शेवगावमधील वृक्षतोड प्रकरण पेटणार? वन अधिकाऱ्यांवर कारवाई न झाल्यास राज्यव्यापी आंदोलनाचा इशारा
दुष्काळाच्या काळात निसर्गावर दरोडा; प्रशासकीय दुर्लक्ष संशयास्पद- सध्या संपूर्ण राज्यासह अहिल्यानगर जिल्हा भीषण दुष्काळ, वाढते तापमान आणि पाण्याच्या तीव्र तुटवड्याचा सामना करत आहे. अशा अत्यंत नाजूक परिस्थितीत निसर्गाचे रक्षण करणाऱ्या हिरव्यागार वृक्षांची बेसुमार कत्तल होणे आणि जबाबदार प्रशासकीय यंत्रणांनी याकडे जाणीवपूर्वक दुर्लक्ष करणे ही अतिशय संशयास्पद व निषेधार्ह बाब आहे, असा आरोप निवेदनात करण्यात आला आहे.
शेवगाव परिसराचे दप्तर, प्रत्यक्ष पाहणी, देखरेख आणि संरक्षणाची प्राथमिक जबाबदारी असतानाही कर्तव्यात गंभीर कसूर करणाऱ्या खालील अधिकाऱ्यांच्या भूमिकेवर गंभीर प्रश्न उपस्थित करण्यात आले आहेत. मिलिंद गोवेकर, वनक्षेत्र अधिकारी, संदीपकुमार एकशिंगे,वनपाल,सचिन शिंदे,वनपाल, फिरते पथक, बालकृष्णा बडे,वनरक्षक, अर्जुन खेडकर,वनरक्षक, फिरते पथक,सागर साळवे,वनरक्षक, विजय पावले,वनरक्षक शेवगाव येथील अनेक लाकूड वखारींमध्ये हजारो झाडांची कत्तल करून, वनरक्षक व वनपाल यांच्या संगनमताने मोठ्या प्रमाणावर लाकडांचा अवैध साठा करण्यात आल्याचा आरोप करण्यात आला आहे.
ही घटना उघडकीस येऊन १० दिवसांपेक्षा जास्त कालावधी उलटून गेला तरीही दोषींवर वनविभागाकडून कोणतीही ठोस प्रशासकीय किंवा कायदेशीर कारवाई झालेली नाही. स्थानिक वन कर्मचाऱ्यांच्या वरदहस्ताशिवाय एवढ्या मोठ्या प्रमाणावर लाकडांची कत्तल, वाहतूक आणि साठवणूक होणे अशक्य आहे. तसेच, शेवगावमधील या घोटाळ्याच्या पार्श्वभूमीवर राज्यातील अतिशय संवेदनशील मानल्या जाणाऱ्या भीमाशंकर अभयारण्य परिसरातही अशाच प्रकारे वृक्षतोड होत असल्याच्या बातम्या समोर येत असून, यावर प्रशासनाने अधिकृत स्पष्टीकरण दिले पाहिजे, अशी मागणी निवेदनात करण्यात आली आहे.
पर्यावरणाचा विनाश करून नागरिकांच्या जीविताला धोक्यात आणल्याप्रकरणी संबंधित सर्व दोषी वन अधिकाऱ्यांवर सदोष मनुष्यवधाचा गुन्हा दाखल करावा, त्यांना शासकीय सेवेतून निलंबित करावे आणि यामागील लाकूड माफिया, सॉमिल मालक व मुख्य सूत्रधारांचा पर्दाफाश करावा, असे निवेदनात स्पष्ट नमूद केले आहे. प्रशासनाने या गंभीर विषयाची तात्काळ दखल घेऊन कठोर कारवाई न केल्यास वंचित बहुजन आघाडीच्या वतीने लोकशाही मार्गाने राज्यव्यापी आंदोलन छेडण्यात येईल, असा इशारा यावेळी देण्यात आला.
Ans: शेवगाव तालुक्यातील कथित अवैध वृक्षतोड आणि लाकूड घोटाळ्याच्या प्रकरणावरून वाद निर्माण झाला आहे.
Ans: या प्रकरणातील दोषी वन अधिकाऱ्यांवर सदोष मनुष्यवधाचा गुन्हा दाखल करून त्यांना निलंबित करण्याची मागणी करण्यात आली आहे.
Ans: मागण्यांवर योग्य कारवाई न झाल्यास राज्यव्यापी आंदोलन छेडण्याचा इशारा वंचित बहुजन आघाडीने दिला आहे.
.png "Videos"){kind=small}
