नेरळ–माथेरान नॅरोगेज मार्गावर सिग्नल यंत्रणेच्या केबलला आग; मिनीट्रेन टीसीकडून आग विझवण्याचे प्रयत्न
माथेरान : पर्यटकांची लाडकी मिनीट्रेन नेरळ येथून माथेरानकडे जात होती.या नेरळ माथेरान मिनीट्रेन मार्गावर गाडीच्या टेलिफोन आणि सिग्नल यंत्रणेसाठी टाकलेली केबल आहे. मिनीट्रेन नेरळ माथेरान कडे जात असताना सिग्नल यंत्रणेची केबल जळू लागली होती. त्यावेळी मिनी ट्रेन मधून प्रवास करणारे तिकीट तपासनीस विजय लांडगे यांनी प्रसंगावधान लक्षात गाडी थांबवली आणि ती आग विझविण्याचे प्रयत्न केले.
ब्रिटिश काळापासून नॅरोगेज मार्गावर नेरळ माथेरान अशी मिनी ट्रेन चालवली जाते.ब्रिटिश काळात सुरू झालेल्या 21 किलोमीटर लांबीच्या मिनी ट्रेन मार्गावर असलेले स्थानके यांना जोडण्यासाठी सिग्नल तसेच टेलिफोन यंत्रणेची केबल आहे. २७ मार्च रोजी नेरळहून माथेरान कडे निघालेले ८वाजून ५० मिनिटाची मिनी ट्रेन प्रवाशांना घेऊन निघाली.
सकाळी अकराच्या दरम्यान वाॅटर पाॅईप स्थानक येथून ही गाडी पुढे जात असताना कड्याच्या गणपतीच्या पुढे पोहचली असता ङुटी वर कार्यरत असेलेले टीसी विजय लांडगे यांना नॅरोगेज ट्रॅक चे बाजूला दगडामध्ये असलेली केबल दिसली.मात्र त्यावेळी केबल ला आग लागलेली पाहून मिनी ट्रेन चालक यांना आपल्याकडील वॉकीटॉकी वरून गाडी थांबवण्याची सूचना केली.त्यानंतर तिकीट तपासनीस विजय लांडगे हे गाडी मधून खाली उतरले आणि त्यांनी क्षणाचीही विलंब न लावता ही बाब रेल्वे कर्मचारी यांच्या लक्षात आणून दिली.
गाडीचे चालक तसेच अन्य कर्मचारी हे आग विझवण्याचा प्रयत्न करणारे तिकीट विजय लांडगे यांच्या मदतीला पोहचले. रेल्वे कर्मचारी वर्गाने ओले कपडे आणि पाण्याच्या मारा करून तसेच मिनी ट्रेन गाङीमध्ये असलेले आग प्रतिबंध यांचा वापर करून आग विझवली. रेल्वे कर्मचाऱ्यांनी आग आटोक्यात आणल्याने मोठा अनर्थ टळला. अन्यथा पुर्ण ङोंगर जळून बेचिराख होऊन निसर्गाची मोठी हानी झाली असती.यावेळी गाङीचे प्रवास करणार्या प्रवाशांकडून टीसी विजय लांडगे व रेल्वे कर्मचारी वर्गाचे धाडसाचे कौतुक होत आहे.मिनी ट्रेनचे चालक व्हि एम चौथे आणि गार्ड बी एस मीना यांनी केलेल्या सहकार्यामुळे गाडी थांबवणे शक्य झाल्याचे विजय लांडगे यांनी सांगितले आणि आग विझवण्यास मदत झाल्याचे सांगितले.
