मनोज बाजपेयीच्या ‘Inspector Zende’ चित्रपटाचा ट्रेलर रिलीज, ‘या’ दिवशी प्रदर्शित होणार चित्रपट

सोमवारी, निर्मात्यांनी मनोज बाजपेयी यांच्या आगामी 'इन्स्पेक्टर झेंडे' या चित्रपटाचा टीझर रिलीज झाला आहे. यामध्ये अभिनेता अ‍ॅक्शनसोबतच विनोदी शैलीतही दिसत आहे. तसेच आता प्रेक्षक हा चित्रपट पाहण्यासाठी उत्सुक आहेत.

(फोटो सौजन्य - इन्स्टाग्राम)

Follow Us:

Follow Us:

• ‘इन्स्पेक्टर झेंडे’ झाला ट्रेलर रिलीज
• चित्रपट कधी होणार प्रदर्शित ?
• मनोज बाजपेयी यांनी चित्रपटाबद्दल मांडले मत

प्रसिद्ध बॉलीवूड अभिनेता मनोज बाजपेयी यावेळी पोलिस अधिकाऱ्याच्या भूमिकेत प्रेक्षकांसमोर येणार आहेत. त्यांच्या आगामी ‘इन्स्पेक्टर झेंडे’ या चित्रपटाचा ट्रेलर रिलीज झाला आहे. यासोबतच निर्मात्यांनी चित्रपटाच्या प्रदर्शनाची तारीखही जाहीर केली आहे. चित्रपटाचा ट्रेलर कसा आहे आणि हा चित्रपट तुम्ही कधी आणि कुठे पाहू शकता हे आपण जाणून घेणार आहोत.

Photo : बिग बॉसच्या इतिहासातील सर्वात संस्मरणीय टास्क, कोर्टरूमपासून ते टॉर्चर टास्कपर्यंत! प्रेक्षकांचे केले भरपूर मनोरंजन

हा चित्रपट एका सत्य घटनेवर प्रेरित
मनोज बाजपेयी यांचा ‘इन्स्पेक्टर झेंडे’ हा चित्रपट एका सत्य घटनेवर प्रेरित आहे, ज्याचा ट्रेलर प्रदर्शित झाला आहे. २ मिनिटे ३२ सेकंदांच्या या ट्रेलरमध्ये एक सामान्य पोलिस अधिकारी त्याच्या धाडसाने आणि जुगाडाने अशक्य वाटणारा खटला कसा सोडवण्याचा प्रयत्न करतो हे दाखवले जाणार आहे. ट्रेलर पाहिल्यानंतर असे म्हणता येईल की चित्रपटात ॲक्शन आणि कॉमेडी दोन्हीचे चांगले मिश्रण प्रेक्षकांना पाहायला मिळणार आहे.

मनोज बाजपेयी म्हणाले ‘ही एक प्रेरणादायी कथा’
मनोज बाजपेयी म्हणाले की, ‘इन्स्पेक्टर झेंडे’ चित्रपटाबद्दल मला सर्वात जास्त आकर्षित करणारी गोष्ट म्हणजे तो कधीही प्रसिद्धीच्या मागे धावला नाही. तो फक्त त्याचे काम करत राहिलेला व्यक्ती आहे. तरीही त्याने सर्वात कुख्यात गुन्हेगारांपैकी एकाला दोनदा पकडले. त्याचे धाडस, विनोद आणि मुंबईची अनोखी शैली त्याचा प्रवास खरोखरच प्रेरणादायी बनवते. त्याला भेटून असे वाटले की मी एखाद्या कथेच्या पुस्तकात पाऊल ठेवत आहे, जिथे आयुष्यभराच्या कथा आहेत. त्याची भूमिका साकारल्याने मला अशा जगात जाण्याची संधी मिळाली जी जितकी मनोरंजक आहे तितकीच कठीण आहे. ट्रेलर फक्त एक झलक आहे, चित्रपट तुम्हाला थेट त्याच्या केंद्रस्थानी घेऊन जातो. मला आनंद आहे की त्याची कहाणी अखेर तिला हवी असलेली प्रसिद्धी मिळत आहे.’ असे म्हणून अभिनेत्याने चित्रपटाबद्दल आपले मत मांडले आहे.

लग्नाच्या दोन वर्षानंतर परिणीती होणार आई, एका भावुक पोस्टसह दिली आनंदाची बातमी

चित्रपट कधी आणि कुठे होणार प्रदर्शित
चिन्मय डी. मांडलेकर दिग्दर्शित हा चित्रपट ५ सप्टेंबर रोजी नेटफ्लिक्सवर प्रदर्शित होणार आहे. जय शेवक्रमणी आणि ओम राऊत यांनी त्याची निर्मिती केली आहे. तसेच या चित्रपटामध्ये अनेक कलाकार काम करताना दिसणार आहेत.

Web Title: Manoj bajpayee film inspector zende trailer released know when and where you can watch this

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com