फोटो सौजन्य- pinterest
सध्या सर्वत्र नवरात्रोत्सवाचा दांडगा उत्साह पाहायला मिळत आहे. देवीच्या भक्तीत आणि आराधनेत तल्लीन झालेल्या या पवित्र वातावरणात नवी मुंबईतील विविध भागांतून एक अत्यंत गंभीर आणि चिंताजनक प्रकार समोर आला आहे. गणेशोत्सवाप्रमाणेच आता नवरात्रोत्सवाच्या मंडळांमध्ये आणि गल्लीबोळांमध्ये जुगाराचे अड्डे मोठ्या प्रमाणावर थाटण्यात आल्याची चर्चा नागरिकांमध्ये सुरू आहे. तर समारंभाच्या नावाखाली सुरू असलेल्या या अवैध धंद्यांवर नवी मुंबई पोलीस कठोर कारवाई करणार का? पोलीस आयुक्त मिलिंद भारंबे या प्रकरणाची गुप्त चौकशी करून संबंधितांवर बडगा उगारणार का? याकडे संपूर्ण नवी मुंबईचे लक्ष लागले आहे.
मिळालेल्या माहितीनुसार, अनेक ठिकाणी रात्रीच्या वेळी मंडळांच्या मंडपात किंवा त्याच्या आडोशाने जुगाराचे टेबल मांडले जात आहेत. हे खेळ चालवणारे व्यावसायिक असून, नवरात्रोत्सवाचा गैरफायदा घेऊन ते सुरक्षित मानल्या जाणाऱ्या मंडळांच्या आश्रयाने हा काळा धंदा चालवतात. काही प्रामाणिक मंडळांनी आणि पदाधिकाऱ्यांनी जुगाराला स्पष्ट नकार दिला असला, तरी अनेक ठिकाणी आर्थिक मोबदला आणि देणगीच्या नावाखाली हा खेळ सुरू ठेवण्यास परवानगी दिल्याचे बोलले जात आहे.
या सर्व प्रकारावर नागरिकांमधून तीव्र संताप व्यक्त होत आहे. जेव्हा कधी जुगाराची तक्रार नियंत्रण कक्षाला दिली जाते, तेव्हा बीट मार्शल पोलिस घटनास्थळी केवळ औपचारिकता म्हणून फेरफटका मारण्यासाठी जातात. मात्र, मंडळाच्या जवळ पोहोचताच ‘फक्त देवी लक्ष्मी दर्शन घेऊन माघारी फिरतात’, अशी चर्चा नागरिकांमध्ये आहे.
स्थानिकांच्या मते, हा जुगार चालवणारे मुख्य सूत्रधार ‘खालपासून वरपर्यंत साहेबांचा आशीर्वाद आहे, त्यामुळे कसलेही टेन्शन घेऊ नका’, असे उघडपणे सांगतात. त्यामुळे नवी मुंबईचे पोलीस आयुक्त मिलिंद भारंबे आणि गुन्हे शाखा या प्रकाराची गांभीर्याने दखल घेणार का, असा सवाल उपस्थित होत आहे.
जुगाराचा हा विळखा कर्करोगासारखा तरुणाईला उद्धवस्त करत आहे. रात्रीच्या वेळी जुगाराच्या अड्ड्यांवर होणारी उलाढाल आणि मद्यधुंद तरुणांचा वावर यामुळे वाद, हाणामारी, धमक्या यांसारख्या गंभीर घटना घडतात. यामुळे भक्तीसाठी सुरू असलेल्या सार्वजनिक उत्सवांची नावे बद्नाम होत असून देणगीसाठी जुगाराचा पैसा स्वीकारणे कितपत योग्य आहे, असा प्रश्न सुजाण नागरिक विचारत आहेत.
अध्यक्षावर नुकत्याच पार पडलेल्या गणेशोत्सवात आपण पाहिले असेल की, अनेक मंडळाचे कार्यकर्त्यांवर ‘फटाके वाजवण्याच्या’ कारणावरून गुन्हा दाखल करण्यात आले. वरिष्ठांच्या स्पष्ट आदेशाचे कारण देत पोलिसांनी अशा कारवाई करण्यात आला आणि ते योग्य सुद्धा आहे आणि उत्कृष्ट कामगिरी पोलिसांची त्याबद्दल. मात्र, आज नवरात्रोत्सवात जिथे सर्रास आणि मोठ्या प्रमाणावर जुगाराचे अड्डे थाटले जात आहेत, तिथे मात्र तीच पोलिस यंत्रणी बघ्याची भूमिका घेत आहे.
याठिकाणी काय ‘लक्ष्मी दर्शन’ झाल्यामुळे कारवाई टाळली जात आहे का? की वरिष्ठ अधिकाऱ्यांचे आदेश केवळ सर्वसामान्यांवर आणि छोट्या गोष्टींवरच चालतात, असा संतप्त सवाल आता नवी मुंबईतील नागरिक विचारत आहेत. फटाक्यांवर कठोर कारवाई करणारे पोलिस, जुगाराच्या अड्ड्यांवर मूग गिळून का बसले आहेत? याचे उत्तर जनतेला हवे आहे
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: नवी मुंबईतील काही नवरात्रोत्सव मंडळांच्या मंडपांमध्ये किंवा परिसरात रात्रीच्या वेळी जुगाराचे खेळ सुरू असल्याची चर्चा नागरिकांमध्ये आहे. मात्र, या आरोपांची अधिकृत पुष्टी होणे आवश्यक आहे.
Ans: उत्सवाच्या आड जुगाराचे खेळ सुरू असल्याचा आरोप होत असून, अशा प्रकारांमुळे सार्वजनिक उत्सवांच्या वातावरणावर परिणाम होत असल्याची चिंता नागरिक व्यक्त करत आहेत.
Ans: जुगारामुळे आर्थिक नुकसान, वाद, हाणामारी आणि धमक्यांसारख्या समस्या निर्माण होण्याची शक्यता असते. त्यामुळे अशा प्रकारांवर वेळीच नियंत्रण ठेवणे महत्त्वाचे आहे.
.png "Videos"){kind=small}
