Washim Medshi Water Crisis
नवीन जल जीवन मिशन अंतर्गत पाइपलाइन, पाण्याची टाकी, विहीर असे काम झाले असून, सदर काम अर्धवट अवस्थेत असल्यामुळे गावातील नव्याने झालेल्या नळ योजनेचा काहीच फायदा झाला नाही. गावातील नागरिकांना या दुष्काळजन्य परिस्थितीत पिण्याचे हक्काचे पाणी देण्यात मिळेल.
याकरिता मेडशी येथील गोरखनाथ भागवत, चंद्रकांत गायकवाड, विठ्ठल भागवत, सचिन साठे, सोहेल पठाण, अजिंक्य मेडशीकर यांनी वाशिम जिल्हाधिकारी यांची भेट घेऊन गावातील सर्व परिस्थिती त्यांच्या निदर्शनास आणून दिली व उर्वरित काम तात्काळ पूर्ण झाल्यास या दुष्काळजन्य परिस्थितीत मेडशी येथील नागरिकांना कायमस्वरूपी पिण्याच्या पाण्याचा प्रश्न मार्गी लागेल अशी माहिती दिली.
मालेगाव तालुक्यातील मेडशी परिसरात दुष्काळाची स्थिती असून, ऑगस्ट महिन्याच्या शेवटच्या आठवड्यापासून पावसाने विश्रांती घेतली. त्यामुळे संपूर्ण जिल्ह्यात दुष्काळजन्य परिस्थिती आहे. मेडशी येथील नळ योजनेच्या विहिरीला पाणी नसल्यामुळे गावातील नागरिकांना कमालीच्या पिण्याच्या पाण्याच्या समस्येला सामोरे जावे लागत आहे. कारण, गावात जल जीवन मिशन अंतर्गत कोट्यावधी रुपयाचे काम मंजूर होऊन अंतिम टप्प्यात असताना काम खोळंबले व त्याचा फटका गावातील नागरिकांना बसला.
मेडशी गावात पाणीटंचाईमुळे नागरिकांचे हाल होत आहेत. तात्पुरत्या पाणीपुरवठ्याने गरज भागत नाही. जल जीवन मिशनअंतर्गत कोट्यवधींची कामे होऊनही योजना अपूर्ण असल्याने ग्रामस्थांना हक्काच्या पाण्याची प्रतीक्षा करावी लागत आहे. यामुळेच उर्ध्व मोरणा प्रकल्पातील विहीर आणि रखडलेली नळयोजना तातडीने पूर्ण करण्याची मागणी ग्रामस्थांनी जिल्हाधिकाऱ्यांकडे केली आहे.
Ans: पावसाने दडी मारल्याने आणि नळ योजनेच्या विहिरीत पाणी नसल्याने पाणीटंचाई निर्माण झाली.
Ans: विनायकराव मेडशीकर यांच्या विहिरीवरून तात्पुरता पाणीपुरवठा केला जात आहे.
Ans: पाइपलाइन, पाण्याची टाकी आणि विहिरीचे काम होऊनही योजना अद्याप पूर्ण झालेली नाही.
.png "Videos"){kind=small}
