आहे, तर दुसरीकडे जंगल आणि स्थानिक पर्यावरणाच्या संरक्षणाची मागणी होत आहे. त्यामुळे साय डोंगरातील प्रकल्पाबाबत पुढील निर्णय काय होतात, तसेच वृक्षतोड आणि स्थानिकांच्या आक्षेपांवर प्रशासन काय भूमिका घेते, याकडे आता लक्ष लागले आहे.
Karjat torrent Power Project : ओमराजे निंबाळकरांचा सरकारला घरचा आहेर, वृक्षतोडीवरून राजकारण पेटलं…
Ans: कर्जत तालुक्यातील साय डोंगर परिसरात टोरंट पॉवर कंपनीचा तीन हजार मेगावॉट क्षमतेचा जलविद्युत ऊर्जा साठवण प्रकल्प उभारण्याचे नियोजन आहे. या प्रकल्पाशी संबंधित वृक्षतोडीवरून स्थानिक नागरिक आणि पर्यावरणप्रेमींनी विरोध दर्शवला आहे.
Ans: शिवसेना शिंदे गटाचे आमदार महेंद्र थोरवे यांनी प्रकल्पामुळे स्थानिकांना रोजगार मिळण्याची शक्यता मांडत समर्थन केले आहे. राष्ट्रवादी काँग्रेसचे रायगड जिल्हाध्यक्ष सुधाकर घारे यांनी मात्र वृक्षतोड आणि स्थानिकांच्या विरोधाचा मुद्दा उपस्थित करत प्रकल्पाला विरोध दर्शवला आहे.
Ans: स्थानिक ग्रामस्थ, पर्यावरणवादी संघटना, शिवसेना ठाकरे गट, मनसे आणि शेतकरी कामगार पक्षाने विरोध दर्शवला आहे. राष्ट्रवादीचे सुधाकर घारे यांनीही स्थानिकांच्या भूमिकेला पाठिंबा दिला आहे.
.png "Videos"){kind=small}
