Mirzapur The Movie : थिएटर रिलीजआधीच ‘मिर्झापूर 3’चा धमाका! ‘दो नंबरी’ गाण्याचा सोशल मीडियावर धुमाकूळ

Mirzapur The Movie : भारतीय सिनेसृष्टीतील बहुप्रतिक्षित 'मिर्झापूर: द मूव्ही' या चित्रपटाचे पहिले गाणे 'दो नंबरी' नुकतेच प्रदर्शित झाले आहे. प्रसिद्ध हरियाणवी रॅपर धांडा न्योलीवाला याने या गाण्याद्वारे बॉलिवूडमध्ये गायक, संगीतकार म्हणून पदार्पण केले असून त्याच्या दमदार बीट्सने रसिकांना भुरळ पाडली आहे.

• थिएटर रिलीजआधीच मोठा धमाका!
• ‘दो नंबरी’ गाण्याचा सोशल मीडियावर धुमाकूळ
• चित्रपट कधी होणार रिलीज?

Mirzapur The Movie : भारतीय सिनेसृष्टीतील बहुप्रतिक्षित ‘मिर्झापूर: द मूव्ही’ ( Mirzapur The Movie ) या चित्रपटाची चाहते बरीच वाट पाहतं आहे. या चित्रपटाचा दमदार टीझर प्रदर्शित झाला. त्याला मिळालेल्या जबरदस्त प्रतिसादानंतर आता ‘मिर्झापूर: द मूव्ही’चा अधिकृत ट्रेलर ११ ऑगस्ट रोजी प्रदर्शित होणार आहे. नुकतंच या चित्रपटाचं पहिलं गाणं ‘दो नंबरी’ प्रदर्शित झाले आहे. या गाण्याचा क्रेझ सध्या सोशल मीडियावर चांगलाचा पाहायला मिळत आहे. चित्रपट प्रदर्शित होण्यापूर्वी याचा क्रेझ बराच वाढत आहे.

Excel Music Launch: रितेश सिधवानी-फरहान अख्तर यांची मोठी घोषणा; ‘Excel Music’च्या माध्यमातून संगीतविश्वात नवी इनिंग

हरियाणवी रॅपर धांडा न्योलीवालाचं गाणं

अॅमेझॉन एमजीएम स्टुडिओज आणि एक्सेल एंटरटेनमेंट मिर्झापूर: द मूव्हीशी संबंधित प्रत्येक नव्या अपडेटद्वारे चाहत्यांचा उत्साह सतत वाढवत आहेत. आता निर्मात्यांनी चित्रपटातील पहिल्या गाण्याची दो नंबरी’ घोषणा केली असून, हे गाणे उद्या रिलीज होणार आहे. हे गाणे प्रसिद्ध हरियाणवी रॅपर धांडा न्योलीवाला यांनी गायले, लिहिले आणि संगीतबद्ध केले आहे. विशेष म्हणजे, या गाण्याद्वारे धांडा बॉलिवूडमध्ये पदार्पण करत आहेत. दमदार हरियाणवी बीट्स आणि जबरदस्त एनर्जीने भरलेले हे गाणे मिर्झापूरच्या बेधडक आणि दमदार विश्वाची झलक देण्याचे वचन देते. चित्रपटाच्या प्रदर्शनापूर्वी हा ट्रॅक त्याच्या वाढत्या क्रेझमध्ये आणखी भर घालण्यासाठी सज्ज आहे.

See more

भव्य ट्रेलर लॉन्चबद्दलची उत्सुकता आणखी वाढली

एक्सेल म्युझिकच्या पहिल्या गाण्या ‘दो नंबरी’च्या रिलीजबाबत चाहत्यांमध्ये प्रचंड उत्सुकता आहे. त्यानंतर 11 ऑगस्ट रोजी होणाऱ्या भव्य ट्रेलर लॉन्चची उत्सुकताही आणखी वाढली आहे. टीझरला मिळालेल्या शानदार प्रतिसादानंतर निर्माते प्रत्येक नव्या अपडेटसह प्रेक्षकांची उत्सुकता सातत्याने वाढवत आहेत, त्यामुळे प्रत्येक नवा खुलासा आधीपेक्षाही अधिक मोठा आणि दमदार ठरत आहे.

सर्वाधिक प्रतीक्षित चित्रपटांपैकी एक

मिर्झापूर: द मूव्ही सध्या भारतीय सिनेसृष्टीतील सर्वाधिक प्रतीक्षेत असलेल्या चित्रपटांपैकी एक बनला आहे. पहिल्यांदाच ही सुपरहिट फ्रँचायझी मोठ्या पडद्यावर येत असून, त्यामुळे प्रेक्षकांमध्ये प्रचंड उत्साह आहे. अली फझल, पंकज त्रिपाठी आणि दिव्येंदू यांच्या प्रमुख भूमिका असलेला हा चित्रपट ड्रामा, सत्तेची लढाई आणि ‘भौकाल’च्या नव्या पर्वाचे वचन देतो. या चित्रपटात अभिषेक बॅनर्जी, रसिका दुगल, मोहित मलिक, शीबा चड्ढा, राजेश तैलंग, प्रमोद पाठक, श्रिया पिळगांवकर, हर्षिता शेखर गौर, श्वेता त्रिपाठी आणि सोनल एस. चौहान यांच्याही महत्त्वाच्या भूमिका आहेत. हे सर्व कलाकार मिळून या फ्रँचायझीच्या नव्या अध्यायाला अधिक भव्य आणि दमदार बनवणार आहेत.

कधी होणार प्रदर्शित?

मिर्झापूर: द मूव्हीची प्रस्तुती अॅमेझॉन एमजीएम स्टुडिओज आणि एक्सेल एंटरटेनमेंट यांनी केली आहे. या चित्रपटाचे दिग्दर्शन गुरमीत सिंग यांनी केले असून, कथा पुनीत कृष्णा यांनी लिहिली आहे. रितेश सिधवानी आणि फरहान अख्तर यांनी एक्सेल एंटरटेनमेंटच्या बॅनरखाली या चित्रपटाची निर्मिती केली आहे. तर कासिम जगमगिया आणि विशाल रामचंदानी हे सह-निर्माते आहेत. हा चित्रपट 4 सप्टेंबर 2026 रोजी जगभरातील चित्रपटगृहांमध्ये प्रदर्शित होणार आहे.

Tumbadchi Manjula OTT Release: ‘तुंबाडची मंजुळा’चा ZEE5 वर वर्ल्ड डिजिटल प्रीमियर; ‘या’ दिवसापासून पाहता येणार ब्लॉकबस्टर चित्रपट