Chandrakant Patil:
Gokul Election 2026 : गोकुळ दूध संघाच्या अध्यक्षपदाच्या निवडणुकीत महायुतीने बाजी मारल्यानंतर कोल्हापूरचं राजकारण चांगलंच तापलं आहे. या निवडणुकीवरून भाजप नेते आणि मंत्री चंद्रकांत पाटील यांनी काँग्रेसचे आमदार सतेज पाटील यांच्यावर जोरदार निशाणा साधला. ‘बंटी पाटील बंटीच राहिले, त्यांचा बंटी साहेब झालाच नाही,’ अशा शब्दांत त्यांनी सतेज पाटलांची खिल्ली उडवली. गोकुळचं अध्यक्षपद न मिळाल्यामुळे सतेज पाटील महायुतीच्या नेत्यांवर टीका करत असल्याचा आरोपही त्यांनी केला.
शिरगाव येथील गोकुळ चौकात महायुतीच्या वतीने आयोजित सभेत चंद्रकांत पाटील बोलत होते. गोकुळचा निकाल लागल्यानंतर गेल्या 15 दिवसांत सतेज पाटील यांनी महायुतीच्या नेत्यांवर टीका केली आणि खोटं नरेटिव्ह पसरवलं, असा आरोप त्यांनी केला. खेळणं मिळालं नाही की लहान मूल जसं हातपाय आपटतं, तशीच अवस्था सतेज पाटील यांची झाली आहे, असा खोचक टोला त्यांनी लगावला.
गोकुळ निवडणुकीत समविचारी आघाडीचे 13 संचालक निवडून आले, तर महायुतीचे 12 संचालक विजयी झाले. मात्र, मतांच्या आकडेवारीत महायुतीला 5100, तर समविचारी आघाडीला 4900 मतं मिळाल्याचा दावा चंद्रकांत पाटील यांनी केला. मग लोकशाहीची पायमल्ली कुठे झाली, असा सवाल त्यांनी उपस्थित केला. आणीबाणीच्या काळातील काँग्रेसच्या भूमिकेचा दाखला देत त्यांनी सतेज पाटलांवर टीका केली.
2019 मधील सत्तास्थापनेच्या राजकारणावर बोलताना चंद्रकांत पाटील यांनी सतेज पाटलांबाबत गंभीर दावा केला. त्यावेळी सतेज पाटील यांनी शरद पवारांच्या मदतीने सोनिया गांधी यांच्यावर दबाव आणला होता. शिवसेना, काँग्रेस आणि राष्ट्रवादीचं सरकार स्थापन झालं नाही, तर आम्ही वेगळा गट तयार करू, अशी धमकी दिल्याचा आरोप त्यांनी केला. यासंदर्भात आपल्याकडे कॉल रेकॉर्डिंग असल्याचा दावाही चंद्रकांत पाटील यांनी केला.
सतेज पाटील यांना गोकुळची सत्ता स्वतःच्या फायद्यासाठी हवी होती, असा आरोपही चंद्रकांत पाटील यांनी केला. मुख्यमंत्री होण्याचं स्वप्न आणि कुटुंबातील आर्थिक वर्चस्वासाठी गोकुळची सत्ता हवी असल्याची टीका त्यांनी केली. ‘काचेच्या घरात राहणाऱ्यांनी दुसऱ्यांच्या घरावर दगड मारू नयेत,’ असा इशाराही त्यांनी दिला.
गोकुळच्या निवडणुकीनंतर आता महायुती आणि समविचारी आघाडीतील संघर्ष अधिकच तीव्र होण्याची चिन्हं आहेत. चंद्रकांत पाटील यांच्या या आक्रमक भाषणाला सतेज पाटील काय प्रत्युत्तर देतात, याकडे कोल्हापूरच्या राजकीय वर्तुळाचं लक्ष लागलं आहे.
Ans: गोकुळच्या अध्यक्षपदाच्या निवडणुकीनंतर चंद्रकांत पाटील यांनी सतेज पाटील यांना 'बंटी पाटील बंटीच राहिले, त्यांचा बंटी साहेब झालाच नाही,' असा टोला लगावला. अध्यक्षपद न मिळाल्यामुळे ते महायुतीच्या नेत्यांवर टीका करत असल्याचंही ते म्हणाले.
Ans: गोकुळच्या संचालक मंडळाच्या निवडणुकीत सतेज पाटील यांच्या समविचारी आघाडीला 25 पैकी 13 जागा, तर महायुतीला 12 जागा मिळाल्या होत्या. अध्यक्षपदाच्या निवडणुकीत महायुतीचे राजेश पाटील विजयी झाले.
Ans: 2019 मध्ये महाराष्ट्रात सरकार स्थापनेच्या वेळी सतेज पाटील यांनी सोनिया गांधी यांच्यावर दबाव आणला आणि वेगळा गट स्थापन करण्याची धमकी दिली होती, असा दावा चंद्रकांत पाटील यांनी केला. यासंदर्भात कॉल रेकॉर्डिंग असल्याचंही त्यांनी म्हटलं.
.png "Videos"){kind=small}
