महाविकास आघाडीला मोठा धक्का! (Photo Credit- X)
उमेदवारांचे बंड
सर्वात महत्त्वाची बाब म्हणजे, या संस्थेचे सात उमेदवार महाविकास आघाडीतील शिवसेना (उद्धव बाळासाहेब ठाकरे) गटाच्या चिन्हावर (मशाल) निवडणूक लढवत असतानाही त्यांनी भाजपला पाठिंबा दिला आहे.
तिसरी आघाडी या संस्थेकडे स्वतंत्र चिन्ह नसल्याने त्यांनी निवडणुकीसाठी ठाकरे गटाच्या ‘मशाल’ चिन्हाचा वापर केला होता. ऐन निवडणुकीत त्यांनी महाविकास आघाडीला पाठिंबा दिला होता, मात्र आता त्यांनी अचानक भाजपला पाठिंबा दिल्याने बदलापूरचे राजकीय वातावरण तापले आहे.
तिसरी आघाडीच्या या भूमिकेमुळे महाविकास आघाडीच्या गोटात मोठी खळबळ उडाली आहे, तर भाजपच्या प्रचार यंत्रणेला यामुळे अधिक बळ मिळाले आहे. हा पाठिंबा कोणत्या अटी-शर्तींवर देण्यात आला आहे आणि या सात उमेदवारांचा प्रचारात प्रत्यक्ष सहभाग कसा असेल, याकडे आता सगळ्यांचे लक्ष लागले आहे. या घडामोडीमुळे बदलापूर नगरपरिषद निवडणुकीचे निकाल अनपेक्षित राहण्याची शक्यता निर्माण झाली आहे.
निवडणूक आयोगाची यंत्रणा पूर्णपणे सज्ज
राज्यातील नगरपरिषद आणि नगरपंचायतींच्या निवडणुकीसाठी राज्य निवडणूक आयोगाची यंत्रणा पूर्णपणे सज्ज झाली आहे. या निवडणुकीमध्ये राज्यातील एकूण १ कोटी ७ लाख ३ हजार ५७६ मतदार त्यांच्या मतदानाचा हक्क बजावणार आहेत. यासाठी सुमारे १३ हजार ३५५ मतदान केंद्रांची व्यवस्था करण्यात आल्याची माहिती निवडणूक आयोगाने दिली.
कधी मतदान, कधी मतमोजणी?
राज्यातील २४६ नगरपरिषदा आणि ४२ नगरपंचायतींच्या (एकूण २८८) सदस्यपदांसाठी आणि थेट अध्यक्षपदासाठी सार्वत्रिक निवडणुकांकरिता २ डिसेंबर रोजी मतदान होणार आहे. मतदानाची वेळ २ डिसेंबरला सकाळी ७.३० ते सायंकाळी ५.३० पर्यंत असणार आहे. मतमोजणी ३ डिसेंबरला सकाळी १० वाजता सुरू होणार आहे.
ईव्हीएमची व्यवस्था
या निवडणुकांसाठी पुरेशी ईव्हीएम (EVM) मशीनची व्यवस्था करण्यात आली असून, त्यामध्ये १३ हजार ७२६ कंट्रोल युनिट आणि २७ हजार ४५२ बॅलेट युनिटची उपलब्धता आहे.
हे देखील वाचा: ठाणे महापालिका क्षेत्रात यंदा ४ लाख २१ हजार मतदार वाढले, प्रारूप मतदारयादी जाहीर
.png "Videos"){kind=small}
