रत्नागिरीत खळबळबळ! जयगड पोलीस ठाणे हद्दीत गावठी हातबॉम्बचा स्फोट ! महिला गंभीर जखमी, २९ जिवंत बॉम्ब हस्तगत…

एका महिलेचा गावठी हातबॉम्बला स्पर्श झाल्याने जोरदार स्फोट.घटनास्थळावरून २९ जिवंत गावठी हातबॉम्ब जप्त करण्यात आले.रत्नागिरीचे अप्पर पोलीस अधीक्षक आणि डीवायएसपी यांनी घटनास्थळी भेट दिली.हे गावठी बॉम्ब कोणी आणि कोणत्या उद्देशाने तिथे ठेवले होते याचा तपास सुरू आहे.

• जयगड सागरी पोलीस ठाण्याच्या हद्दीत धक्कादायक स्फोटाची घटना घडली.
• वाटत जांबारी फाटा परिसरात लाकडे गोळा करताना महिलेचा गावठी हातबॉम्बला स्पर्श झाला.
• स्फोटात सौ. रेश्मा प्रमोद सुर्वे गंभीर जखमी झाल्या.
• त्यांच्या डाव्या हाताच्या बोटांना गंभीर दुखापत झाली आहे.
• घटना सकाळी सुमारे ६.४५ वाजता घडली.

जयगड सागरी पोलीस ठाण्याच्या हद्दीतील वाटत जांबारी फाटा येथे आज सकाळी एक धक्कादायक आणि थरारक घटना घडली आहे. मोकळ्या जागेत लाकडे गोळा करण्यासाठी गेलेल्या एका महिलेचा अज्ञात इसमाने उघड्यावर टाकलेल्या गावठी हातबॉम्बशी संपर्क आल्याने भीषण स्फोट झाला. या स्फोटात महिला गंभीर जखमी झाली असून, पोलिसांनी घटनास्थळावरून तब्बल २९ जिवंत गावठी हातबॉम्ब जप्त केल्याने परिसरात प्रचंड खळबळ उडाली आहे.

लाकडे गोळा करताना काळाचा घाला

पोलिसांकडून मिळालेल्या माहितीनुसार, सौ. रेश्मा प्रमोद सुर्वे (वय ४७ वर्षे, रा. वाटत खंडाळा, जांबारी फाटा) या सकाळी ०६.४५ वाजण्याच्या सुमारास जांभळी फाटा येथील ‘भूत बंगला’ परिसराच्या पाठीमागील मोकळ्या जागेत बांबूची लाकडे जमा करण्यासाठी गेल्या होत्या. लाकूड तोडत असताना, त्या जागेवर कोणीतरी अज्ञात इसमाने उघड्यावर टाकलेल्या गावठी हातबॉम्बला त्यांचा अचानक हात लागला. हात लागताच बॉम्बचा जोरदार स्फोट झाला. या भीषण स्फोटात सौ. रेश्मा सुर्वे यांच्या डाव्या हाताच्या बोटांना गंभीर दुखापत झाली आहे.​घटनेची माहिती मिळताच जयगड पोलिसांनी तात्काळ धाव घेतली. परिस्थितीचे गांभीर्य ओळखून बीडीडीएस (बॉम्ब शोधक व नाशक पथक) आणि फॉरेन्सिक टीमला पाचारण करण्यात आले. या पथकांच्या मदतीने घटनास्थळाचा सखोल पंचनामा करण्यात आला असता, तिथे आणखी तब्बल २९ जिवंत गावठी हातबॉम्ब मिळून आले. यामुळे संपूर्ण परिसरात भीतीचे वातावरण पसरले होते.

Chhatrapati Sambhajinagar Crime: खाऊचं पाकीट हातात अन् मृतदेह खड्ड्यात; संभाजीनगरातील घटना अंगावर शहारे आणणारी

​वरिष्ठ पोलीस अधिकाऱ्यांची भेट व तपास

घटनेची गांभीर्याने दखल घेत रत्नागिरीचे मा. अप्पर पोलीस अधीक्षक आणि मा. डी.वाय.एस.पी. श्री. माईनकर यांनी प्रत्यक्ष घटनास्थळी भेट देऊन पाहणी केली. तसेच तपासाच्या अनुषंगाने स्थानिक पोलिसांना महत्त्वपूर्ण मार्गदर्शन केले आहे.

Nagpur Crime: ‘मला वाचवा…’ म्हणत आईला फोन, काही तासांत नवविवाहितेचा संशयास्पद मृत्यू; मृतदेह कबरीतून काढले बाहेर आणि…