(फोटो सौजन्य - सोशल मीडिया)
आता “धुरंधर २” प्रेक्षकांचं मनोरंजन करण्यासाठी सज्ज झाला आहे. ज्याची चाहते बऱ्याच काळापासून आतुरतेने वाट पाहत आहेत. १८ मार्च रोजी पेड प्रिव्ह्यूचे वेळापत्रक आहे. चित्रपट १९ मार्च रोजी प्रदर्शित होत असताना, लोकांना संध्याकाळी ५ वाजता चित्रपटगृहांमध्ये हा चित्रपट पाहता येणार आहे. पेड प्रिव्ह्यू आणि पहिल्या दिवसासाठी ॲडव्हान्स बुकिंग सुरू आहे आणि रणवीर सिंगच्या चित्रपटाने आधीच कोटींची कमाई करून चाहत्यांना थक्क केले आहे. पहिल्या चित्रपटाने जगभरात ₹१,३०० कोटींपेक्षा जास्त कमाई केली, चित्रपटाची सुरुवात मंद असली तरी या चित्रपटाच्या कमाईत पुढे वाढ दिसली. यावेळी, चित्रपट केवळ हमजाची कथा सांगणार नाही तर जसकीरत सिंग रंगीचा प्रवास देखील दाखवणार आहे. लियारीच्या सत्तेत उदयानंतरच्या लढाईचा देखील समावेश आहे. दरम्यान, चित्रपटाचा पहिला रिव्ह्यू समोर आला आहे.
यावेळी चाहत्यांच्या मनात अनेक प्रश्न उपस्थित होणार दिसत आहेत, ज्यांची उत्तरे ‘धुरंधर २’ प्रदर्शित झाल्यानंतरच कळणार आहेत. सर्वप्रथम, ‘बडे साहेब’ कोण आहेत? यामी गौतमचा कॅमिओ खरा आहे की खोटा? तसे असल्यास, तो कधी येणार? अक्षय खन्ना कोणत्या सीनमध्ये दिसणार? याशिवाय ‘जसकीरत सिंग रंगी’चा ‘उरी’ या चित्रपटाशी काही संबंध असल्याचीही चर्चा आहे. आता जाणून घेऊया, चित्रपटाबद्दल नेमकी कोणती माहिती समोर आली आहे.
‘धुरंधर २’ चा पहिला रिव्ह्यू
रणवीर सिंगच्या ‘धुरंधर: द रिव्हेंज’ चित्रपटासाठी अपेक्षा खूप आहेत. म्हणूनच, जेव्हा पेड प्रिव्ह्यू सुरू झाले तेव्हा लोकांनी आधीच तिकिटे बुक केली होती. तिकिटांच्या किमती गगनाला भिडल्या असल्या तरी, लोक अजूनही चित्रपट पाहण्यासाठी उत्सुक आहेत. दरम्यान, दुबई सेन्सॉर बोर्डाच्या एका सदस्याने आणि समीक्षकाने चित्रपटाचे पुनरावलोकन केले आहे. सेन्सॉर स्क्रीनिंग पाहिल्यानंतर त्यांनी हा रिव्ह्यू दिला आहे.
”अतिशय अश्लील गाणं’, ‘सरके चुनर’मुळे नोरा फतेही वादात; डबल मीनिंग लिरिक्सवर नेटकऱ्यांचा संताप
त्यांनी लिहिले की, “रणवीर सिंग त्याच्या संपूर्ण आयुष्यात आदित्य धरला कधीही विसरणार नाही. त्याने त्याचा जबरदस्त कमबॅक केला आहे. धुरंधर: द रिव्हेंजमधील त्याचा अभिनय आयुष्यभर लक्षात राहील. ‘धुरंधर २’ च्या तुलनेत पुष्पा आणि बाहुबली मालिका काहीच नाही. या चित्रपटासाठी आकाश ही मर्यादा आहे. तो जगभरात ३००० कोटींची कमाई करेल. धुरंधर: द रिव्हेंज हा या काळातील बाहुबली २ आहे. सेन्सॉर बोर्डावर हा शक्तिशाली चित्रपट पाहिल्यानंतर मी अवाक झालो.” असे लिहून त्यांनी ही पोस्ट शेअर केली आहे.
नुकतेच ‘धुरंधर २’ मधील ‘आरी-आरी’ या गाण्यातील अर्जुन रामपाल आणि रणवीर सिंग यांच्यातील एक जबरदस्त टक्कर पाहायला मिळाली आहे. या चित्रपटातील सर्वात मोठा समोरासमोरचा प्रसंग असणार आहे, कदाचित रणवीर सिंग आणि अक्षय खन्ना यांच्यातील प्रसंगापेक्षाही मोठा. तसेच आता या चित्रपटामध्ये नक्की काय पाहायला मिळणार हे जाणून घेण्यासाठी चाहते उत्सुक आहेत.
.png "Videos"){kind=small}
