पुणे : शिवसेनेच्या (ShivSena) उपनेत्या सुषमा अंधारे (Sushma andhare) यांनी विधानसभा अध्यक्ष राहुल नार्वेकर (Rahul Narwekar) यांच्यावर टीकास्त्र सोडलं आहे. पुण्यातील पिंपरी चिंचवड (PCMC) येथे त्यांनी पत्रकार परिषद घेत सत्ताधाऱ्यांना खडेबोल सुनावले आहेत. “आम्ही चल रे भोपळ्या टुनुक टुनुक म्हणायचो सध्याच्या राजकारणात चल रे खोक्या टुनुक टुनुक आहे”, असं म्हणत सुषमा अंधारे यांनी सत्ताधाऱ्यांची खिल्ली उडवली आहे. तसेच सुषमा अंधारे यांनी शिवसेनेचे पुढील कार्यक्रमाचे आयोजन देखील सांगितले.
सुषमा अंधारे यांनी पत्रकार परिषदेमध्ये नार्वेकरांच्या प्रत्युत्तर देणाऱ्या पत्रकार परिषदेवर निशाणा साधला. नार्वेकर यांनी सारवासारव परिषद घेतली अशी खोचक टीका देखील अंधारे यांनी केली. पुढे त्या म्हणाल्या “काल सगळं उघड झालंय. राहुल नार्वेकर यांच्यावर लोक विश्वास ठेवणार नाहीत. पक्षाची 2013 ला निवडणूक झाली, त्यांना 1999 ची घटना मान्य करायची असेल तर त्यानुसार मुख्यमंत्री एकनाथ शिंदे हे पक्षाचे नेते नाहीत, तसेच उपनेते देखील नाहीत. गजानन कीर्तिकर, रामदास साहेब हे मागे गेले शिंदे पुढे आले. सगळे AB फॉर्म तुम्ही अमान्य करणार का?”, असा सवाल सुषमा अंधारे यांनी उपस्थित केला.
“पक्षप्रमुख उद्धव ठाकरे नाहीत तर मग केंद्रीय गृहमंत्री अमित शाह यांनी बोलणी करण्यासाठी मातोश्रीचे उंबरे का झिजवले? 70-72वर घरे घेणारे नेते त्यांच्याशी बोलणी का नाही गेली? 1999 साली तेव्हाच पक्ष का नाही गोठला? नोटीस का नाही पाठवली? असे सवाल उपस्थित करत अंधारे यांनी भाजप व अमित शाह यांच्यावर निशाणा साधला. महापत्रकार परिषदेनंतर 26 जानेवारीपासून शिवसेना (ठाकरे गट) राज्यस्तरीय दौरा आखला जाणार आहे. लवकरच याची माहिती सविस्तर देऊ असे ठाकरे गटाच्या उपनेत्या सुषमा अंधारे यांनी सांगितले.
.png "Videos"){kind=small}
