Nashik Politics: तू मागच्या निवडणुकीत वाचलास, आता वाचणार नाही!; शिंदे गटाच्या तालुकाप्रमुखाला आमदारपुत्राकडून धमकी?

Nashik NEes : वामन खोसकर यांच्या धमकीमुळे केवळ आपल्याच नव्हे तर आपल्या कुटुंबियांच्या जिवीतालाही धोका असल्याचे भोये यांनी म्हटलं आहे. तसेच, भविष्यात आपल्यासोबत कोणतीही अनुचित घटना घडल्यास त्याला आमदार हिरामण खोसकर आणि त्यांचे पुत्र वामन खोसकर जबाबदार असतील,

• इगतपुरी-त्र्यंबकेश्वर विधानसभा मतदारसंघातील स्थानिक राजकीय ईर्ष्यातून हा वाद निर्माण झाला असावा.
• भविष्यात आपल्यासोबत कोणतीही अनुचित घटना घडल्यास त्यास आमदार हिरामण खोसकर आणि त्यांचे पुत्र वामन खोसकर जबाबदार- रविंद्र भोये
• तक्रारदाराकडून राजकीय हेतूने खोटे आरोप केले जात असल्याचे सांगत आमदार खोसकरांनी प्रकरणाशी संबंध नाकारला आहे.

Nashik Politics: शिकचे राजकारणातून एक खळबळजनक प्रकार समोर आला आहे. इगतपुरी-त्र्यंबकेश्वर विधानसभा मतदारसंघाचे आमदार हिरामण खोसकर यांचे पुत्र वामन खोसकर यांनी फोनवरून अश्लील शिवीगाळ करत जीवे मारण्याची धमकी दिल्याचा गंभीर आरोप शिंदे गटाचे तालुकाप्रमुख रवींद्र तुकाराम भोये यांनी केला आहे. याप्रकरणी भोये यांनी नाशिक ग्रामीण पोलीस अधीक्षकांकडे लेखी तक्रार दाखल करून वामन खोसकर यांच्याविरोधात गुन्हा दाखल करण्याची मागणी केली आहे.

नेमकं काय घडलं?

रवींद्र भोये यांनी दिलेल्या तक्रारीनुसार, नाशिक येथील विश्रामगृहाच ग्रामपंचायत अधिकाऱ्यांची बैठक झाली होती. या बैठकीत वामन खोसकरांनी अपशब्द वापरल्याचे भोये यांना समजले. त्यानंतर त्यांनी याचा जाब विचारण्यासाठी थेट वामन खोसकर यांच्याशी मोबाईलवर संपर्क साधला. यावेळी फोनवरही वामन खोसकर यांनी आपल्याला शिवीगाळ केल्याचा आरोप रविंद्र भोये यांनी केला. मागच्या खासदारकीच्या निवडणुकीत तू माझ्याकडून वाचला पण आता तू वाचणार नाही,” अशी धमकी खोसकरांनी दिल्याचा आरोप भोये यांनी केला आहे.

Dombivli Politics: महायुतीत पुन्हा धुसफूस? श्रीकांत शिंदेंच्या तिरंगा रॅलीत भाजप पदाधिकारी गैरहजर, मनसेची मात्र दमदार उपस्थिती

‘माझ्या कुटुंबाच्या जीविताला धोका’

वामन खोसकर यांच्या धमकीमुळे केवळ आपल्याच नव्हे तर आपल्या कुटुंबियांच्या जिवीतालाही धोका असल्याचे भोये यांनी म्हटलं आहे. तसेच, भविष्यात आपल्यासोबत कोणतीही अनुचित घटना घडल्यास त्याला आमदार हिरामण खोसकर आणि त्यांचे पुत्र वामन खोसकर जबाबदार असतील, असा दावा त्यांनी केला आहे. त्यामुळे या प्रकरणाची गांभीर्याने दखल घेऊन संबंधितांविरोधात कायदेशीर कारवाई करण्याची मागणी भोये यांनी पोलिसांकडे केली आहे.

आमदार हिरामण खोसकरांनी आरोप फेटाळले

दरम्यान, आमदार हिरामण खोसकर यांनी मात्रे भोये यांचे सर्व आरोप फेटाळून लावले आहेत. रवींद्र भोये हे खोटे आरोप करत असून मला शिवीगाळीच्या प्रकाराची माहिती नसल्याचेही त्यांनी स्पष्ट केले.

‘संघाने संविधान स्वीकारावे, देणगीचा हिशोब देशाला द्यावा’; हर्षवर्धन सपकाळांचा RSS-BJP वर हल्लाबोल

लोकसभा निवडणुकीच्या काळात भोये यांनीच आपल्याविरोधात खालच्या पातळीवर जाऊन भाषा वापरल्याचा प्रत्यारोप खोसकर यांनी केला. तसेच वामन खोसकर हा आपला मुलगा असल्याने तो आपल्या कार्यालयात येऊ शकतो; मात्र तो पक्षाचा अधिकृत पदाधिकारी नसल्याचेही त्यांनी सांगितले. ता या तक्रारीवर नाशिक ग्रामीण पोलीस काय कारवाई करतात, तसेच कथित संभाषणाची किंवा धमकीची सत्यता तपासात काय समोर येते, याकडे राजकीय वर्तुळाचे लक्ष लागले आहे.