शुक्रवार, 30 ऑक्टोबर 2026
पुणे-सोलापूर महामार्गावर भीषण दुर्घटना; मातीच्या ढिगाऱ्याखाली दबून मजुराचा मृत्यू, एक जखमी
महामार्गालगत संरक्षण भिंतीचे बांधकाम सुरू असताना अचानक माती आणि डबराचा मोठा ढिगारा कोसळला. त्यावेळी घटनास्थळी सहा कामगार उपस्थित होते. त्यापैकी तिघे चहा पिण्यासाठी गेले होते, तर उर्वरित कामगार बांधकामाच्या ठिकाणी काम करत होते. अचानक घडलेल्या या दुर्घटनेत दोन मजूर ढिगाऱ्याखाली गाडले गेले. क्षणात घटनास्थळी एकच धावपळ उडाली. सहकारी कामगार आणि स्थानिक नागरिकांनी प्रसंगावधान राखत तातडीने बचावकार्य सुरू केले. अथक प्रयत्नांनंतर एका मजुराला ढिगाऱ्याबाहेर काढण्यात यश आले.
प्रशासनाच्या माध्यमातून देखील बचाव कार्य सुरू होते. जखमी अवस्थेतील या मजुराला पुढील उपचारासाठी इंदापूर येथे पाठविण्यात आले. मात्र, दुसऱ्या मजुराला वाचविण्यात यश आले नाही.
या दुर्घटनेत मशरूबल शेख (वय २५) यांचा दुर्दैवी मृत्यू झाला, तर नरीम रियाज उद्दीन अख्तर (वय ३०) हे जखमी झाले आहेत. हे दोघेही पश्चिम बंगालमधील मालदा जिल्ह्यातील रहिवासी असल्याची माहिती समोर आली आहे. दरम्यान, या दुर्घटनेची माहिती मिळताच राज्याचे कृषिमंत्री दत्तात्रय भरणे यांनी घटनास्थळी भेट देऊन परिस्थितीची पाहणी केली आणि दुर्घटनेची माहिती घेतली. या घटनेमुळे महामार्ग परिसरात मोठी खळबळ उडाली असून, बांधकामस्थळांवरील कामगारांच्या सुरक्षेचा गंभीर प्रश्न पुन्हा ऐरणीवर आला आहे.
संरक्षण भिंतीचे बांधकाम सुरू असताना मातीचा एवढा मोठा ढिगारा अचानक कोसळण्यामागील नेमके कारण काय? कामगारांच्या सुरक्षेसाठी आवश्यक उपाययोजना करण्यात आल्या होत्या का? बांधकामस्थळी सुरक्षिततेच्या नियमांचे पालन केले जात होते का? असे अनेक प्रश्न उपस्थित होत आहेत.
या संपूर्ण दुर्घटनेची सखोल चौकशी करून जबाबदारी निश्चित करावी आणि महामार्गावरील सर्व बांधकामस्थळांवर कामगारांच्या सुरक्षेच्या उपाययोजनांची काटेकोर अंमलबजावणी करावी, अशी मागणी नागरिकांकडून होत आहे. विकासकामांच्या वेगापेक्षा कामगारांचे जीव अधिक महत्त्वाचे असल्याची जाणीव या दुर्घटनेने पुन्हा एकदा करून दिली आहे.
प्रवाशांच्या सुविधांमध्ये पुणे विमानतळ देशात अव्वल; 5 पैकी 4.98 गुणांसह पटकावला पहिला क्रमांक
Ans: पुणे जिल्ह्यातील इंदापूर तालुक्यातील राजवडी येथे पुणे-सोलापूर महामार्गावर ही दुर्घटना घडली.
Ans: महामार्गाच्या संरक्षण भिंतीचे काम सुरू असताना मातीचा ढिगारा कोसळून एका मजुराचा मृत्यू झाला, तर एक मजूर जखमी झाला.
Ans: राज्याचे कृषिमंत्री दत्तात्रय भरणे यांनी घटनास्थळी भेट देऊन दुर्घटनेची पाहणी केली.
