शुक्रवार, 30 ऑक्टोबर 2026
Health Tips: जेवणानंतर रक्तातील साखरेची पातळी वाढणे हे मधुमेह असणाऱ्या व्यक्तींसमोर मोठे आव्हान असते. मात्र आहारामध्ये हिरव्या भाज्यांचा समावेश करून ही समस्या दूर होऊ शकते. मधुमेह असणाऱ्या रुग्णांनी कोणत्या भाज्या खाव्यात जाणून घ्या
मधुमेह असलेल्या रुग्णांनी खा या भाज्या
मोहरीच्या भाजीमध्ये जीवनसत्वे, खनिजे आणि फायबरने समृद्ध असते. यामध्ये बी1, बी3 आणि बी6 यांसारख्या भरपूर बी जीवनसत्वांचा स्त्रोत आहे. या भाजीमुळे मधुमेह असलेल्या रुग्णांना लगेच रक्तातील साखरेची पातळी वाढण्याचा धोका कमी असतो.
वर्षभर उपलब्ध असणारी पालक. यामध्ये लोह, विटॅमीन ए, फायबर, फोलेट, कॅल्शिअम आणि विटॅमीन सी असल्याने ते आरोग्यासाठी फायदेशीर मानले जाते. मधुमेह असलेल्यांनी पालकाची भाजी, सूप, पराठा याप्रकारे आहारात समावेश करू शकता.
राजगिरा ही एक पौष्टिक पालेभाजी आहे. या भाजीत जीवनसत्वे, खनिजे आणि अॅण्टीऑक्सीड्टस भरपूर प्रमाणात असतात. या भाजीचे सेवन केल्याने रक्तातील साखरेची पातळी नियंत्रित राहण्यास मदत होते. राजगिऱ्याची भाजी किंवा पराठे याचा देखील आहारात समावेश करता येतो.
हिवाळ्यात मिळणारी पालेभाजी म्हणजे बथुआ. या भाजीमध्ये फायबर, जीवनसत्वे आणि कॅल्शिअमसारखी खनिजे असतात. बथुआमध्ये फायबरचे प्रमाण चांगले असते. रक्तातील साखरेची पातळी कमी करणारे घटक बथुआ भाजीमध्ये असतात.
ब्रोकोलीमध्ये 'सल्फोसाफेन' नावाचे संयुग असते, जे मधुमेहामुळे होणाऱ्या रक्तवाहिन्यांच्या नुकसानीपासून शरीराचे रक्षण करते. तसेच यामुळे शरीरातील इन्सुलिनचे प्रमाण सुधारते.
