Raigad News: अजेंडा, कर्जमाफी अन् ई-पीक पाहणीवरून शेतकरी आक्रमक; दुष्काळाच्या मागणीसाठी तहसीलदारांना निवेदन
Nagpur News : इमारत-उपकरणे सज्ज; सुपरस्पेशालिटी हॉस्पिटल रखडले, आता ३ महिन्यांची नवी मुदत
नेरळ विविध विकास कार्यकारी सोसायटीची वार्षिक सर्वसाधारण सभा नेरळ येथील शेतकरी भवनमध्ये झाली. बैठक सुरू होताच वार्षिक सभेचा अजेंडा मिळत नसल्याबद्दल शेतकरी सदस्यांनी तक्रार केली. त्यानंतर अजेंडासोबत अहवाल आणि वार्षिक ताळेबंद दिला जात नसल्याने सभा बेकायदेशीर आहे, अशी भूमिका शेतकऱ्यांनी घेतली. त्यावेळी सभा अध्यक्ष सावळाराम जाधव यांनी संस्थेची चूक मान्य करीत पुढील वार्षिक सभेपासून अहवाल आणि ताळेबंद सर्व शेतकरी सदस्यांना दिला जाईल, असे जाहीर केले. त्यानंतर इतिवृत वाचन केले जात असताना अनेक विषयांची अंमलबजावणी झाली नसल्याची तक्रार शेतकरी मारुती विरले आणि संदीप मसणे यांनी केली. मागील वार्षिक सभेत झालेल्या निर्णय आणि ठराव यांची अंमलबजावणी होत नसल्याने नाराजी व्यक्त केली. (फोटो सौजन्य – AI Created)
यावेळी आपल्या स्वतःच्या मालकीची जमीन विकत घेण्याचे निर्णय संचालक मंडळाने घेतला असल्याचे अध्यक्ष जाधव यांनी जाहीर केले, त्यावेळी तुम्ही संचालक मंडळाने जमीन बघावी. परंतु सर्व व्यवहार पूर्ण करू नये. जमीन खरेदी करण्याआधी सर्व सदस्य शेतकरी यांची सभा घेण्याची मागणी पुंडलिक शिनारे यानी केली.
त्यावर तात्काळ कर्जत तालुका तहसीलदार यांना निवेदन देण्यात यावे, असे यावेळी ठरले. यावेळी संस्थेचे संचालक सावळाराम जाधव यांच्या अध्यक्षतेखाली झालेल्या वार्षिक सर्व साधारण सभेला अध्यक्ष राजेंद्र विरले, उपाध्यक्ष रवींद्र झांजे, तसेच जिल्हा परिषद माजी सदस्य नागो गवळी, संचालक शशिकांत मोहिते, यशवंत कराळे, विष्णू कालेकर, नारायण तरे, संजय शिंदे, वैभव भगत, घोडू आखाडे तसेच महिला संचालक अर्चना शेळके, कुंदा सोनवले, तसेच सचिव श्रीकांत पिंगळे आदी प्रमुख उपस्थित होते.
ई-पीक पाहणी होत नसल्याने तहसीलदारांना निवेदन द्यायची मागणी केली. त्यावेळी अध्यक्षानी मागील वर्षी असा पत्रव्यवहार केला होता, अशी माहिती देण्यात आली. त्यानंतर देखील ई-पीक पाहणी होत नसल्याने मारुती विरले आणि शेतकऱ्यांनी नाराजी व्यक्त करीत कठोर भूमिका संचालक मंडळाने घ्यावी, अशी मागणी केली. त्यानंतर शेतकऱ्यांना कर्ज घेण्यासाठी जमीनदार यांच्या सह्या घेतल्या जातात. यामुळे शेतकऱ्यांना कर्ज उपलब्ध होत नाहीत, अशी तक्रार संदीप मसणे यांनी केली.
अनेक शेतकरी व जमीनदारांनी ही अट शिथिल करण्याची मागणी केली. त्यावर संचालक मंडळ आणि अध्यक्षांकडून वरिष्ठांची मार्गदर्शन घेऊन निर्णय घेतला जाईल, असे आश्वासन दिले, परंतु कोणताही निर्णय झाला नाही.
शासनाची कर्जमाफी सर्वांना मिळत नसल्याच्या तक्रारी शेतकऱ्यांनी केल्या आणि यादी वाचण्याची मागणी केली. मात्र वेळ नाही म्हणून सचिवांनी यादी वाचण्याची टाळाटाळ केली. त्यावेळी शेवटी फक्त कागदपत्र अपूर्ण असलेल्या शेतकऱ्यांची यादी वाचण्यात आली. त्या शेतकऱ्यांना कर्जमाफी का मिळाली नाही? याचे उत्तर देताना अध्यक्ष सावळाराम जाधव यांनी त्यांची अपूर्ण कागदपत्र परिपूर्ण केली जातील, असे आश्वासन दिले.
राज्यात दुष्काळ जाहीर झाला असून कर्जत तालुक्यात आणखी ८ दिवस पाऊस पडला नाहीतर आपल्या तालुक्यात देखील दुष्काळासाठी परिस्थिती निर्माण होईल. कर्जत तालुका तहसीलदार यांना निवेदन देण्याचे या सभेत ठरवण्यात आले आहे. – सावळाराम जाधव, सभा अध्यक्ष
.png "Videos"){kind=small}
