पुण्याच्या ससूनच्या नवव्या मजल्यावर आग; तत्काळ रुग्णालय प्रशासनाकडून आग आटोक्यात, कोणतीही जीवितहानी नाही

File Photo : Sassoon-hospital

Follow Us:

Follow Us:

Sassoon Hospital : पुण्याच्या सर्वात मोठे जिल्हा रुग्णालय असलेल्या ससून हाॅस्पिटलला आग लागल्याची माहिती मिळाली आहे. ससून हाॅस्पिटलच्या नवव्या मजल्यावर आग लागल्याची प्राथमिक माहिती आहे. यामध्ये नवव्या मजल्यावरील एक पेशंटच्या वार्डमधील डक्टमध्ये ठेवण्यात आलेल्या कपड्यांवर कोणीतरी जळीत सिगारेट टाकल्याने ही आग लागल्याचे प्राथमिक माहितीत कळून आले. परंतु, तत्काळ ही आग विझवण्या आल्याची माहिती आहे. यामध्ये कोणतीही जीवितहानी झाली नाही. तसेच, कोणत्याही रुग्णाला त्रास झाला नसल्याची माहिती ससून हाॅस्पिटलचे अधीक्षक विनायक काळे यांनी दिली.

मागील काही दिवसांपासून ससून हाॅस्पिटल चांगलेच चर्चेत आहे. यामध्ये ड्रग्ज प्रकरण चांगलेच गाजले आहे. ड्रग्ज माफिया ललित पाटील प्रकरणात येरवडा कारागृहाच्या वैद्यकीय अधिकाऱ्यांना अटक केल्यानंतर आता पोलिसांनी ससून रुग्णालयातील निलंबित वैद्यकीय अधिकारी डॉ. समीर देवकाते यांना अटक केली आहे. प्रमुख डॉक्टरांमधील दोघांना अटक झाल्याने खळबळ उडाली आहे. देवकाते यांनी ससूनमध्ये उपचारासाठी दाखल झालेल्या ललितला मदत केल्याचे तपासात उघडकीस आले आहे. या घटनेने वैद्यकीय क्षेत्रासह पुण्यात चांगलीच खळबळ उडाली आहे.

Web Title: Sassoon ninth floor fire the fire was immediately brought under control by hospital administration there was no casualty nryb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com