‘असंभव’ चित्रपटात मुक्ता बर्वेनंतर नव्या अभिनेत्रीची एन्ट्री, सचित पाटिलसोबत करणार पहिल्यांदाच काम!

मराठीतला आगामी सिनेमा ‘असंभव’ शुटिंग सध्या नैनीतालमध्ये सुरू आहे. या चित्रपटात मुक्ता बर्वे आणि सचित पाटील हे दोघं मुख्य भूमिकेत आहे. मात्र या सिनेमात आता आणखी एक नवा चेहरा प्रेक्षकांच्या भेटिस आला आहे.

(फोटो सौजन्य - सोशल मीडिया)

Follow Us:

Follow Us:

मराठीतील नामंवत कलाकार सचित पाटील, मुक्ता बर्वे पहिल्यांदाच एकत्र मोठ्या पडद्यावर काम करताना दिसणार आहेत. नुकताच या दोघांचा आगामी चित्रपट ‘असंभव’ चा मुहूर्त नैनीताल येथे यशस्वीरीत्या पार पडला आहे. हा चित्रपट येत्या १ मे २०२५ ला महाराष्ट्र दिनाच्या दिवशी प्रदर्शित होणार आहे. हा चित्रपट पाहण्यासाठी चाहते खूप उत्सुक आहेत. तसेच या चित्रपटामध्ये आणखी एका मराठी अभिनेत्रीची एन्ट्री होणार आहे.

‘असंभव’ या सिनेमामध्ये कोणत्या नव्या चेह-याची एन्ट्री होणार आहे. हा प्रश्न आता चाहत्यांना पडला आहे. खरंतर ही व्यक्ती मुक्ता बर्वेची लाडकी मैत्रिण असून पहिल्यादांच सचित पाटिलसोबत काम करताना झळकणार आहे. ही व्यक्ती दुसरी तिसरी कोण नसून अभिनेत्री प्रिया बापट आहे. या सिनेमात आता प्रिया बापटच देखिल नाव जोडलं गेलं आहे. २०१८ ला ‘आम्ही दोघी’ या चित्रपटनंतर आता पुन्हा एकदा मुक्ता बर्वे आणि प्रिया बापटचा अभिनय प्रेक्षकांना आगामी सिनेमा ‘असंभव’मध्ये अनुभवायला मिळणार आहे.

 

View this post on Instagram

 

A post shared by Priya Bapat (@priyabapat)

सादगी और शानो-शौकत का मेल हो तुम; काले रंग में चाँदनी का खेल हो तुम…

सध्या तरी सोशल मिडियावर प्रिया बापटच्या एन्ट्रीचा व्हिडिओ चांगलाच चर्चेत आला आहे. या व्हिडिओमध्ये दिग्दर्शक पुष्कर श्रोत्री ‘वो आगायी वो आगायी…’ असं म्हणत एक रोमाँन्टिक म्युझिक प्ले होत आणि प्रिया पळत जाऊन मुक्ताला मिठी मारताना दिसत आहे. प्रियाने आपल्या सोशल मिडियावर हा व्हिडिओ शेअर करत पोस्टमध्ये लिहिलं आहे की, ती पहिल्यांदाच सचित पाटिलसोबत काम करत आहे. ‘असंभव’ या सिनेमामूळे नितीन प्रकाश वैद्य, सचित पाटील यांची मुंबई-पुणे एंटरटेनमेंट आणि शर्मिष्ठा राऊत, तेजस देसाई यांची एरिकॉन टेलिफिल्मस या दोन्ही निर्मिती संस्था पहिल्यांदाच एकत्र आल्या आहेत.

वळू ‘नाळ’, ‘गच्ची’, ‘अलिबाबा’ आणि ‘चाळीशीतले चोर’ ते ‘लाईक आणि सबस्क्राईब’ अशा वेगळ्या धाटणीच्या चित्रपटांच्या निर्मितीचा अनुभव गाठीशी असलेल्या नितीन प्रकाश वैद्य यांची भक्कम साथ या आगामी सिनेमाला लाभणार आहे. ‘क्षणभर विश्रांती’ आणि ‘साडे माडे तीन’ या यशस्वी चित्रपटांच्या दिग्दर्शनानंतर अभिनेता सचित पाटील निर्मिती क्षेत्रात पदार्पण करत आहे. तसेच निर्माते शर्मिष्ठा राऊत आणि तेजस देसाई यांचा ‘नाच गं घुमा’ या चित्रपटाच्या यशानंतर हे ‘असंभव’ चित्रपट प्रेक्षकांच्या भेटीस घेऊन येत आहे. ‘नाच गं घुमा’ नंतर आता या चित्रपटापासून चाहत्यांना खूप आशा आहे.

महाकुंभमेळ्यात ‘या’ मराठमोळ्या अभिनेत्याने केलं शाही स्नान; म्हणाला “जोवर तो बोलवत नाही तोवर…”

याचदरम्यान ‘हाय काय नाय काय’, ‘उबुंटू’ या सिनेमानंतर आता दिग्दर्शक आणि अभिनेते पुष्कर श्रोत्री ‘असंभव’ या सिनेमाचं देखिल दिग्दर्शन करत आहेत. हा चित्रपट पाहण्यासाठी आता चाहते खूप उत्सुक आहेत. या चित्रपटाची कथा आणि स्टारकास्ट अजूनही समोर आलेली नसून, हे जाणून घेण्यासाठी चाहते खूप उत्सुक आहेत. प्रेक्षकांसाठी हा चित्रपट एक मनोरंजनाचे नवे साधन ठरणार आहे.

मुक्ता बर्वे आणि सचित पाटील हे मोठे कलाकार पहिल्यांदाच एकत्र काम करताना दिसणार आहे. यांना पाहण्यासाठी चाहते आतुर आहेत. इतक्या ताकदवर कलाकारांना एकत्र आणणारा ‘असंभव’ हा चित्रपट रहस्यपट आहे की थरारपट? ही पूर्णतः नवीन विषयावरची कलाकृतीं आहे की एखाद्या जुन्याच विषयाशी याचे धागेदोरे जुळतायेत? या सगळया प्रश्नांच्या उत्तरांसह या चित्रपटात नेमकं काय पाहायला मिळणार हे अद्याप गुलदस्त्यात आहे.

Web Title: Priya bapat will now make her entry in the marathi film asambhav

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com