बुधवार, 4 नोव्हेंबर 2026
Chess Championship : राष्ट्रकुल पदकविजेत्या मायशाची विजयी चाल; राज्य शालेय बुद्धिबळ स्पर्धेत मानांकितांची सलामी
एसबीआय लाइफ महाराष्ट्र राज्य शालेय बुद्धिबळ अजिंक्यपद स्पर्धेत (Chess Championship) अग्रमानांकित बुद्धिबळपटूंनी पहिल्याच फेरीत आपले वर्चस्व सिद्ध केले. राष्ट्रकुल बुद्धिबळ स्पर्धेत दोन सुवर्ण आणि एका रौप्यपदकाची कमाई करणाऱ्या मायशा परवेझने विजयी सलामी देत स्पर्धेत दमदार सुरुवात केली. त्यामुळे यंदाच्या स्पर्धेत तिच्या कामगिरीकडे सर्वांचे लक्ष लागले आहे.
दहिसर पश्चिम येथील रुस्तमजी केंब्रिज इंटरनॅशनल स्कूलमध्ये या स्पर्धेला सुरुवात झाली. सात, 11 आणि 15 वर्षांखालील मुला-मुलींच्या अशा सहा गटांत एकूण 417 बुद्धिबळपटू सहभागी झाले आहेत. इंडियन चेस स्कूल आयोजित ही सात फेऱ्यांची स्पर्धा 6 नोव्हेंबरपर्यंत रंगणार आहे.
15 वर्षांखालील मुलींच्या गटात अव्वल मानांकित एएफएम मायशा परवेझ (1991) हिने अनन्या जयदीप धमालवर सहज मात केली. सी. पी. गोएंका इंटरनॅशनल स्कूलचे प्रतिनिधित्व करणाऱ्या मायशाने विजयासह स्पर्धेतील आपले आव्हान मजबूत केले. याच गटात प्रणिता भावा आणि खानक पहारिया यांनीही विजय नोंदवले.
15 वर्षांखालील मुलांच्या गटात समविद पासबोला, विहान अग्रवाल आणि रायन मर्चंट यांनी प्रतिस्पर्ध्यांवर मात करत विजयी सुरुवात केली.
11 वर्षांखालील मुलांच्या गटात यजमान शाळेचा अव्वल मानांकित लक्ष दिघे, तर मुलींच्या गटात त्वेषा जैन यांच्याकडून चांगल्या कामगिरीची अपेक्षा आहे. सात वर्षांखालील गटात इवान दुबे आणि लिया कृष्णन यांना अग्रमानांकन मिळाले आहे.
काही अनपेक्षित निकाल आणि बरोबरीचे डाव वगळता पहिल्या फेरीत मानांकित खेळाडूंचाच दबदबा राहिला. आंतरराष्ट्रीय पंच पी. बी. भिलारे यांच्या मार्गदर्शनाखाली स्पर्धा सुरू आहे. दुसऱ्या फेरीत आघाडीच्या बुद्धिबळपटूंची खरी कसोटी लागणार असून, पुढील फेऱ्यांतील चुरस वाढण्याची शक्यता आहे.
Cricket News: पुणे कॉर्पोरेट क्लॅशमध्ये TCS चा चौकार! सलग चौथ्या विजयासह स्पर्धेत दबदबा कायम
Ans: राष्ट्रकुल बुद्धिबळ स्पर्धेत दोन सुवर्ण आणि एका रौप्यपदकाची कमाई करणाऱ्या मायशा परवेझने विजयी सुरुवात केली.
Ans: मायशाने 15 वर्षांखालील मुलींच्या गटात अनन्या जयदीप धमालवर मात केली.
Ans: दहिसर पश्चिम येथील रुस्तमजी केंब्रिज इंटरनॅशनल स्कूलमध्ये स्पर्धेचे आयोजन करण्यात आले आहे.
