टोरंटच्या पंप्ड स्टोरेज प्रकल्पावरून संभ्रम
कर्जतच्या सह्याद्री खोऱ्यात टोरंट कंपनीकडून तीन हजार मेगावॅट क्षमतेचा जलविद्युत ऊर्जा साठवण (पंप्ड स्टोरेज) प्रकल्प उभारण्यात येत आहे. या प्रकल्पासाठी राज्य सरकारने २३३ हेक्टर वनक्षेत्र वळते केले आहे. या क्षेत्रात एकूण ३२ हजार ४९० झाडे तोडली जाणार असून, आतापर्यंत १ हजार ८२५ झाडांची तोड करण्यात आली आहे. वनक्षेत्र वळते करण्याची प्रक्रिया पूर्ण झाल्यानंतर संबंधित ठिकाणी कायदेशीर प्रक्रियेनुसार वृक्षतोड सुरू करण्यात आली आहे.
दरम्यान, सह्याद्रीच्या परिसरातील या मोठ्या प्रमाणावरील वृक्षतोडीला पर्यावरणप्रेमी आणि कार्यकर्त्यांकडून विरोध होत आहे. हजारो झाडे तोडल्यामुळे वन्यजीवांचे नैसर्गिक अधिवास, जैवविविधता आणि स्थानिक जलस्रोतांवर परिणाम होण्याची भीती व्यक्त करण्यात येत आहे. जुन्या आणि नैसर्गिक जंगलाची हानी केवळ नवीन वृक्षारोपण करून भरून काढता येणार नाही, असा दावा पर्यावरण कार्यकर्त्यांनी केला आहे. वृक्षतोड सुरू असलेला परिसर पश्चिम घाटाच्या संवेदनशील क्षेत्राचा भाग असल्याने प्रकल्पाच्या पर्यावरणीय परिणामांचा सखोल अभ्यास करावा, तसेच पर्यायी जागेचा विचार करावा, अशी मागणी पर्यावरणप्रेमींनी केली आहे.
राज्य सरकारने मात्र या प्रकल्पाचे समर्थन केले आहे. मुख्यमंत्री देवेंद्र फडणवीस यांनी हा प्रकल्प स्वच्छ ऊर्जा निर्मितीसाठी महत्त्वाचा असल्याचे स्पष्ट केले आहे. प्रकल्पामुळे कोळशावर आधारित वीजनिर्मितीवरील राज्याचे अवलंबित्व कमी होण्यास मदत होईल, अशी सरकारची भूमिका आहे. वनजमिनीच्या वापरामुळे होणाऱ्या निसर्गहानीची भरपाई म्हणून ९० हजार नवीन झाडे लावण्यात येणार असल्याचे सरकारने सांगितले आहे. सर्व कायदेशीर प्रक्रिया आणि सुनावण्या पूर्ण केल्यानंतरच प्रकल्पाला मंजुरी देण्यात आल्याचेही सरकारकडून स्पष्ट करण्यात आले आहे. प्रकल्पामुळे स्थानिक नागरिकांच्या उपजीविकेवर परिणाम झाल्यास त्यांच्या तक्रारी ऐकून योग्य तो मार्ग काढला जाईल, असे आश्वासन देण्यात आले आहे.
पुणे वन विभागाचे वनसंरक्षक आणि वन्यजीव विभागाचे उपवनसंरक्षक यांनी प्रसिद्धिपत्रकाद्वारे याबाबत स्पष्टीकरण दिले आहे. भीमाशंकर अभयारण्यात कंपनीच्या प्रकल्पासाठी अवैध वृक्षतोड सुरू असल्याच्या बातम्या समाजमाध्यमांसह विविध माध्यमांतून प्रसारित होत आहेत. मात्र, अभयारण्यात अशा प्रकारची कोणतीही अवैध वृक्षतोड सुरू नसल्याचे वनविभागाने स्पष्ट केले आहे. नागरिकांनी या स्पष्टीकरणाची नोंद घेऊन प्रशासनाला सहकार्य करावे, असे आवाहन करण्यात आले आहे.
Ans: भीमाशंकर अभयारण्यात मोठ्या प्रमाणावर अवैध वृक्षतोड सुरू असल्याच्या बातम्या समोर येत आहेत.
Ans: प्रत्यक्षात टोरंट कंपनीच्या जलविद्युत ऊर्जा साठवण प्रकल्पासाठी सुरू असलेली वृक्षतोड कर्जत तालुक्यातील पाली आणि ढाक परिसरात होत असल्याचे सांगण्यात आले.
.png "Videos"){kind=small}
