गुरुवार, 22 ऑक्टोबर 2026
(फोटो सौजन्य- इन्स्टाग्राम)
अभिनयानंतर आता मनोज वाजपेयी राजकारणाच्या मार्गावर? अभिनेत्याने व्हायरल व्हिडिओमागील सांगितले सत्य
‘झी 5 मराठी’ ओरिजनल अंतर्गत लवकरच प्रेक्षकांच्या भेटीला येत असलेल्या डिटेक्टिव धनंजय या वेब सिरीजमध्ये आदिनाथ एका डिटेक्टिवच्या भूमिकेत दिसणार आहे. सोबतीला आदिनाथ या नव्या वेब सीरिजसाठी अभिनेता आणि निर्माता या दोन्ही भूमिका बजावणार आहे. ही वेब सिरीज पाहण्यासाठी चाहते उत्सुक आहेत. तसेच त्याची कथा आणि संपूर्ण स्टारकास्ट जाणून घेण्यासाठी ते आतुर आहेत.
View this post on Instagram
मराठी इंडस्ट्री मधली दोन मोठ्या निर्मिती संस्था एकत्र येऊन “डिटेक्टिव धनंजय” या वेब सीरिजची निर्मिती करणार असून श्रीरंग गोडबोले यांची इंडियन मॅजिक आय आणि आदिनाथ कोठारेची स्टोरीटेलर्स नुक प्रायव्हेट लिमिटेड या दोन बड्या निर्मिती संस्थांच्या माध्यमातून याची निर्मिती होणार आहे. कादंबरीकार बाबूराव अर्नाळकर यांचं धनंजय हे पात्र या वेब शो मधून उलगडणार आहे. आदिनाथची हटके नजर आणि त्याचे डिटेक्टिव स्किल्स यातून उलगडणार का? हे बघण उत्सुकतेच ठरणार आहे.
एकीकडे अभिनेता म्हणून सुरू असलेला आदिनाथचा प्रवास तर दुहेरी भूमिका बजावत कायम उत्तम कलाकृतीची निर्मिती करून प्रेक्षकांना वैविध्यपूर्ण प्रोजेक्ट्स देणारा हा अभिनेता आणखी काय नवनवीन घेऊन येणार हे जाणून घेण्यासाठी चाहते उत्सुक आहेत. येणाऱ्या काळात देखील आदिनाथ रामायण, गांधी सारख्या अनेक बड्या बॉलीवूड प्रोजेक्ट्सचा मोठा भाग होणार आहे.
आदिनाथच्या कामाबद्दल बोलायचं झालं तर, तो आगामी चित्रपट ‘गांधी’, ‘रामायण’ आणि अश्या अनेक उत्कंठावर्धक बॉलीवूड प्रोजेक्ट्समध्ये दिसणार आहे. सोबतीला स्वतःची निर्मिती असलेल्या “झपाटलेला 3” आणि दिग्दर्शन असलेल्या “जय मल्हार” सारख्या चित्रपटातून प्रेक्षकांचं मनोरंजन करणार आहे. अभिनेत्याचे हे सगळे आगामी प्रोजेक्ट्स पाहण्यासाठी चाहते उत्सुक आहेत.
