‘रामायण’ मालिकेतील ‘राम-सीता’ पुन्हा एकत्र, दिसणार नव्या भूमिकेत; वाचा सविस्तर

‘राम-सीता’च्या जोडीची प्रत्येक घराघरांत-मनामनांत अफाट लोकप्रियता असून त्यांच्या अभिनयाची जादू पुन्हा एकदा आपल्याला अनुभवता येणार आहे. लवकरच ‘वीर मुरारबाजी’ हा चित्रपट रिलीज होणार आहे.

Arun Govil Deepika Chikhliya To Play Chhatrapati Shahajiraje Jijau In Veer Murarbaji Movie

Follow Us:

Follow Us:

‘रामायण’ मालिकेमध्ये प्रभू श्री रामांची आणि माता सीतेची भूमिका साकारलेल्या कलाकारांनी प्रेक्षकांच्या मनावर अधिराज्य गाजवले. मालिकेमध्ये प्रभू श्री रामांची भूमिका अभिनेते आणि खासदार अरुण गोविल यांनी साकारलीये. तर सीता मातेची भूमिका अभिनेत्री दीपिका चिखलीयाने साकारली होती. मालिकेतून प्रसिद्धीझोतात आलेली ही ‘राम-सीता’ची जोडी आता चित्रपटातूनही प्रेक्षकांच्या भेटीला येणार आहे. लवकरच ‘वीर मुरारबाजी’ हा चित्रपट रिलीज होणार आहे. ‘राम-सीता’च्या जोडीची प्रत्येक घराघरांत-मनामनांत अफाट लोकप्रियता असून त्यांच्या अभिनयाची जादू पुन्हा एकदा आपल्याला अनुभवता येणार आहे.

‘वादळवाट’ फेम अभिनेते डॉ. विलास उजवणे यांच्या निधनावर मराठी कलाकारांची प्रतिक्रिया, वाहिली श्रद्धांजली

श्रीरामनवमीच्या शुभमुहूर्तावर ‘वीर मुरारबाजी’ चित्रपटातलं पोस्टर रिलीज झाले आहे. ‘राम-सीता’ची भूमिकेत असलेल्या अभिनेते- खासदार अरुण गोविल आणि अभिनेत्री दीपिका चिखलीयाचे पोस्टर सोशल मीडियावर रिलीज झाले आहे. श्रीरामनवमीच्या शुभमुहूर्तावर ‘राम-सीता’ची भूमिकेत असलेल्या कलाकारांचे एक आकर्षक पोस्टर प्रदर्शित झाले आहे. ‘वीर मुरारबाजी… पुरंदरकी युद्धगाथा’ या महत्त्वाकांक्षी हिंदी चित्रपटात ही जोडी छत्रपती शहाजीराजे भोसले आणि राजमाता जिजाऊ यांच्या भूमिकेत दिसणार आहे. भाऊसाहेब आरेकर यांनी चित्रपटाच्या निर्मितीची जबाबदारी सांभाळली आहे तर दिग्दर्शन अजय-अनिरुद्ध यांनी केले आहे.

“सिद्धहस्त कलाकार आपल्यातून दूर गेला…” अभिनेते डॉ. विलास उजवणे यांच्या निधनावर उपमुख्यमंत्र्यांनी वाहिली श्रद्धांजली

ऐतिहासिक चित्रपटात एकत्रित काम करण्याचा योग या निमित्ताने जुळून आला असून या भूमिकेसाठी आम्ही तितकेच उत्सुक होतो, असं हे दोघे सांगतात. छत्रपती शहाजीराजे भोसले आणि राजमाता जिजाऊ यांची भूमिका करायला मिळणं आमच्यासाठी खूपच आनंददायी होतं. ज्या उत्तुंग व्यक्तिमत्वांनी आपला प्रेरणादायी इतिहास घडवला, समाजाला नवा विचार दिला, अशी भूमिका साकारताना सोबत मोठी सामाजिक जबाबदारी नक्कीच असते, असं प्रांजळ मत या दोघांनी व्यक्त केलं.

अभिनेते मनोज कुमार अनंतात विलीन, ‘भारत कुमार’ याचं अंत्यदर्शन घेण्यासाठी बॉलिवूड सेलिब्रिटींची मांदियाळी

पुरंदरच्या वेढ्याप्रसंगी झालेल्या धुमश्चक्रीत महान पराक्रम गाजवून शेकडो गनिमांना यमसदनी धाडणाऱ्या स्वामीनिष्ठ नरवीर मुरारबाजी देशपांडे यांचा पराक्रमी इतिहास आजही प्रत्येकाला प्रेरणा देणारा आहे. स्वराज्याच्या इतिहासात पुरंदरचे ‘काळभैरव’ म्हणून ओळख असणारे मुरारबाजी देशपांडे यांची यशोगाथा ‘वीर मुरारबाजी…पुरंदरकी युद्धगाथा’ या चित्रपटातून रुपेरी पडदयावर येण्यासाठी सज्ज होत असून लवकरच या चित्रपटाच्या प्रदर्शनाची घोषणा होणार आहे.

Web Title: Arun govil deepika chikhliya to play chhatrapati shahajiraje jijau in veer murarbaji movie

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com