फोटो सौजन्य- chatgpt
उल्हासनगरच्या क्रीडा इतिहासात प्रथमच ऑल इंडिया ओपन व संयुक्त महाराष्ट्र राज्यस्तरीय सिंगल लिफ्ट डेडलिफ्ट चॅम्पियनशिपचे भव्य आयोजन करण्यात आले. रॉ पॉवरलिफ्टिंग फेडरेशन इंडिया, रतन हेल्थ क्लब, जस्ट फिटनेस आणि रॉ पॉवरलिफ्टिंग असोसिएशन महाराष्ट्र यांच्या संयुक्त विद्यमाने आयोजित करण्यात आलेली ही स्पर्धा उत्साहपूर्ण वातावरणात यशस्वीपणे पार पडली. शहरातील खेळाडूंना आपल्या क्रीडा कौशल्याचे प्रदर्शन करण्यासाठी तसेच राष्ट्रीय आणि आंतरराष्ट्रीय स्तरावर झेप घेण्यासाठी व्यासपीठ उपलब्ध करून देणे हा या स्पर्धेचा प्रमुख उद्देश होता.
उल्हासनगरचे प्रसिद्ध फिटनेस आयकॉन दीपक दीक्षित यांच्या पुढाकारातून आयोजित करण्यात आलेल्या या स्पर्धेला खेळाडू आणि क्रीडाप्रेमींचा उत्स्फूर्त प्रतिसाद मिळाला. या स्पर्धेच्या उद्घाटनप्रसंगी शिवसेना नगरसेवक महेश सुखरामानी हे प्रमुख पाहुणे म्हणून उपस्थित होते. त्यांच्या हस्ते फीत कापून स्पर्धेचे उद्घाटन करण्यात आले. यावेळी आयोजन समितीच्या वतीने महेश सुखरामानी यांचा ट्रॉफी देऊन विशेष सत्कार करण्यात आला.
महेश सुखरामानी यांनी स्पर्धेत सहभागी झालेल्या सर्व खेळाडूंचे अभिनंदन करून त्यांना शुभेच्छा दिल्या. खेळाडूंनी सातत्यपूर्ण मेहनत, शिस्त आणि क्रीडाभावना जोपासत राष्ट्रीय व आंतरराष्ट्रीय पातळीवर उल्हासनगरचे नाव उज्ज्वल करावे, असे आवाहन त्यांनी केले. या भव्य स्पर्धेसाठी रॉ पॉवरलिफ्टिंग फेडरेशन इंडियाचे अध्यक्ष जगप्रीत सिंह (हरियाणा) आपल्या संपूर्ण टीमसह उपस्थित होते. त्यांच्या उपस्थितीने खेळाडूंमध्ये विशेष उत्साह निर्माण झाला. जसप्रीत सिंह, तरनदीप सिंह, अमित बजाज आणि अनमोल सिंह यांनी स्पर्धेच्या आयोजनात महत्त्वपूर्ण योगदान दिले.
हरियाणा, दिल्ली, पंजाब, जळगाव, बदलापूर, अंबरनाथ, कल्याण यांसह विविध शहरांमधून १०० हून अधिक खेळाडूंनी या स्पर्धेत सहभाग घेतला, देशाच्या विविध भागांतून खेळाडू उल्हासनगरमध्ये दाखल झाल्याने शहराच्या क्रीडा क्षेत्राला राष्ट्रीय स्तरावर नवी ओळख मिळाली. या कार्यक्रमाला फिटनेस आयकॉन मनीष अडविलकर, शेखर भोईर, अभिनेता अमित लेखवांज तसेच विश्वविजेते दीपक बासिस्ट यांचे विशेष मार्गदर्शन व आशीर्वाद लाभले.
या स्पर्धेदरम्यान एक महत्त्वपूर्ण घोषणा करण्यात आली. दीपक दीक्षित यांची रॉ पॉवरलिफ्टिंग फेडरेशन इंडियाच्या उपाध्यक्षपदी नियुक्ती करण्यात आली. तसेच संजय डाभोलकर यांची संयुक्त सचिवपदी, तर सतोष कुमार नंदा आणि अमित मोटवानी यांची संघटनेच्या विविध महत्त्वपूर्ण पदांवर नियुक्ती करण्यात आली. स्पर्धेत सहभागी झालेल्या अनेक खेळाडूंनी आपल्या ताकदीचा आणि कौशल्याचा दमदार प्रत्यय देत उत्कृष्ट कामगिरी केली. अनेक खेळाडूंनी सुवर्णपदकावर नाव कोरत उपस्थितांची मने जिंकली, त्यांच्या दमदार कामगिरीमुळे प्रेक्षकांमध्येही मोठा उत्साह पाहायला मिळाला. या चॅम्पियनशिपचे आणखी एक वैशिष्ट्य म्हणजे इंग्लंड आणि बैंकॉक (थायलंड) येथे होणाऱ्या आगामी आंतरराष्ट्रीय पॉवरलिफ्टिंग स्पर्धासाठी निवड चाचणी याच ठिकाणी घेण्यात आली. त्यामुळे सहभागी खेळाडूंना आंतरराष्ट्रीय स्तरावर देशाचे प्रतिनिधित्व करण्याची संधी मिळण्याचा मार्ग खुला झाला आहे.
Ans: शहरातील खेळाडूंना आपले कौशल्य दाखवण्यासाठी आणि राष्ट्रीय-आंतरराष्ट्रीय स्तरावर संधी मिळवून देण्यासाठी ही स्पर्धा आयोजित करण्यात आली.
Ans: रॉ पॉवरलिफ्टिंग फेडरेशन इंडिया, रतन हेल्थ क्लब, जस्ट फिटनेस आणि रॉ पॉवरलिफ्टिंग असोसिएशन महाराष्ट्र यांच्या संयुक्त विद्यमाने स्पर्धेचे आयोजन करण्यात आले.
Ans: खेळाडूंना क्रीडा कौशल्य सिद्ध करण्यासाठी व्यासपीठ देणे आणि त्यांना राष्ट्रीय व आंतरराष्ट्रीय स्तरावर झेप घेण्याची संधी उपलब्ध करून देणे हा प्रमुख उद्देश होता.
.png "Videos"){kind=small}
