गुरुवार, 20 ऑगस्ट 2026
श्रावण महिन्याला सुरुवात झाल्यानंतर मोठ्या आनंद आणि उत्साहात नव्या नवरीची मंगळागौर साजरा केली जाते. मंगळागौरीच्या दिवशी देवी पार्वतीची पूजा करून वैवाहिक जीवनात सुख, सौख्य आणि दीर्घायुष्याची प्रार्थना केली जाते. मंगळागौरीचे व्रत केल्यामुळे नव दाम्पत्याला सुख-समृद्धी लाभते आणि घरातील अडचणी दूर होतात, असे मानले जाते. तसेच हिंदू धर्मात येणाऱ्या प्रत्येक सणांना विशेष महत्व आहे. त्यामुळे मंगळागौरीला नऊवारी साडी परिधान केल्यानंतर हे मराठमोळे दागिने नक्की ट्राय करा. यामुळे तुमचा लुक इतरांपेक्षा हटके आणि सुंदर दिसेल.(फोटो सौजन्य – pinterest)
मंगळागौरीला नऊवारी साडीवर परिधान करा 'हे' मराठमोळे पारंपरिक दागिने, दिसेल घरंदाज लुक
पारंपरिक दागिन्यांमधील पहिला दागिना म्हणजे ठुशी. कोणत्याही सहावारी किंवा नऊवारी साडीवर ठुशी दागिना अतिशय उठावदार दिसतो. गळ्याभोवती घातलेला नाजूक दागिना संपूर्ण लुकची शोभा वाढवतो.
नऊवारी साडी नेसल्यानंतर गळ्यात ठसठशीत दागिना हवा असल्यास कोल्हापुरी साज परिधान करू शकता. हा दागिना परिधान केल्यानंतर इतर कोणत्याही दागिन्यांची आवश्यकता भासणार नाही.
नऊवारी साडीवर अनेकांना मोत्याचे दागिने घालायला खूप जास्त आवडतात. मोत्याची चिंचपेटी, तन्मणी आणि सुंदर मोत्याचे कानातले लुक आणखीनच हटके करेल.
नाजूक फुलांची डिझाईन असलेला बकुळी हार सध्या ट्रेडींगला आहे. हा हार कोणत्याही साडीवर शोभून दिसतो. यामध्ये तुम्ही शॉर्ट किंवा लॉंगमध्ये बकुळी हार खरेदी करू शकता.
नऊवारी लुक परिपूर्ण करण्यासाठी नाकात नथ आणि कपाळावर चंद्रकोर लावल्यास लुक पारंपारिक दिसेल.
