Dahavi-A: ‘आठवी अ’च्या यशानंतर ‘दहावी अ’चा सिरीजचा ट्रेलर; ‘इट्स मज्जा’ पुन्हा एकदा प्रेक्षकांचं करणार मनोरंजन!

शाळेच्या महत्त्वाच्या वर्षाच्या आठवणींचा कॅलिडोस्कोप "दहावी - अ" या सिरीजमध्ये दिसून येणार आहे. तसेच या मालिकेचा निर्मात्यांनी ट्रेलर लाँच केला आहे. या ट्रेलर लाँच सभारंभात या मालिकेतील प्रत्येक कलाकार सहभागी होते.

फोटो सौजन्य - Social Media

Follow Us:

Follow Us:

दहावीचं वर्ष सगळ्यात खास आणि लक्षात राहाणारं वर्ष असतं. पुढच्या शैक्षणिक भविष्याची पायाभरणी ठरणारे दहावीचे वर्ष मंतरलेल्या दिवसांची साठवण असते. अभ्यासाइतकीच विद्यार्थ्यांच्या शालेय जीवनातील अविस्मरणीय गमती-जमतीचं चित्रण असणाऱ्या ‘मीडिया वन सोल्युशन्स’ प्रस्तुत, ‘इट्स मज्जा’ आणि ‘कोरी पाटी’ प्रॉडक्शनच्या “दहावी अ” या नव्या -कोऱ्या सीरीजचा ट्रेलर लाँच सोहळा नुकताच साताऱ्यातील शाहू कलामंदिरमध्ये पार पडला. ‘इट्स मज्जा’चे शौरीन दत्ता, क्रिएटिव्ह हेड अंकिता लोखंडे, सीरिज दिग्दर्शक नितीन पवार आणि मुख्य कलाकारांच्या उपस्थितीत हा खास सोहळा पार पडला. ‘आठवी अ’ या सिरिजचा चाहता वर्ग मोठ्या संख्येने उपस्थित होता.

२०२४ मधील निर्माता आणि अभिनेता स्वप्नील जोशीचे हे दोन चित्रपट ठरले हाययेस्ट ग्रोसिग फिल्म!

”दहावी अ’’ चे निर्माते शौरीन दत्ता यांनी सांगितले की, “गेले वर्षभर आम्ही “पाऊस”, “आठवी अ” तयार करण्यात व्यस्त होतो. “आठवी अ” च्या २५ व्या भागानंतर पुढे काय याची उत्सुकता प्रेक्षकांना लागून राहिली होती. तर त्याचे उत्तर आहे “दहावी अ” या नव्या सीरिजलासुद्धा प्रेक्षकांचे प्रेम लाभणार याची खात्री आहे. येणाऱ्या भविष्यात आमचे ‘इट्स मज्जा’ हे चॅनेल महाराष्ट्राच्या मातीशी जोडणाऱ्या आशयाने समृद्ध अशा कलाकृतींची निर्मिती करणार आहे.” असे त्यांनी सांगितले.

सायली आणि विशालच्या नात्यात पाहायला मिळणार नवा ट्विस्ट, ‘इट्स मज्जा’ने ‘पाऊस’ वेबसिरीज केली रिलीज!

‘दहावी अ’मध्ये अथर्व अधाटे, सृष्टी दणाणे, ओम पानसकर, संयोगिता चौधरी, श्रेयश कटके, सत्यजित होमकर आणि रुद्र इनामदार या कलाकारांचा अभिनय चाहत्यांना पाहायला मिळणार आहे. या कलाकारांची उपस्थिती ट्रेलर लाँच सोहळ्यास लाभली होती. ट्रेलर लाँच सोहळ्याचे सूत्रसंचालन लोकप्रिय आर.जे. बंड्याने यांनी केले होते. या नवीन वर्षात येत्या ६ जानेवारी पासून सोमवारी आणि गुरुवारी दुपारी १.३० वाजता ‘इट्स मज्जा’च्या युट्यूब चॅनेलवर ‘दहावी अ’ प्रेक्षकांना पाहता येणार आहे. या सिरीजची कथा जाणून घेण्यासाठी चाहते देखील उत्सुक आहेत.

Web Title: After the success of aathvi a the trailer of the series dahavi a its majja will once again entertain the audience

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com