लग्नाची खरेदी १ ते २ महिने आधीपासूनच केली जाते. लग्नात कोणती साडी नेसावी? असा प्रश्न सगळ्यांचं मुलांना पडतो. रिसेप्शन, मेहंदी, साखरपूडा इत्यादी अनेक कार्यक्रमांना डिझायनर साडी, लेहेंगा पैठणी इत्यादी वेगवेगळ्या प्रकारचे कपडे परिधान केले जातात. लग्नात कितीही महागडे कपडे घेतले तरीसुद्धा सगळ्यांना साडी पारंपारिकच हवी असते. त्यामुळे आज आम्ही तुम्हाला लग्नसराईसाठी पारंपरिक साड्यांच्या काही सुंदर डिझाईन्स सांगणार आहोत. या प्रकारच्या साड्या लग्नात पारंपरिक मराठमोळा लुक देतात.(फोटो सौजन्य-pinterest)
लग्नासाठी पारंपरिक साड्या
बाजारामध्ये इरकली साड्यांमध्ये अनेक पर्याय उपलब्ध झाले आहेत. यातील काही साड्या हातमागावर तयार केल्या जातात. ही साडी नेसल्यानंतर पारंपरिक लुक दिसतो.
केरळमध्ये प्रसिद्ध असलेली कसावू साडी लग्नामध्ये नेसली जाते. या साडीचा रंग पूर्णपणे सफेद असतो आणि या साडीचे काठ सोनेरी रंगाचे असतात.
तामिळनाडूमध्ये प्रसिद्ध असलेली कांजीवरम सिल्क साडी नेसल्यानंतर अतिशय सुंदर दिसते. या साडीचा काठ आणि रंग उठावदार असतो.दक्षिण भारतासह इतर सर्वच ठिकाणी लग्नात कांजीवर, सिल्क साडी नेसली जाते.
नववधूच्या शालूमध्ये नवरी प्रामुख्याने बनारसी साडी नेसण्यास जास्त प्राधान्य देतात. बनारसी साडीवर सोन्याच्या जरीचे हेवी वर्क केलेले असते. पण हल्ली शालू नेसण्याऐवजी पैठणी साडी नेसण्यास प्राधान्य दिले जाते.
महाराष्ट्राचे महावस्त्र म्हणून ओळख असलेली पैठणी साडी तुम्ही लग्नातील कोणत्याही विधीसाठी नेसू शकता. पैठणी साडी अंगावर चापून चोपून बसते. शिवाय पैठणी साडी नेसल्यानंतर पारंपरिक लुक दिसतो.
