फोटो सौजन्य- gemini
बदलापूर एमआयडीसीतील रासायनिक सांडपाणी वाहून नेणारी वाहिनी पुन्हा फुटली आहे. रासायनिक सांडपाणी वाहिनीच्या फुटीचे सत्र रोखण्यासाठी सुमारे १२८ कोटींचा खर्च करून एमआयडीसी प्रशासनाने नवीन रासायनिक सांडपाणी वाहिनी टाकण्याचे काम केले आहे. मात्र, त्यानंतरही वाहिनी फुटीचे सत्र सुरू असल्याने या कामाच्या दर्जाविषयी तसेच तांत्रिक नियोजनाविषयी प्रश्नचिन्ह निर्माण झाले आहे. त्यामुळे या संपूर्ण कामाची चौकशी करण्याची मागणी भाजपाचे नगरसेवक तथा नियोजन समिती सभापती संभाजी शिंदे यांनी केली आहे.
बदलापूर एमआयडीसीतील रासायनिक सांडपाणी अंबरनाथपर्यंत वाहून नेणारी रासायनिक सांडपाणी वाहिनी पुन्हा फुटल्याने सोमवारी मोठ्या प्रमाणावर रासायनिक सांडपाणी रस्त्यावर पसरले, नाल्यामध्ये मिसळले, अनेक इमारतींच्या पाण्याच्या टाक्यांमध्येही हे रासायनिक सांडपाणी मिसळले. तसेच नाल्यावाटे हे रासायनिक सांडपाणी उल्हासनदीच्या पाण्यातही मिसळले गेले असून त्यामुळे मोठ्या प्रमाणात जलप्रदूषण झाले असल्याबद्दल कुळगाव-बदलापूर नगर परिषदेच्या नियोजन व विकास समितीचे सभापती संभाजी शिंदे यांनी तीव्र नाराजी व्यक्त केली आहे.
एमआयडीसी प्रशासनाच्या या हलगर्जीपणामुळे नागरिकांच्या आरोग्याचा प्रश्न निर्माण होण्याची भीतीही त्यांनी व्यक्त केली आहे. यापुढे असा प्रकार घडल्यास मोठे जनआंदोलन उभारण्याचा इशारा शिंदे यांनी दिला. त्याचबरोबर रासायनिक सांडपाणी वाहिनीच्या कामाची स्वतंत्र चौकशी करण्याची मागणीही त्यांनी केली आहे.
बदलापुरात गेल्या काही वर्षांपासून ठराविक महिन्यांच्या अंतराने बदलापूर एमआयडीसीतील सांडपाणी वाहून नेणारी वाहिनी फुटण्याचे सत्र सुरू होते. यावर संभाजी शिंदे यांनी सातत्याने आवाज उठविल्यानंतर याठिकाणी नवीन सांडपाणी वाहिनी टाकण्यात येणार असल्याचे आश्वासन एमआयडीसी प्रशासनाकडून देण्यात आले होते. त्यानुसार याठिकाणी नवीन रासायनिक सांडपाणी वाहिनी टाकण्यात आली. त्यामुळे आता रासायनिक सांडपाणी वाहिनी फुटीचे सत्र संपेल अशी अपेक्षा होती. परंतु सोमवारी पुन्हा एकदा ही वाहिनी फुटून रासायनिक सांडपाणी रस्त्यावर आले.
नवीन जलवाहिनीचे काम करताना याठिकाणी स्टेनलेस स्टीलची वाहिनी टाकण्यात यावी, अशी मागणी आपण केली होती. परंतु, एमआयडीसी प्रशासनाने एचडीपीई वाहिनी टाकली असून ही वाहिनी फुटली आहे. त्यामुळे या वाहिनीवर सुमारे १२८ कोटी रुपये खर्च करूनही पुन्हा सांडपाणी वाहिनीफुटी झाली असल्याचे संभाजी शिंदे यांचे म्हणणे आहे. एवढा मोठा खर्च झाल्यानंतरही सांडपाणी वाहिनी वारंवार फुटत असल्याने कामाचा दर्जा, वापरलेले साहित्य आणि तांत्रिक नियोजन यांची स्वतंत्र चौकशी करण्याची मागणी संभाजी शिंदे यांनी केली आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: बदलापूर एमआयडीसीतील रासायनिक सांडपाणी अंबरनाथकडे वाहून नेणारी वाहिनी पुन्हा फुटली आहे, ज्यामुळे मोठ्या प्रमाणावर विषारी पाणी रस्त्यावर, नाल्यांमध्ये आणि इमारतींच्या टाक्यांमध्ये पसरले आहे.
Ans: एमआयडीसी प्रशासनाने वाहिनी फुटीचे सत्र रोखण्यासाठी आणि नवीन सांडपाणी वाहिनी टाकण्यासाठी सुमारे १२८ कोटी रुपये खर्च केले होते.
Ans: हे रसायनयुक्त सांडपाणी नाल्यांच्या माध्यमातून थेट उल्हासनदीच्या पात्रात मिसळल्यामुळे नदीत गंभीर जलप्रदूषण झाले आहे
.png "Videos"){kind=small}
