आज शरद पवारांच्या हस्ते मोदींना टिळक पुरस्कार देण्यात येणार; काँग्रेसची नाराजी तर संजय राऊतांचा पवारांना कोणता सल्ला? कसा असणार कार्यक्रम?

पंतप्रधान नरेंद्र मोदींच्या आजच्या पुणे दौऱ्यानिमित्त पुणे शहराच्या मध्यवर्ती भागातील सर्व प्रमुख रस्ते सकाळी 6 वाजल्यापासून बंद ठेवण्यात येणार आहेत. तर त्या विभागातील शाळा कॉलेज देखील बंद ठेवण्यात आलं आहे. दुसरीकडे पंतप्रधान नरेंद्र मोदींच्या दौऱ्या  वेळी आंदोलनाचा इशारा दिल्याने पुणे पोलिसांकडून शिवसेना ठाकरे गट, काँग्रेस आणि राष्ट्रवादी पवार गटाच्या नेत्यांना नोटीसा बजावण्यात आल्या आहेत.

Follow Us:

Follow Us:

पुणे – आज देशाच्या राजकीय क्षेत्रात एक मोठी घडामोड घडत आहे. दोन विरोधक एका कार्यक्रमासाठी एकाच व्यासपीठावर येणार आहेत. आज पंतप्रधान नरेंद्र मोदी (Narendra Modi) हे पुणे (Pune) दौऱ्यावर आहेत. शरद पवारांच्या (sharad pawar) हस्ते मोदींना टिळक पुरस्कार देण्यात येणार आहे. (Pune Tilak Award) तसेच यावेळी पुणे मेट्रो आणि इतर विकासकामांचे उद्घाटन आणि भूमिपूजन पंतप्रधानांच्या हस्ते पार पडणार आहे. पंतप्रधान नरेंद्र मोदींच्या आजच्या पुणे दौऱ्यानिमित्त पुणे शहराच्या मध्यवर्ती भागातील सर्व प्रमुख रस्ते सकाळी 6 वाजल्यापासून बंद ठेवण्यात येणार आहेत. तर त्या विभागातील शाळा कॉलेज देखील बंद ठेवण्यात आलं आहे. दुसरीकडे पंतप्रधान नरेंद्र मोदींच्या दौऱ्या  वेळी आंदोलनाचा इशारा दिल्याने पुणे पोलिसांकडून शिवसेना ठाकरे गट, काँग्रेस आणि राष्ट्रवादी पवार गटाच्या नेत्यांना नोटीसा बजावण्यात आल्या आहेत. (Sharad Pawar will give Tilak Award to Modi today; What is Sanjay Raut’s advice to Pawar if Congress is displeased? How will the program be)

बंडानंतर काका-पुतण्या पहिल्यांदाच एकत्र…

पंतप्रधान नरेंद्र मोदींना आज लोकमान्य टिळक राष्ट्रीय पुरस्काराने सन्मानित केलं जाणार आहे. या कार्यक्रमाला अनेक आमदारांसह खासदार हजेरी लावणार आहेत. मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि राष्ट्रवादी काँग्रेसचे अध्यक्ष शरद पवार असे दिग्गज नेते व्यासपीठावर उपस्थित राहणार आहेत. दरम्यान, अजित पवारांच्या बंडानंतर काका-पुतणे पहिल्यांदाच एकाच व्यासपीठावर येत आहेत.

विरोधकांमध्ये नाराजी…

पंतप्रधान मोदींच्या पुरस्कार सोहळ्यात शरद पवार हजर राहणार असल्याने विरोधी पक्षांमध्ये नाराजी आहे. तसेच या कार्यक्रमाला पवारांनी उपस्थिती लावू नये, असं काँग्रेसनं म्हटलं आहे. या देशाचं संविधान, लोकशाही आणि शिव-शाहू-फुले-आंबेडकर यांच्या विचारांना धोका पोहोचला आहे. अशा व्यक्तीच्या कार्यक्रमात शरद पवार यांनी उपस्थित न राहिलेलं बरं. ते उपस्थित राहिलेच तर त्यांनी पंतप्रधान मोदींची कानउघडणी करावी, असं देखील काँग्रेसनं म्हटलं आहे.

काय दिलाय राऊतांनी सल्ला

दरम्यान, पवारांच्या उपस्थितीवरुन महाविकास आघाडीच्या नेत्यांमध्ये चलबिचल सुरू झाली आहे. काँग्रेस व शिवसेनेच्या ठाकरे गटाच्या नेत्यांनी या प्रकरणी पवारांना मोदींसोबत व्यासपीठ शेअर करण्यापूर्वी एकदा विचार करण्याचा सल्ला दिला आहे.

कसा असणार मोदींचा दौरा…

– सकाळी १० .१५ लोहगाव विमानतळावर आगमन
– सकाळी १०.४० कृषि महाविघालयाच्या मैदानवरील हेलिपॅडवर आगमन
– सकाळी १०.५५ श्रीमंत दगडूशेठ हलवाई गणपतीचे दर्शन
– सकाळी ११ ते ११. ३० वाजता श्रीमंत दगडूशेठ हलवाई मंदिरात पुजा
– सकाळी ११ .४५ वाजता लोकमान्य टिळक पुरस्कारः स. प. महाविद्यालय (कार्यक्रम निमंत्रितांसाठी)
– दुपारी १२.४५ वाजता मेट्रोच्या दोन विस्तारित मार्गांचे लोकार्पण, पंतप्रधान आवास योजनेतील पुणे आणि पिंपरीतील चार हजार सदनिकांचे लोकार्पण, पीएमआरडीएच्या सहा हजार घरांचे भूमिपूजन (खुला कार्यक्रम)

Web Title: Sharad pawar will give tilak award to modi today what is sanjay raut advice to pawar if congress is displeased how will the program be

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com