शनिवार, 17 ऑक्टोबर 2026
महाराष्ट्राची हास्यजत्रा मधून घराघरात पोहोचलेला आपला लाडका कलाकार गौरव मोरे. त्याच्या विनोदाने सगळे पोट धरून हसतात. पण सध्या तो कॉमेडीसाठी नाही तर एका वेगळ्याच कारणासाठी चर्चेत आला आहे. सोशल मीडियावर तो खूप अॅक्टिव्ह असतो, नेहमी काही ना काही पोस्ट करत असतो.
Gaurav More on Trolls : (फोटो सौजन्य- सोशलमीडिया)
काही दिवसांपूर्वी गौरवने आपल्या नव्या आयफोनसोबत एक फोटो टाकला होता. नवीन फोन घेतल्याचा आनंद त्याने चाहत्यांसोबत शेअर केला. पण काही लोकांनी त्या फोटोवर त्याला ट्रोल करायला सुरुवात केली. त्याच्या दिसण्यावरून घाण कमेंट केल्या. पण आपला गौरव शांत बसणाऱ्यांपैकी नाही, त्याने ट्रोलर्सला त्याच्याच भाषेत उत्तर दिले आणि चाहत्यांनी त्याला डोक्यावर घेतले.
गौरवने काही दिवसांपूर्वी इंस्टाग्रामवर नवीन आयफोनसोबतचा फोटो पोस्ट केला होता. हातात नवा फोन, चेहऱ्यावर हसू. कॅप्शनमध्ये त्याने नवीन फोन घेतल्याचा आनंद व्यक्त केला होता. चाहत्यांनी लाईक्सचा पाऊस पाडला.
या फोटोवर एका युजरने कमेंट केली - "बाळा फेसवॉशवर पैसे खर्च करायचे याच्यावर नाही". म्हणजे फोनपेक्षा तू चेहरा साफ कर असा टोमणा त्याने मारला. ही कमेंट बघून अनेकांना राग आला.
गौरवने ही कमेंट वाचून सोडून दिली नाही. त्याने त्याच भाषेत उत्तर दिले. तो म्हणाला, "मेरा चेहरा ही काफ़ी हैं, मला फेसवॉशची गरज नाही बाकी तू चेहरा साफ करत बस". हे उत्तर वाचून त्याचे चाहते खुश झाले. ट्रोलरची चांगलीच बोलती बंद झाली.
या कमेंटवर पण गौरवने भारी उत्तर दिले. तो म्हणाला, "तू फक्त फोन आणि चेहराच बघितलाय". म्हणजे माझ्या कामाकडे बघ, माझ्या मेहनतीकडे बघ, फक्त दिसण्यावरून जज करू नकोस. त्याच्या या उत्तराचे सगळीकडे कौतुक होत आहे.
गौरवने जशास तसे उत्तर दिल्यामुळे त्याच्या चाहत्यांनी त्याला पूर्ण पाठिंबा दिला आहे. कॉमेंट बॉक्समध्ये चाहते म्हणत आहेत की, "भावा तू भिडूच आहेस", "ट्रोलर्सना असेच उत्तर द्यायला पाहिजे". महाराष्ट्राची हास्यजत्राचा हा कलाकार नेहमीच दिलखुलास आहे. तो कधीच कोणाला घाबरत नाही. दिसण्यावरून ट्रोल करणे किती चुकीचे आहे, हे त्याने दाखवून दिले.
