प्रथमेश परबचा जबरदस्त कमबॅक! ‘गोट्या गँगस्टर’ मध्ये साकारणार अनोखी भूमिका, चित्रपटाचा टीझर लाँच

सध्या मराठी चित्रपटाची चर्चा सर्वत्र सुरु आहे. भरपूर मनोरंजन करणारे चित्रपट सिनेमागृहात प्रदर्शित होत आहेत. अशातच आता आणखी एक मराठी चित्रपट रिलीज होणार आहे, ज्यामध्ये प्रथमेश परब मुख्य भूमिकेत दिसत आहे.

• ‘गोट्या गँगस्टर’ मध्ये प्रथमेश परब साकारणार भूमिका
• ‘गोट्या गँगस्टर’ चित्रपटाचा टीझर लाँच
• ‘गोट्या गँगस्टर’ कधी होणार प्रदर्शित

 

प्रथमेश परब आता लवकरच ‘गोट्या गँगस्टर’ या मराठी चित्रपटातून कमबॅक करत आहे. अनेक दिवसांनी अभिनेता पुन्हा सिनेमागृहात झळकणार आहे. राष्ट्रीय पुरस्कार प्राप्त दिग्दर्शक दिवंगत राजेश पिंजानी यांचा अखेरचा चित्रपट ‘गोट्या गँगस्टर’ या चित्रपटाचा अनोखा टीझर लाँच करण्यात आला आहे. अवधूत गुप्ते यांच्या आवाजातील गोट्या भाय या गाण्यावरचा हा टीझर लक्षवेधी असून, नाताळच्या सुट्टीत २६ डिसेंबर रोजी हा चित्रपट प्रदर्शित होणार आहे.

Bigg Boss 19 : फिनालेमध्ये धर्मेंद्रची आठवण काढल्यानंतर सलमान खानचे अश्रू अनावर, भाईजान टीव्हीवर ढसाढसा रडला

अन्नपूर्णा प्रॉडक्शन्स निर्मित गोट्या गँगस्टर या चित्रपटाची निर्मिती अन्नपूर्णा बिरादार, राजेश्री बिरादार, संदीप बिरादार आहेत, तर चित्रपटाची प्रस्तुतकर्ता आणि सहनिर्माता ऋतुजा पाटील, शिव लोखंडे आहेत तसेच अससोसिएट निर्माता शिवाकांत तिवारी आहेत. राजेश पिंजानी यांनी लेखन दिग्दर्शन केलेल्या या चित्रपटात उत्तम स्टारकास्ट पाहायला मिळणार आहे. प्रवीण तरडे, प्रथमेश परब, डॉ. मोहन आगाशे, श्रीकांत यादव, अश्विनी गिरी, भूषण मंजुळे, विनोद वणवे, ऐश्वर्या शिंदे यांच्या या चित्रपटात प्रमुख भूमिका आहेत.

 

मायानगरी मुंबईतील एका चाळीत राहणाऱ्या तीन मित्रांची गोष्ट गोट्या गँगस्टर या चित्रपटांतून उलगडणार आहे. आयुष्यात घडणाऱ्या काही घटनांमुळे त्या तिघांवर किडनॅपिंग करण्याची वेळ येते. त्या दरम्यान, काही वर्षांपूर्वी मुंबई सोडून थेट दुबईला पळून गेलेला डॉन चिमण भाई अचानक मुंबईत परततो. आणि त्यानंतर सुरू होतात विनोदी प्रसंग, भन्नाट संवाद आणि न संपणारी धमाल या चित्रपटात आहे. त्यामुळे मनोरंजक कथानक, खुसखुशीत संवाद, दमदार दिग्दर्शन, उत्तम अभिनय या चित्रपटात पहायला मिळणार आहे.

“हळूहळू आयुष्याचे तुकडे…”, Dharmendra यांच्या वाढदिवसानिमित्त हेमा मालिनी यांचे भावनिक पत्र; म्हणाल्या, ”आयुष्य पुन्हा…”

बाबू बँड बाजा या राष्ट्रीय पुरस्कार प्राप्त चित्रपटाचं दिग्दर्शन राजेश पिंजानी यांनी केलं होतं. पहिल्याच चित्रपटासाठी राष्ट्रीय पुरस्कार मिळवल्यानंतर त्यांच्याकडून आणखी उत्तमोत्तम चित्रपटांची अपेक्षा होती. त्यांनी गोट्या गँगस्टर चित्रपट दिग्दर्शित केला. मात्र, त्यांचं अकाली निधन झाले आहे. त्यामुळे आता त्यांचा शेवटचाच चित्रपट ठरलेला गोट्या गँगस्टर आता २६ डिसेंबरला प्रदर्शित होत आहे. हा चित्रपट आता प्रेक्षकांसाठी लवकरच प्रदर्शित होणार आहे.