Ramayana Part 2 Release Delayed: ( फोटो सौजन्य-सोशलमीडिया)
नितेश तिवारी दिग्दर्शित ‘रामायण’ हा सध्या बॉलिवूडचा सगळ्यात मोठा सिनेमा मानला जातोय. ज्या सिनेमाची सगळे आतुरतेने वाट पाहत आहेत, तो हाच आहे. रणबीर कपूर रामच्या भूमिकेत आणि साई पल्लवी सीतेच्या भूमिकेत दिसणार आहे. या चित्रपटाचा पहिला भाग प्रेक्षकांच्या भेटीस येणार आहे, आता मात्र दुसऱ्या भागाबद्दल मोठी अपडेट समोर आली.जे ऐकून चाहत्यांना एक धक्का लागला. परंतू निर्मात्यांनी ‘रामायण पार्ट 2’ ची रिलीज डेट पुढे गेली आहे. Ramayana Part 2 Release Delayed:
सुरुवातीला ठरलं होतं की हा सिनेमा दोन भागात येईल. पहिला भाग 2026 मध्ये आणि दुसरा भाग लगेच एका वर्षाने 2027 च्या दिवाळीत. म्हणजे प्रेक्षकांना जास्त वाट पाहावी लागणार नाही.पहिल्या भागाचं नाव ‘रामायण: राइज ऑफ अ लीजेंड’ असं आहे आणि तो 5 नोव्हेंबरला थिएटरमध्ये येणार आहे, यात काही बदल नाही.
आता मिळालेल्या माहितीनुसार, निर्माता नमित मल्होत्रा याने दुसरा भाग 2027 मध्ये न आणता थेट 2028 च्या दिवाळीत आणण्याचा निर्णय घेतला आहे. म्हणजे दोन भागांमध्ये आता एका वर्षाचं नाही, तर दोन वर्षांचं अंतर पडणार आहे.
याचं कारण पण तसंच मोठं आहे. घाई का केली जात आहे, असा प्रश्न निर्मात्याला पडला.सूत्रांनी सांगितलं की, ‘रामायण’ हा फक्त एक सिनेमा नाही, तर नमित मल्होत्रा यांचं स्वप्न आहे. त्यांना हा सिनेमा जागतिक लेव्हलचा बनवायचा आहे. हॉलिवूडच्या ‘अवतार’ आणि ‘ॲव्हेंजर्स’ सारखा व्हीएफएक्स त्यांना या सिनेमात हवा आहे.
कोणत्याही प्रकारची तडजोड त्यांना करायची नाहीये.दुसऱ्या भागात तर खरी रामायणाची गोष्ट सुरू होणार आहे. युद्ध, रावण, वानरसेना, हे सगळं दुसऱ्या भागात असणार आहे. त्यासाठी प्रचंड व्हीएफएक्सचं काम लागणार आहे. शूटिंग, एडिटिंग आणि ग्राफिक्सला खूप वेळ लागतो. घाई करून सिनेमा खराब करण्यापेक्षा वेळ घेऊन चांगला सिनेमा बनवलेला बरा, असं निर्मात्याचं म्हणणं आहे. म्हणूनच त्यांनी हा निर्णय घेतला आहे. प्रत्येक सीनवर, प्रत्येक फ्रेमवर बारीक काम करण्यासाठी त्यांना जास्त वेळ हवा आहे. भारतीय प्रेक्षकांनी आजपर्यंत असा सिनेमा बघितला नसेल, असा अनुभव त्यांना द्यायचा आहे.
आता दोन भागांमध्ये दोन वर्षांचं अंतर असल्याने पहिल्या भागावर जास्त जबाबदारी आली आहे. पहिल्या भागात राम, सीता आणि इतर पात्रांची ओळख होणार आहे. कथेची सुरुवात कशी झाली हे दाखवलं जाणार आहे.
पहिला भाग जर लोकांना आवडला, बॉक्स ऑफिसवर चालला, तरच लोक दुसऱ्या भागासाठी दोन वर्ष थांबतील. त्यामुळे 5 नोव्हेंबरला येणारा पहिला भाग कसा असतो, लोकांना आवडतो का, हे बघणं महत्त्वाचं असणार आहे.
अजून तरी निर्मात्यांनी 2028 ची तारीख अधिकृतपणे जाहीर केलेली नाही, पण दिवाळी 2028 हाच त्यांचा टार्गेट आहे. थोडं थांबावं लागेल, पण चांगली गोष्ट मिळेल अशी आशा करूया.
.png "Videos"){kind=small}
