शूटिंग दरम्यान स्टंटमॅन एसएम राजूचा अपघाती मृत्यू; अभिनेता विशालने पुढे केला मदतीचा हात

एका शूटिंगदरम्यान स्टंट सीनचे चित्रीकरण करताना एक मोठा अपघात घडला आहे. ज्यामध्ये प्रसिद्ध स्टंटमॅन एसएम राजू यांचा मृत्यू झाला. ज्यामुळे आता सोशल मीडियावर खळबळ उडाली आहे. ज्याचा व्हिडीओ व्हायरल होत आहे.

(फोटो सौजय -इन्स्टाग्राम)

Follow Us:

Follow Us:

दक्षिण चित्रपटसृष्टीतून एक दुःखद बातमी आली आहे. प्रसिद्ध स्टंट कलाकार एसएम राजू यांचे शूटिंग दरम्यान स्टंट करताना निधन झाले. ते चित्रपट निर्माते पीए रणजीत यांच्या आगामी ‘आर्य’ चित्रपटाच्या सेटवर स्टंट करत होते. यादरम्यान एसएम राजू यांचा कार उलटून स्टंट करताना मृत्यू झाला. आता अभिनेता विशालने राजू यांच्या निधनावर शोक व्यक्त केला आहे. तसेच त्याच्यासाठी मदतीचा हात पुढे केला आहे.

या घटनेचा व्हिडिओही समोर आला आहे
या भयानक अपघाताचा आणि एसएम राजू यांना ज्या स्टंटमध्ये आपला जीव गमवावा लागला त्याचा व्हिडिओही समोर आला आहे. व्हिडिओमध्ये एसएम राजू कार पलटी करण्याचा स्टंट करताना दिसत आहेत. रॅम्पवर येताच त्यांची कार पलटली गेली आणि ती हवेत अनेक वेळा पलटी झाली आणि नंतर पुढच्या भागावर पडली. अपघातानंतर काही मिनिटांनी, घटनास्थळाचे चित्रीकरण करणाऱ्या क्रूला ही घटना कळली आणि ते कारकडे धावले, परंतु राजू गंभीर जखमी अवस्थेत आढळला. दुखापतींमुळे त्याचा मृत्यू झाला.

दिल्ली सरकारकडून मुलांना दाखवला जाणार ‘Tanvi The Great’ चित्रपट, मुख्यमंत्र्यांनी दिला आदेश

अभिनेता विशालने त्यांना धाडसी म्हटले
तमिळ अभिनेता विशालने स्टंटमॅन एसएम राजू यांच्या निधनाबद्दल दुःख आणि शोक व्यक्त केला. विशालने इस्टाग्रामवरील पोस्टमध्ये राजू यांना एक धाडसी व्यक्ती म्हणून वर्णन केले आणि लिहिले की, “जॅमी आणि रणजीत यांच्या चित्रपटासाठी कार उलटण्याचा सीन करताना स्टंट कलाकार राजू यांचे आज सकाळी निधन झाले यावर विश्वास ठेवणे कठीण आहे. मी राजूला इतक्या वर्षांपासून ओळखतो आणि त्याने माझ्या चित्रपटांमध्ये वारंवार अनेक धोकादायक स्टंट केले आहेत. तो खूप धाडसी व्यक्ती आहे. त्याच्याबद्दल माझ्या मनापासून सहानुभूती आहे. त्याच्या आत्म्याला शांती लाभो. देव त्याच्या कुटुंबाला हे दुःख सहन करण्याची शक्ती देवो.” असे लिहून अभिनेत्याने शोक व्यक्त केला आहे.

Stunt master SM Raju dies while performing high-risk car toppling stunt during film shoot in TN.

Sad! These’re REAL unsung heroes who perform dangerous stunts for so-called Superstars who can’t even ride a horse for 15 minutes. For that, they either get meagre payments or de@th. pic.twitter.com/oRZRz4MuIW

— BhikuMhatre (@MumbaichaDon) July 14, 2025

विशालने कुटुंबाला मदतीचे आश्वासन दिले
अभिनेता विशालने त्याच्या पोस्टमध्ये पुढे लिहिले की, ‘फक्त या ट्विटपुरते मर्यादित नाही, तर त्याच चित्रपटसृष्टीतील असल्याने आणि इतक्या चित्रपटांमध्ये त्याच्या योगदानामुळे, मी त्याच्या कुटुंबाच्या भविष्यासाठी नक्कीच तिथे असेन. मनापासून आणि माझे कर्तव्य मानून, मी त्याला माझा पाठिंबा देतो. देव त्याला आशीर्वाद देवो.’ असे म्हणून अभिनेत्याने त्याच्या कुटुंबासाठी हात पुढे केला आहे.

तमिळ अभिनेत्री B. Saroja Devi यांचे निधन, वयाच्या ८७ व्या वर्षी घेतला अखेरचा श्वास

स्टंट कोरिओग्राफर सिल्वा यांनी व्यक्त केले दुःख
विशाल व्यतिरिक्त, स्टंट कोरिओग्राफर सिल्वा यांनी त्यांच्या इस्टाग्राम हँडलवर एका पोस्टद्वारे राजूच्या कुटुंबाप्रती शोक व्यक्त केला. त्यांच्या पोस्टमध्ये त्यांनी लिहिले की, “आमच्या महान कार जंपिंग स्टंट कलाकारांपैकी एक एसएम राजू यांचे आज कार स्टंट करताना निधन झाले. आमचे स्टंट युनियन आणि भारतीय चित्रपट उद्योग त्यांची आठवण काढेल.”

Web Title: Stuntman sm raju dies during shooting stunt scene actor vishal pays tribute and promise to help his family

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com