Satara News : राहुल माने यांची भाजप किसान मोर्चा तालुकाध्यक्षपदी निवड

Satara News : सातारा जिल्ह्यातील राजकीय घडामोडींमध्ये राहुल माने यांची भाजप किसान मोर्चाच्या तालुकाध्यक्षपदी निवड करण्यात आली आहे. या निवडीमुळे पक्षाच्या संघटनात्मक बांधणीला बळ मिळण्याची अपेक्षा असून, शेतकरी आणि ग्रामीण भागातील प्रश्नांवर अधिक प्रभावीपणे काम करण्याची जबाबदारी राहुल माने यांच्यावर आली आहे.

Satara News : बांधकाम मंत्री शिवेंद्रसिंहराजे भोसले यांचे कट्टर समर्थक म्हणून ओळख असलेल्या दरेखुर्द येथील राहुल विलास माने यांची भारतीय जनता पार्टी किसान मोर्चा जावली तालुका अध्यक्षपदी निवड करण्यात आली.

Satara : प्रकल्पग्रस्तांचे प्रश्न तातडीने सोडवा; शिवेंद्रसिंहराजेंचे प्रशासनाला निर्देश, ठोसेघर-कुसूंबी पर्यटन विकासाचाही आढावा

राहुल माने यांना मंत्री शिवेंद्रसिंहराजे भोसले यांच्या हस्ते निवडीचे नियुक्तीपत्र नुकतेच देण्यात आले. या निवडीबद्दल राहुल माने यांचे मंत्री शिवेंद्रसिंहराजे भोसले, राज्याध्यक्ष किसान मोर्चा रामकृष्ण वेताळ,जिल्हाध्यक्ष सूर्यकांत पडवळ, जिल्हा बँक संचालक ज्ञानदेव रांजणे, जिल्हा परिषद सदस्य वसंतराव मानकुमरे, सभापती सौरभ बाबा शिंदे,बाजार समिती चेअरमन जयदीप शिंदे, युवा नेते प्रवीण देशमाने,इंद्रजित भिलारे,आदींनी अभिनंदन केले.

सातारा वनविभागाला वन्यजीव बचावासाठी आधुनिक बळ; पालकमंत्री शंभूराज देसाई यांच्या हस्ते रुग्णवाहिका आणि रेस्क्यू वाहनांचे लोकार्पण

भारतीय जनता पार्टीने माझ्यावर तालुकाध्यक्ष पदाची जी जबाबदारी दिली आहे. ती मी निष्ठेने पार पाडीन, तालुक्यातील शेतकऱ्यांचे भाजपच्या माध्यमातून संघटन करून त्यांच्या न्याय मागण्या सरकारपर्यंत पोहोचवण्याचा माझ्याकडून प्रयत्न राहील.अशी प्रतिक्रिया निवड झाल्यानंतर नूतन तालुकाध्यक्ष राहुल माने यांनी दिली.