(फोटो सौजन्य- इन्स्टाग्राम)
ऑस्कर २०२६ सोहळा नुकताच मोठ्या अलिशान थाटात पार पडला. यो साहळ्यासाठी बॉलिवूड अभिनेत्री प्रियंका चोप्रा प्रेझेंटर म्हणून उपस्थित राहिली. मात्र या भव्य सोहळ्यात पोहोचण्यापूर्वी प्रियंका आणि निक एका मोठ्या अपघातातून थोडक्यात बचावले असून, त्याचा व्हिडिओ सध्या व्हायरल होत आहे.
ऑस्करच्या कार्यक्रमाला पोहोचण्यासाठी प्रियंका चोप्रा आणि निक जोनास हे जोडपे गोल्फ कार्टवर चढले, पण उशीर झाल्यामुळे चालकाने वेग वाढवला. एका वळणानंतर, कार्टचा तोल गेला आणि त्याचे एक चाक जमिनीवरून वर गेले. त्यानंतर त्या जोडप्याने कार्ट पकडली. काही सेकंदातच चालकाने ती नियंत्रित केली. सुदैवाने, ड्रायव्हरने वेळेत नियंत्रण मिळवल्याने गाडी पूर्णपणे उलटली नाही आणि मोठा अनर्थ टळला. जर ही कार्ट डाव्या बाजूला पूर्ण झुकली असती, तर प्रियंकला गंभीर दुखापत झाली असती.
#VIRAL Nick Jonas y su esposa, Priyanka Chopra, casi sufren un accidente antes de pisar la alfombra roja de los Oscar. Así les fue en su trayecto en el carrito de golf hacia la entrada del Dolby Theatre#Oscars #JLMNoticias #Aguascalientes #Ags pic.twitter.com/EcO2kky81X — José Luis Morales (@JLMNoticias) March 16, 2026
प्रियंकाने ऑस्करच्या मंचावर दिमाखात प्रवेश केला. तिने इंटरनॅशनल फीचर फिल्म या श्रेणातील विजेत्याची घोषणा केली. प्रियंकाचा रेड कार्पेटवरील व्हाईट गाऊनमधील लूक सध्या सोशल मीडियावर व्हायरल होत आहे. या गाऊनमधील लूक आणि तिचे आत्मविश्वासपूर्ण सादरीकरण याने प्रेक्षकांचे मन जिंकले आहे.
अमेरिकेतील हॉलिवूडमधील डॉल्बी थिएटरमध्ये ८ वा अकादमी पुरस्कार सोहळा पार पडला. थिएटरच्या सुरक्षा चौकटीत खाजगी वाहनांना परवानगी नव्हती. जगभरातील सेलिब्रिटींच्या आगमनामुळे वाहन व्यवस्थापन कठीण झाले. परिणामी, आयोजकांनी त्यांना नेण्यासाठी गोल्फ कार्टची व्यवस्था केली.
