(फोटो सौजय -इन्स्टाग्राम)
कोरियन चित्रपटसृष्टीतून एक दुःखद बातमी येत आहे, ज्यामुळे सर्वांचे मन दुखावले आहे. प्रसिद्ध अभिनेत्री कांग सेओ-हा यांचे निधन झाले. ही बातमी कळताच चित्रपटसृष्टीत शोककळा पसरली आहे. कोरियन माध्यमांनी कांग सेओ-हा यांच्या निधनाची पुष्टी केली आहे, ज्यात असे म्हटले आहे की ही अभिनेत्री कर्करोगाशी झुंज देत होती. या प्राणघातक आजाराशी झुंज देत असताना, तिने वयाच्या अवघ्या ३१ व्या वर्षी या जगाचा निरोप घेतला आहे.
शूटिंग दरम्यान स्टंटमॅन एसएम राजूचा अपघाती मृत्यू; अभिनेता विशालने पुढे केला मदतीचा हात
कांग सेओ-हा या अभिनेत्रीचे अंत्यसंस्कार कधी होणार?
स्पोर्ट्स क्विंगयांग यांनी कोरियन अभिनेत्री कांग सेओ-हा यांच्या निधनाची पुष्टी केली आहे, ज्यात म्हटले आहे की अभिनेत्रीचे अंत्यसंस्कार बुधवार, १६ जुलै रोजी होणार आहे. दक्षिण ग्योंगसांगमधील हामान येथे तिच्यावर अंत्यसंस्कार केले जातील. ही दुःखद बातमी येताच अभिनेत्रीच्या चाहत्यांना मोठा धक्का बसला आहे. ते सोशल मीडियावर दुःखद पोस्ट टाकून कांग सेओ-हा अभिनेत्रीला श्रद्धांजली वाहत आहेत.
कुटुंबाने शेअर केली भावनिक पोस्ट
कांग सेओ-हा अभिनेत्रीच्या निधनाबद्दल, तिचा कुटुंबाने इस्टाग्रामवर एक भावनिक पोस्ट शेअर केली आहे. या पोस्टसह त्यांनी लिहिले आहे की, ‘मला विश्वास बसत नाहीये. इतके दुःख सहन करूनही, तुम्ही तुमच्या जवळच्या लोकांचे आणि माझे टेन्शन घेतले. तुम्ही अनेक महिने काहीही खाऊ शकत नव्हत्या पण तरीही तुम्ही तुमच्या कार्डवरून माझ्या जेवणाचे पैसे दिले. मला कधीही जेवण वगळू दिले नाही. माझी परी आम्हाला खूप लवकर सोडून गेली. वेदनाशामक औषधे घेतल्यानंतरही, सर्वकाही सहन करूनही, तू म्हणत राहिली की परिस्थिती आणखी बिकट झाली नाही याबद्दल मी आभारी आहे. मला वाईट वाटत आहे सिस्टर. तुम्हाला खूप त्रास सहन करावा लागला आहे. आशा आहे की तुम्ही जिथे असाल तिथे आनंदी असाल आणि वेदनांपासून दूर असाल!’
दीपिका पदुकोण आणि संदीप वांगाच्या वादात राम गोपाल वर्मा यांनी घेतली उडी, अभिनेत्रीवर साधला निशाणा
कांग सेओ-हा यांचे काम
कांग सेओ-हा ही कोरियन चित्रपट उद्योगातील सर्वात लोकप्रिय अभिनेत्रींपैकी एक होती. तिने तिच्या कारकिर्दीत अनेक के-ड्रामा शो केले, ज्यात फर्स्ट लव्ह अगेन, नोबडी नोज, फ्लॉवर्स ऑफ द प्रिझन, थ्रू द वेव्हज आणि स्कूल गर्ल डिटेक्टिव्ह्ज यांचा समावेश आहे. ताज्या वृत्तानुसार, अभिनेत्री गेल्या काही दिवसांत ‘इन द नेट’ चित्रपटाच्या शूटिंगमध्ये व्यस्त होती. या चित्रपटात किम सेओ-हो आणि पार्क ग्यू यंग मुख्य भूमिकेत आहेत.
