अनेक भागांत मुले शिक्षणाच्या मुख्य प्रवाहात; भंडाऱ्यात केवळ 'इतके' विद्यार्थी शाळाबाह्य
पुणे : शालेय शिक्षण विभागाने राज्यातील सर्व शाळांसाठी २०२५-२६ साठीचे सुट्ट्यांचे वेळापत्रक जाहीर केले असून, यंदा विद्यार्थ्यांना वर्षभरात एकूण १२८ दिवस सुट्या मिळणार आहेत. यामध्ये ५२ रविवारशिवाय ७६ अधिकृत सुट्यांचा समावेश आहे. यामध्ये दिवाळीची १० दिवसांची (१६ ते २७ ऑक्टोबर) आणि उन्हाळ्याची ३८ दिवसांची (२ मे ते १३ जून) सुट्टी विशेष ठरणार आहे.
शाळेच्या वेळा, सुट्यांची रचना आणि सणवार यांची माहिती शिक्षण विभागाने सविस्तरपणे दिली आहे. जिल्हा परिषद शाळा सकाळी १०.३० ते संध्याकाळी ५ या वेळेत भरतील. अर्धवेळ शाळांसाठी सकाळी ९ ते दुपारी १.३० पर्यंतचा कालावधी निश्‍चित करण्यात आला आहे. मुख्याध्यापकांनी त्यांच्या अधिकारात घेतलेल्या सुट्यांची पूर्वसूचना किमान तीन दिवस आधी गटशिक्षणाधिकाऱ्यांना लेखी स्वरूपात द्यावी, असे आदेशात स्पष्ट करण्यात आले आहे.
मार्च महिन्यात सर्वाधिक ६ सुट्या
सार्वजनिक सणांमध्ये मार्च महिन्यात सर्वाधिक म्हणजे ६ दिवस सुट्या आहेत. शाळांच्या कामकाजाच्या दिवशी ६० मिनिटांची मोठी आणि दोन १० मिनिटांच्या छोट्या सुट्या ठेवण्यात येणार आहेत. दुबार सत्रासाठी मात्र ३५ मिनिटांची मोठी आणि १० मिनिटांची लहान सुटी असेल.
तीन दिवस सुटीसाठी मंजुरी आवश्यक
गावच्या यात्रेचा अपवाद वगळता सलग तीन दिवस शाळा बंद राहणार नाही, यासाठी मुख्याध्यापकांनी खबरदारी घ्यावी, असा आदेशही शिक्षण विभागाने दिला आहे. स्थानिक सण जर यादीत दिलेल्या तारखेला नसल्यास, सुट्टी घेण्यापूर्वी शाळा व्यवस्थापन समिती व गटशिक्षणाधिकारी यांची मंजुरी आवश्यक आहे.
.png "Videos"){kind=small}
