त्र्यंबकेश्वर संत निवृत्तीनाथ महाराज संस्थानाच्या अध्यक्ष पदावरून विश्वस्तांमध्ये वाद सुरू असल्याचे समोर आले. (फोटो - सोशल मीडिया)
सातपूर येथील जलकुंभाला संत निवृत्तीनाथ महाराज यांचे नाव देण्याच्या संदर्भात महापालिकेचे माजी नगरसेवक दिनकर पाटील यांनी संस्थानच्या काही विश्वस्तांना गुरुवारी महापालिकेत बोलावले होते. या वेळी संस्थानचे सचिव श्रीपाद कुलकर्णी आणि विश्वस्त अमर ठोंबरे यांच्यासह अन्य विश्वस्त उपस्थित होते. बैठकीनंतर तळमजल्यावर अध्यक्षपदाच्या निवडीसंदर्भात चर्चा सुरू झाली.
मात्र, या चर्चेदरम्यान मतभेद निर्माण होऊन कुलकर्णी आणि ठोंबरे यांच्यात शाब्दिक वाद झाला. या वादाचे पर्यवसान हमरीतुमरीत झाल्याची माहिती समोर आली आहे.
FDAची पुण्यात ५०१ औषध आस्थापनांवर कारवाई; विक्रेत्यांवर सर्वाधिक कारवाई, ३६७ परवाने निलंबित
त्र्यंबकेश्वर येथील यात्रेच्या नियोजनाची चिंता
सचिव श्रीपाद कुलकर्णी यांनी अमर ठोबरे यांच्या दिशेने आक्रमकपणे आगेकूच केल्याचा आरोप करण्यात आला आहे. त्यामुळे महापालिकेच्या परिसरात काही काळ तणावाचे वातावरण निर्माण झाले. संस्थानचे माजी अध्यक्ष नीलेश गाढवे आणि महापालिकेच्या सुरक्षारक्षकांनी मध्यस्थी केल्यानंतर हा वाद शांत झाला. दरम्यान, संतश्रेष्ठ निवृत्तीनाथ महाराजांची यात्रा २ फेब्रुवारी रोजी होणार असून यात्रेचा कालावधी जवळ येत असताना संस्थानमधील विश्वस्तांमधील मतभेद उघड झाल्याने वारकरी वर्गातून चिता व्यक्त केली जात आहे. यात्रेच्या नियोजनासाठी संस्थानमध्ये समन्वय आणि एकमत असणे आवश्यक असल्याचे मत वारकऱ्यांकडून व्यक्त होत आहे.
संस्थानच्या अध्यक्षपद रिक्त असल्याने कामकाजावर आणि यात्रेच्या नियोजनावर त्याचा परिणाम होऊ नये, यासाठी धर्मादाय आयुक्तांनी या प्रकरणात लक्ष घालून अध्यक्षपदाची निवड प्रक्रिया तातडीने पूर्ण करावी, अशी मागणी काही वारकऱ्यांकडून केली जात आहे. आता या प्रकरणात धर्मादाय आयुक्त काय भूमिका घेतात, याकडे वारकरी संप्रदायासह भाविकांचे लक्ष लागले आहे.
Ans: संस्थानचे अध्यक्षपद गेल्या दोन महिन्यांपासून रिक्त आहे.
Ans: अध्यक्षपदाच्या निवडीवरून सचिव श्रीपाद कुलकर्णी आणि विश्वस्त अमर ठोंबरे यांच्यात शाब्दिक वाद झाल्याची माहिती आहे.
Ans: संतश्रेष्ठ निवृत्तीनाथ महाराजांची यात्रा २ फेब्रुवारी रोजी होणार आहे. यात्रेच्या पार्श्वभूमीवर संस्थानमधील अंतर्गत मतभेद चर्चेत आले आहेत.






