Saif Ali Khan: सैफची शस्त्रक्रिया पूर्ण, सीसीटीव्हीमध्ये दिसले २ संशयित, घरात सुरू होते फरशी पॉलिशचे काम!

बॉलिवूड अभिनेता सैफ अली खानवर हल्ला झाला आहे. गुरुवारी मध्यरात्रीनंतर एका दरोडेखोराने त्यांच्या वांद्रे येथील घरात घुसून त्यांच्यावर चाकूने हल्ला करण्यात आला आहे. सध्या हा अभिनेता लीलावती रुग्णालयात दाखल आहे.

(फोटो सौजन्य - सोशल मीडिया)

Follow Us:

Follow Us:

बॉलिवूड अभिनेता सैफ अली खानवर मध्यरात्री त्याच्या घरात चाकूने हल्ला करण्यात आला. या हल्ल्यात तो गंभीर जखमी झाला आहे. अभिनेत्याला मुंबईतील लीलावती रुग्णालयात दाखल करण्यात आले आहे, जिथे त्यांच्यावर शस्त्रक्रिया सुरू आहे. प्राथमिक तपासात हे प्रकरण दरोड्याचे असल्याचे दिसून येत आहे. वांद्रे पोलिसांनी घटनेच्या वेळी आणि त्यापूर्वीचे सीसीटीव्ही फुटेज तपासले आहे, ज्यामध्ये कोणताही संशयित घरात प्रवेश करताना दिसत नाही. या प्रकरणात तीन संशयितांना ताब्यात घेण्यात आले आहे. गुरुवारी रात्री अडीचच्या सुमारास ही घटना घडली, जेव्हा अभिनेता त्याच्या कुटुंबातील सदस्यांसह त्याच्या घरात झोपला होता. घरातील रहिवासी जागे झाल्यानंतर आणि त्यांनी आरडाओरडा केल्यानंतर, दरोडेखोर हल्ला करून घटनास्थळावरून पळून गेला, असे पोलिसांनी सांगितले आहे.

वांद्रे पोलिसांनी या प्रकरणात दरोडा आणि मारहाणीच्या कलमांखाली एफआयआर दाखल केला आहे. गुन्हेगाराला पकडण्यासाठी पोलिसांच्या अनेक पथके तयार करण्यात आली आहेत. एका वरिष्ठ आयपीएस अधिकाऱ्याने घटनेची पुष्टी केली आणि सांगितले की सैफ अली खानला लीलावती रुग्णालयात दाखल करण्यात आले आहे, जिथे त्याच्यावर शस्त्रक्रिया करण्यात आली. शस्त्रक्रियेनंतर, अभिनेत्याची प्रकृती आता धोक्याबाहेर आहे. त्याच्या शरीरात ३ इंचाची तीक्ष्ण धातूची वस्तू आढळून आली. तो चाकूचा एक भाग असल्याचे मानले जात आहे.

Saif Ali Khan: सैफ अली खानवरील हल्ल्याबाबत अधिकृत निवेदन जारी, सैफच्या टीमने काय म्हटले?

तीन संशयितांना ताब्यात, मोलकरणीची भूमिका संशयास्पद
या प्रकरणात पोलिसांनी तीन संशयितांना ताब्यात घेतले असून त्यांची चौकशी सुरू आहे. यासोबतच घरातील मोलकरीण आणि इतर कर्मचाऱ्यांचीही चौकशी केली जात आहे. या प्रकरणात मोलकरणीची भूमिका संशयास्पद मानली जात आहे. कारण घटनेच्या वेळी दोन तासांच्या सीसीटीव्ही फुटेजमध्ये बाहेरील कोणताही संशयित घरात प्रवेश करताना दिसला नाही. अशा परिस्थितीत, हल्लेखोर आधीच घरात उपस्थित होता असे समजते. तो पाईपलाईन किंवा एसी डक्टमधून आत गेला असावा अशी भीतीही व्यक्त केली जात आहे.

तैमूरच्या खोलीत एक दरोडेखोर घुसला होता.
‘आज तक’च्या वृत्तानुसार, संशयित दरोडेखोर सैफची मुले तैमूर आणि जेह यांच्या खोलीत घुसला. मुलांची काळजी घेणाऱ्या नैनीने जवळच काही आवाज ऐकला आणि तिला उठवले. मुलेही जागे झाली आणि आवाज करू लागली. यामुळे सैफ आणि कुटुंबातील इतर सदस्य जागे झाले. जेव्हा सैफ मुलांच्या खोलीत पोहोचला तेव्हा तो अज्ञात व्यक्ती नैनीशी भांडत होता. सैफने हस्तक्षेप करण्याचा प्रयत्न केला पण तो अज्ञात व्यक्ती घाबरला आणि त्याने सैफवर चाकूने हल्ला केला आणि तेथून पळून गेला.

फरशी पॉलिश करण्याचे काम सुरू होते, कामगारांचीही चौकशी होणार
पोलिसांनी या प्रकरणाच्या तपासाची व्याप्ती वाढवली आहे. गेल्या काही दिवसांपासून सैफच्या घरात फरशी पॉलिश करण्याचे काम सुरू असल्याचे सांगण्यात येत आहे. अशा परिस्थितीत, पोलिस तिथे काम करणाऱ्या कामगारांचीही चौकशी करत आहेत. सीसीटीव्ही फुटेजमध्ये कोणताही संशयित घरात प्रवेश करताना दिसला नाही. अशा परिस्थितीत, अज्ञात हल्लेखोर घरात आधीच उपस्थित होता असे मानत आहेत.

Saif Ali Khan: अभिनेत्याच्या प्राणघातक हल्ल्यावर समोर आली कलाकारांची प्रतिक्रिया; पूजा भट्टसह या अभिनेत्याने केले ट्विट!

पोलिसांनी सांगितले- सैफ मोलकरणीला वाचवत होता
मुंबई पोलिसांनी एका निवेदनात म्हटले आहे की, ‘काल रात्री उशिरा अभिनेता सैफ अली खानच्या घरात एक अज्ञात व्यक्ती घुसला. घरात मुलांनी आवाज करायला सुरुवात केल्यामुळे सगळे जागे झाले. तेव्हा तो अज्ञात व्यक्ती अभिनेत्याच्या मोलकरणी (नैनी) सोबत भांडत होता. जेव्हा अभिनेत्याने हस्तक्षेप करण्याचा प्रयत्न केला तेव्हा त्याने सैफ अली खानवर चाकूने हल्ला केला. या हल्ल्यात तो जखमी झाला.

Web Title: Saif ali khan injured after attacked with sharp weapon actor admitted in lilavati hospital

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com