फोटो सौजन्य- गुगल
नागरिकांपर्यंत शासनाच्या योजना विकासकामे, जनजागृती मोहिमा तसेच शासनाच्या विविध योजना, जिल्हा परिषदेमार्फत राबविण्यात येणाऱ्या विविध उपक्रमांची अधिकृत आणि अद्ययावत माहिती अधिक वेगाने, पारदर्शकपणे व विश्वासार्ह पद्धतीने पोहोचविण्याच्या उद्देशाने जिल्हा परिषद, ठाणेचे अधिकृत पब्लिक ॲप खाते सुरू करण्यात आले आहे. डिजिटल माध्यमांचा वाढता वापर लक्षात घेऊन नागरिकांना अधिकृत माहिती सहज उपलब्ध व्हावी, यासाठी जिल्हा परिषद, ठाणेने पब्लिक ॲप या लोकप्रिय डिजिटल व्यासपीठावर आपली उपस्थिती नोंदविली आहे. या माध्यमातून विविध विभागांच्या शासकीय योजना, विकासकामे, प्रेसनोट, जनजागृती मोहिमा, आरोग्य, शिक्षण, ग्रामविकास, समाजकल्याण, महिला व बालविकास, पाणीपुरवठा, कृषी तसेच इतर विभागांच्या महत्त्वपूर्ण सूचना, निविदा, यशोगाथा आणि आपत्कालीन परिस्थितीतील आवश्यक माहिती नियमितपणे नागरिकांपर्यंत पोहोचविण्यात येणार आहे.
जिल्हा परिषदेच्या अधिकृत पब्लिक ॲप खात्यामुळे नागरिकांना शासनाच्या योजनांची माहिती वेळेत मिळणार असून विविध उपक्रमांबाबत जागरूकता निर्माण होण्यास मदत होईल. तसेच अधिकृत स्रोतावरून माहिती उपलब्ध होत असल्याने अफवा किंवा अप्रमाणित माहितीवर अवलंबून राहण्याची गरज भासणार नाही
जिल्हा परिषद, ठाणेने नागरिकांशी अधिक प्रभावी, पारदर्शक आणि गतिमान संवाद साधण्यासाठी अधिकृत पब्लिकॲप (Public App) खाते सुरू केले असून, यापूर्वीपासून कार्यरत असलेल्या फेसबुक, इन्स्टाग्राम, युट्युब आणि टिव्हीटर (Twitter) या अधिकृत सोशल मीडिया खात्यांसह आता पब्लिक ॲपद्वारेही शासनाच्या विविध योजना, विकासकामे, प्रेसनोट, जनजागृती मोहिमा, महत्त्वाच्या सूचना, आरोग्य, शिक्षण, ग्रामविकास तसेच जिल्हा परिषदेमार्फत राबविण्यात येणाऱ्या विविध उपक्रमांची अधिकृत व अद्ययावत माहिती नागरिकांपर्यंत अधिक वेगाने पोहोचविण्यात येणार असल्याचे यावेळी सांगण्यात आले.
नागरिकांनी शासनाच्या योजना आणि जिल्हा परिषदेच्या उपक्रमांची विश्वासार्ह व अधिकृत माहिती मिळविण्यासाठी जिल्हा परिषद, ठाणेच्या पब्लिक ॲप तसेच फेसबुक, इन्स्टाग्राम, युट्युब आणि टिव्हीटर X (Twitter) वरील अधिकृत खात्यांना फॉलो करून सहकार्य करावे, असे आवाहन जिल्हा परिषद, ठाणेच्या जनसंपर्क अधिकारी रेश्मा आरोटे यांनी केले आहे.
या उपक्रमामुळे नागरिकांना विविध योजनांची माहिती वेळेत मिळेल, अर्ज प्रक्रिया, नवीन उपक्रम, विकासकामांची माहिती आणि महत्त्वाच्या सूचना सहज उपलब्ध होतील. त्यामुळे प्रशासन आणि नागरिक यांच्यातील संवाद अधिक सुलभ आणि परिणामकारक होण्यास मदत होईल.
Ans: नागरिकांना शासनाच्या योजना, विकासकामे आणि महत्त्वाच्या सूचनांची अधिकृत व अद्ययावत माहिती जलद आणि विश्वासार्ह पद्धतीने उपलब्ध करून देण्यासाठी हे खाते सुरू करण्यात आले आहे.
Ans: शासकीय योजना, विकासकामे, प्रेसनोट, जनजागृती मोहिमा, आरोग्य, शिक्षण, ग्रामविकास, समाजकल्याण, कृषी, पाणीपुरवठा, निविदा आणि इतर महत्त्वाच्या सूचना उपलब्ध होणार आहेत
Ans: प्रशासन आणि नागरिकांमधील संवाद अधिक पारदर्शक, गतिमान आणि प्रभावी बनवणे तसेच शासनाच्या योजनांची माहिती अधिकाधिक नागरिकांपर्यंत पोहोचवणे हा या उपक्रमाचा मुख्य उद्देश आहे
.png "Videos"){kind=small}
