“…आणि हे घडलं”, ‘महाराष्ट्राची हास्यजत्रा’ फेम शिवाली परबची ‘ती’ इन्स्टा पोस्ट चर्चेत

कायमच आपल्या भूमिकेने चर्चेत राहणारी शिवाली तिच्या अपकमिंग प्रोजेक्टमधून गंभीर भूमिकेतून प्रेक्षकांच्या भेटीला येणार आहे. काही तासांपूर्वीच शिवालीने इन्स्टाग्रामवर एक पोस्ट शेअर केली आहे.

“…आणि हे घडलं”, ‘महाराष्ट्राची हास्यजत्रा’ फेम शिवाली परबची ‘ती’ इन्स्टा पोस्ट चर्चेत

Follow Us:

Follow Us:

अभिनेत्री शिवाली परब हिला ‘महाराष्ट्राची हास्यजत्रा’ने महाराष्ट्रातल्या घराघरांत प्रसिद्धी दिली आहे. ‘कल्याणची चुलबूली’ म्हणून प्रसिद्धी मिळालेली शिवाली आता लवकरच एका नव्या चित्रपटाच्या आणि नाटकाच्या माध्यमातून प्रेक्षकांच्या भेटीला येणार आहे. शिवालीने आपल्या कॉमेडीच्या जोरावर प्रेक्षकांच्या मनावर राज्य केले आहे. कायमच आपल्या भूमिकेने चर्चेत राहणारी शिवाली तिच्या अपकमिंग प्रोजेक्टमधून गंभीर भूमिकेतून प्रेक्षकांच्या भेटीला येणार आहे. काही तासांपूर्वीच शिवालीने इन्स्टाग्रामवर एक पोस्ट शेअर केली आहे. तिने शेअर केलेल्या पोस्टने सगळ्यांचंच लक्ष वेधलं आहे.

प्रेमाचा बहर आणि हशांचा पाऊस करणार रंगमंच ‘हाऊसफुल’, नाटकाचा पहिला प्रयोग कधी होणार ?

 

View this post on Instagram

 

A post shared by Shivali Parab (@parabshivali)

शिवाली परब लवकरच ‘मंगला’ चित्रपटातून प्रेक्षकांच्या भेटीला येणार आहे. गेल्या काही दिवसांपूर्वीच तिच्या नव्या चित्रपटाची सोशल मीडियावर जोरदार चर्चा होत आहे. तिने या चित्रपटाबद्दलच खास इन्स्टा पोस्ट शेअर केली आहे. शेअर केलेल्या पोस्टमध्ये शिवाली म्हणते, “आणि हे घडलं… प्रत्येक कलाकाराचं स्वप्न असतं, आपल्याला एक भूमिका अशी मिळावी ज्यात शीर्षक भूमिका (title role) आपण करावी आणि माझ्याबरोबर हे घडलं…इतके कमालीचे कलाकार आणि पहिलाच अनुभव शशांक शेंडे आणि अलका कुबल या दिग्गज कलाकारांबरोबर मिळाला… अपर्णा हॉसिंग तुम्ही माझ्यावर विश्वास दाखवलात त्याबद्दल मनापासून आभार… या सिनेमाची महत्त्वाची गोष्ट म्हणजे प्रोस्थेटिक मेकअप… संजय सिंह यांनी खूप कमाल मेकअप केलाय… येत्या १७ जानेवारी २०२५ ला ‘मंगला’ हा आमचा चित्रपट येतोय … प्रेक्षकांना विनंती करते की मराठी चित्रपट आहे, सत्यघटनेवर आधारित आहे, नक्की सिनेमागृहात जाऊन हा चित्रपट बघा.”

करीन कपूरनंतर ‘स्पिरिट’मध्ये या सुंदर अभिनेत्रीची एंट्री, प्रभाससह दिसणार मुख्य भूमिकेत!

सत्य घटनेवर आधारित असलेल्या ‘मंगला’ चित्रपटात अभिनेत्री शिवाली परब प्रमुख भूमिकेत झळकणार आहे. चित्रपटात शिवालीसह शशांश शेंडे, अलका कुबलही प्रमुख भूमिकेत दिसणार आहेत. चित्रपटात सुप्रसिद्ध गायिकेचा जीवनप्रवास पाहायला मिळणार आहे. चित्रपटात शिवाली परब चेहऱ्यावर अ‍ॅसिड हल्ला झालेल्या मंगलाच्या भूमिकेत दिसणार आहे. १७ जानेवारी २०२५ रोजी ‘मंगला’ चित्रपट प्रदर्शित होणार आहे. शिवाली परबच्या कामाविषयी सांगायचं तर, ‘महाराष्ट्राची हास्यजत्रा’कार्यक्रमासोबतच ती इतरही प्रोजेक्ट अगदी उत्तम पद्धतीने सांभाळतेय. लवकरच अभिनेत्री मराठी रंगभूमीवर पाऊल ठेवणार आहे. प्रसाद खांडेकर लिखित, दिग्दर्शित ‘थेट तुमच्या घरातून’ या नाटकाच्या माध्यमातून शिवाली रंगभूमीवर पदार्पण करत आहे. नाटकात प्रमुख भूमिकेत शिवालीसोबत प्रसाद खांडेकर, ओंकार राऊत, भक्ती देसाई, प्रथमेश शिवलकर आणि नम्रता संभेराव पाहायला मिळणार आहे. २१ डिसेंबरपासून हे नाटक रंगभूमीवर येणार आहे.

Web Title: Maharashtrachi hasyajatra fame actress shivali parab shared mangala movie special post

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com