जहान कपूरने पटकावला IMDb स्टारमीटर पुरस्कार; ‘ब्लॅक वॉरंट’ वेब सिरीजने जिंकले चाहत्यांचे मन!

जहान कपूरला 'ब्लॅक वॉरंट' या चित्रपटासाठी IMDb “ब्रेकआउट स्टार” स्टारमीटर पुरस्कार मिळाला आहे. जगभरातून दर महिन्याला IMDb वर येणाऱ्या 25 कोटींहून अधिक विजिटर्सच्या वास्तविक पेज व्ह्यूजनुसार हे निर्धारित झाले आहे.

(फोटो सौजन्य - इंस्टाग्राम)

Follow Us:

Follow Us:

मूव्हीज, टीव्ही शोज आणि सेलिब्रिटीजवरील माहितीचा सर्वांत प्रसिद्ध आणि विश्वसनीय स्रोत असलेल्या IMDb द्वारे IMDb “ब्रेकआउट स्टार” स्टारमीटर पुरस्कार हा ‘ब्लॅक वॉरंट’ मधील अभिनेता जहान कपूरला देण्यात येण्याची घोषणा करण्यात आली आहे. IMDb app वर प्रसिद्ध झालेल्या प्रसिद्ध भारतीय सेलिब्रिटीजच्या यादीमध्ये सर्वोच्च स्थानी असलेल्या परफॉर्मरला या पुरस्काराद्वारे मान्यता दिली गेली आहे. जगभरातून IMDb वर येणा-या आणि दर महिन्याला 25 कोटींहून अधिक असलेल्या विजिटर्सच्या पेज व्ह्यूजद्वारे ही यादी तयार केली जाते. ही यादी अशा अभिनेत्यांबद्दल अचूक भाकीत करणारी ठरली आहे ज्यांच्या करिअरमध्ये अतिशय महत्त्वाचा क्षण आलेला आहे.

धक्कादायक! दादासाहेब फाळके पुरस्कार घोटाळा उघडकीस; संस्थापक अनिल मिश्रा आणि त्यांच्या मुलाविरुद्ध एफआयआर दाखल!

कपूरने विक्रमादित्य मोटवानीच्या तुरुंगातील नाट्य असलेल्या ब्लॅक वॉरंटमधील अभिनयाद्वारे आपली छाप सोडली आहे. त्यामध्ये त्याने दिल्लीतील तिहार जेलमधील माजी सुपरइंटेंडंट सुनील कुमार गुप्ता ह्यांचे प्रत्यक्षातील जीवन पडद्यावर साकारले होते. थरारक मांडणी आणि लक्षवेधी अभिनयामुळे नावाजल्या गेलेल्या ह्या मालिकेला जगभरातील चाहत्यांनी उचलून धरले आहे. IMDb ग्राहकांनी त्याला 8.0/10 रेटिंग दिले आहे. ह्या शोच्या यशानंतर प्रसिद्ध भारतीय सेलिब्रिटीजच्या यादीमध्ये कपूर तीन वेळेस टॉप 10 मध्ये गेला होता. आणि दोन आठवड्यांपूर्वी त्याने सर्वोच्च स्थानही पटकावले होते. कपूरच्या आधीच्या क्रेडीटसमध्ये फराज़चा समावेश आहे. 2022 मध्ये आलेला तो त्याचा पहिल्या पदार्पणाचा चित्रपट होता.

“ब्रेकआउट स्टार” स्टारमीटर पुरस्कार मिळाल्याबद्दल जहान कपूरने आपले मत मांडले आहे. तो म्हणाला की, “IMDb “ब्रेकआउट स्टार” स्टारमीटर पुरस्कार मिळाल्याचा मला अतिशय आनंद होत आहे. हा माझा पहिलाच पुरस्कार आहे असे नाही तसेच हे चाहत्यांनी मला दिला आहे. हे फार स्पेशल आहे, कारण हा पुरस्कार तुम्हा सर्वांमुळे मिळाला आहे. आम्ही जे काम केले, ते लोकांना रिलेट झाले आणि प्रत्येकाला माझ्याबद्दल अधिक माहिती घ्यायची होती. हे अतिशय उत्साहवर्धक आहे.” असे अभिनेत्याने या मुलाखतीत म्हटले आहे.

Ishika Taneja: आणखी एका अभिनेत्रीने इंडस्ट्री सोडून घेतला संन्यास, लोक म्हणाले – “दुसरी ममता कुलकर्णी”

जहान कपूर ही कपूर कुटुंबातील आहे
जहान कपूर हा फिल्म इंडस्ट्रीतील कपूर घराण्यातील एक आहे. प्रसिद्ध अभिनेते शशी कपूर यांचे लग्न जेनिफर केंडलशी झाले होते, त्यांना करण कपूर, कुणाल कपूर आणि संजना कपूर ही तीन मुले आहेत. जहान हा कुणाल कपूरचा मुलगा आहे. 2022 मध्ये रिलीज झालेल्या ‘फराज’ या चित्रपटातून त्याने फिल्मी दुनियेत प्रवेश केला. आता ‘ब्लॅक वॉरंट’ मधून त्याने ओटीटीच्या जगात प्रवेश केला आहे. चाहते या त्याचे भरभरून कौतुक करत आहेत.

Web Title: Jahan kapoor wins imdb starmeter award black warrant web series wins fans hearts

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com