(फोटो सौजन्य - इन्स्टाग्राम)
फलक नाझने सोशल मीडियावर एक व्हिडिओ शेअर करत असा आरोप केला आहे की, एक “यशस्वी निर्माती” कलाकारांना कामावर ठेवण्यापूर्वी त्यांची जन्मकुंडली तपासते. अभिनेत्रीने कोणाचेही नाव घेतले नसले तरी, अनेक चाहत्यांनी असा अंदाज लावला की ती एकता कपूरबद्दल अभिनेत्री बोलत आहे, ज्यामुळे ऑनलाइन जोरदार चर्चा सुरू झाली.
सुबोध भावेच्या दमदार आवाजात “फुला”चा टीझर रिलीज! वाघ्या-मुरळी संस्कृतीवर भाष्य करणारा चित्रपट
फलकने कोणाला मारला टोमणा?
फलक नाझने इन्स्टाग्रामवर एक व्हिडिओ शेअर केला आणि म्हटले, “पूर्वी इंडस्ट्रीमध्ये तुम्हाला तुमच्या प्रतिभेवर आणि अभिनय कौशल्यावर काम मिळायचे. आता एक नवीन युग सुरू झाले आहे. आता तुमच्या इन्स्टाग्राम फॉलोअर्स आणि जन्मपत्रिकेच्या आधारावर काम दिले जाईल. एक खूप यशस्वी निर्माता आहे आणि हे असेच चालते.” जरी तिने कोणाचेही नाव घेतले नसले तरी, अनेक सोशल मीडिया वापरकर्त्यांनी लगेचच असा अंदाज लावला की ती एकता कपूरबद्दल बोलत आहे.
View this post on Instagram
फलक नाझला आला फोन
टीव्ही अभिनेत्री पुढे म्हणाली, “मला काल एक फोन आला. मी प्रोडक्शन हाऊसचं नाव घेणार नाही. ते खूप जुनंही नाही आणि खूप नवीनही नाही. त्यांनी मला सांगितलं की एक शो येत आहे, तो याच चॅनलवर, याच प्रोडक्शन हाऊसमध्ये आणि याच भूमिकेत असेल. मी म्हणाले, ‘ठीक आहे, आता पुढे काय करायचं?’ सहसा कलाकारांना लुक टेस्ट, मॉक टेस्ट किंवा रेफरन्स ऑडिशनसाठी बोलावले जाते. मला माझी जन्मतारीख, ठिकाण आणि वेळ पाठवायला सांगितली होती.” अभिनेत्री म्हणाली की तिने ते त्यावेळी पाठवले, पण नंतर तिला याचा खूप राग आला.
लोकांच्या प्रतिक्रिया आल्या समोर
फलकचा व्हिडिओ सोशल मीडियावर दिसताच व्हायरल झाला आणि लोकांनी त्यावर वेगवेगळ्या प्रकारे प्रतिक्रिया दिल्या. एका रेडिट वापरकर्त्याने लिहिले, “एकता आजकाल कुंडली पाहून कलाकारांची निवड करत आहे.” दुसऱ्या वापरकर्त्याने टिप्पणी केली, “म्हणूनच एकताने तान्या मित्तलला भूमिका देऊ केली का?” कदाचित त्याची कुंडली खूप बलवान असेल, कारण खरं सांगायचं तर, मला त्याचा अभिनय अजिबात आवडत नाही, अगदी जाहिरातींमध्येही नाही.” असे लिहून अनेक लोकांनी प्रतिक्रिया दिल्या आहेत.
