Ganesh Festival : शिक्षणातील गैरप्रकारांवर बाप्पाच्या देखाव्यातून प्रहार; ‘NEET पेपरफुटी’वर नेतिवलीच्या राजाकडून जनजागृती

Ganesh Festival : कल्याण पूर्वेतील जय गणेश मित्र मंडळाने यंदाच्या गणेशोत्सवात NEET पेपरफुटी, शिक्षण क्षेत्रातील गैरप्रकार आणि त्याचा विद्यार्थ्यांवर होणारा परिणाम या विषयांवर जनजागृती करणारा देखावा साकारला आहे.

शिक्षणातील गैरप्रकारांवर बाप्पाच्या (फोटो सौजन्य- सोशलमीडिया)

Follow Us:

Follow Us:

• देखावा पाहण्यासाठी गणेशभक्तांची होतेय गर्दी
• मंडळाचे हे यंदाचे ४० वर्षे
• अध्यक्ष आणि पदाधिकाऱ्यांच्या संकल्पनेतून साकारला देखावा

Ganesh Festival : कल्याण पूर्वेतील जय गणेश मित्र मंडळाचा यंदाचा उपक्रम हा कौतुकास्पद आणि अत्यंत महत्त्वाचा आहे. जेव्हा सण-उत्सवांना अनेकदा केवळ व्यावसायिक स्वरूप येते, अशा वेळी हे मंडळ शिक्षण क्षेत्रातील काळा बाजार आणि पेपर फुटीमुळे होणाऱ्या विद्यार्थ्यांच्या आत्महत्या या गंभीर विषयावर प्रकाश टाकून खऱ्या अर्थाने ‘समाज प्रबोधन’ करत आहे. पेपर फुटी आणि शिक्षण क्षेत्रातील भ्रष्टाचार हा थेट विद्यार्थ्यांच्या आणि त्यांच्या पालकांच्या भविष्याशी जोडलेला प्रश्न आहे. यावर उघडपणे बोलणे अत्यंत गरजेचे आहे.आत्महत्यांबाबत जनजागृती: अपयश किंवा व्यवस्थेतील त्रुटींमुळे तरुण पिढी टोकाचे पाऊल उचलते, हाच मुद्दा घेउन कल्याण पूर्व येथिल जय गणेश मित्र मंडळाने अनोखा देखावा सादर केला आहे. या माध्यमातून गणेश उत्सवाचा मूळ उद्देश आमि लोकमाण्य टिळकांनी गणेश उत्सवाची सुरुवात ही समाज प्रबोधन आणि सर्व जाती धर्मातील लोकांनी एकत्र आणण्यासाठी केली होती .

देखावा पाहण्यासाठी गणेशभक्तांची होतेय गर्दी ..

कल्याण पूर्वेतील येथिल जय गणेश मंडळाने शिक्षण क्षेत्रात होणारा काळा बाजार नेट पेपर फुटी संदर्भात होणाऱ्या आत्महत्या या वर आगळा वेगळा देखावा सादर केला आहे. कल्याण येथिल जय गणेश मित्र मंडळ हे दरवर्षी सामाजिक प्रश्वावर देखावा सादर करुन समाज प्रबोधनाचे काम करत असतात. दरवर्षी सामाजिक प्रश्नावर देखाव्यांच्या माध्यमातून जनजागृती करणे हा मंडळाचा उद्देश असल्याने मंडळाचा देखावा पाहण्यासाठी गणेशभक्तांची गर्दी होत आहे.

मंडळाचे हे यंदाचे ४० वर्षे

कल्याण पूर्वेतील येथिल जय गणेश मंडळाचे ४० वर्षे असून हे मंडळ नेतिवाल्याचा राजा म्हणून प्रसिद्ध आहे. या आधी मंडळाने मराठी भाषा अभिमान, ऑनलाइन लॉटरीवर अशा विषयांवर या देखावे साकारलेले आहे. यंदा नीट पेपरफुटीचा विषय आहे. पेपर फूटीनंतर अनेक विद्यार्थ्यांनी आत्महत्या केल्या. आपल्या देशात परीक्षा पद्धती पारदर्शक नाही. त्याचा फटका पालक आणि विद्यार्थी वर्गास सहन करावा लागतो. पाश्चिमात्य देशात परीक्षा प्रक्रिया आणि पद्धती पारदर्शक कशी आहे. चीनमध्ये ती अधिक पारदर्शक आहे. असे देखाव्यातून दाखवण्यात आले आहे .

Lalbaugcha Raja च्या भक्तांच्या सेवेसाठी Combiflam MS Cream; भाविकांसाठी मोफत लेग मसाज सुविधा!

अध्यक्ष आणि पदाधिकाऱ्यांच्या संकल्पनेतून साकारला देखावा

जय गणेश मंडळाचे अध्यक्ष कृष्णा पाटील यांच्या संकल्पनेतून आणि मंडळाचे पदाधिकारी सुनील केणे, नितिन बनसोडे, विलास बाईत, आनंद शिंदे ,सतीश सोनावणे यांनी हा देखावा साकारला आहे…

Web Title: Raja from netivali raises public awareness about the neet paper leak

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com