CM Devendra Fadnavis: ‘मुंबई महाराष्ट्रापासून वेगळी होणार…’, मुख्यमंत्री देवेंद्र फडणवीसांनी विधानसभेत स्पष्टच सांगितले

Devendra Fadnavis Statement: मुख्यमंत्री देवेंद्र फडणवीस यांनी विधानसभेत स्पष्ट केले की, मुंबई महाराष्ट्रापासून कधीही वेगळी होणार नाही. निवडणुका आल्यावरच असे संभ्रम निर्माण होतात.

 

 

• “मुंबई महाराष्ट्रापासून कधीही वेगळी होणार नाही!”
• निवडणुका आल्यावर संभ्रम निर्माण होतो
• मुख्यमंत्री फडणवीस यांचे विधानसभेत स्पष्टीकरण

Devendra Fadnavis Marathi News: विधानसभेत बोलताना राज्याचे मुख्यमंत्री देवेंद्र फडणवीस (CM Devendra Fadnavis) यांनी ठामपणे सांगितले की, महाराष्ट्र एक शक्तिशाली राज्य आहे, यात शंका नाही. १०६ हुतात्म्यांनी बलिदानातून साकारलेला हा संयुक्त महाराष्ट्र आहे. सध्या, मुंबई महाराष्ट्रापासून वेगळी होईल, असा संशय कोणालाही वाटू नये. मुख्यमंत्र्यांनी स्पष्ट केले की, “जेव्हा जेव्हा निवडणुका येतात, तेव्हा अशा प्रकारच्या चर्चा किंवा अफवा सुरू होतात.”

“सूर्य-चंद्र असेपर्यंत मुंबई महाराष्ट्राचीच”

देवेंद्र फडणवीस म्हणाले, “मुंबई कालही महाराष्ट्राची होती, आजही महाराष्ट्राची आहे, आणि जोपर्यंत सूर्य आणि चंद्र आकाशात आहेत, तोपर्यंत मुंबई महाराष्ट्राचा अविभाज्य भाग राहील.” ते पुढे म्हणाले की, महाराष्ट्र छत्रपती शिवाजी महाराजांनी दाखवलेल्या मार्गावर चालत राहील. त्यांच्या तत्त्वांवर आणि भारतरत्न डॉ. बाबासाहेब आंबेडकर यांनी दिलेल्या संविधानाच्या मार्गावर राज्याचा प्रवास सुरू राहील.

See more

Nagpur| In the State Assembly, Maharashtra CM Devendra Fadnavis says, “There is no need to have any doubt that Maharashtra is a powerful state. It is a united Maharashtra created by 106 martyrs. Therefore, no one should harbour any doubt that Mumbai will be separated or detached… pic.twitter.com/rKGSBjiDar — ANI (@ANI) December 14, 2025

हे देखील वाचा: पुण्यात महाविकास आघाडी एकत्र लढणार?; सोमवारी घेतला जाणार महत्त्वाचा निर्णय

‘शिवचरित्राचा’ इतिहास बदलला

मुख्यमंत्री फडणवीस यांनी शिक्षण आणि इतिहासाच्या संदर्भात महत्त्वाचे भाष्य केले. ते म्हणाले की, छत्रपती शिवाजी महाराजांचे तत्त्वज्ञान महाराष्ट्रात स्वीकारले गेले होते, परंतु राष्ट्रीय स्तरावर त्यांच्याबद्दल अनेक गैरसमज होते. सीबीएसई (CBSE) च्या पुस्तकांमध्ये मराठा साम्राज्य आणि हिंदवी स्वराज्याबद्दल फक्त एक परिच्छेद होता, तर मोगलांचा इतिहास १७ पानांत समाविष्ट होता. “पण आता हा इतिहास बदलला आहे,” असे ते म्हणाले. केंद्र सरकारने आता सीबीएसईच्या अभ्यासक्रमात छत्रपती शिवाजी महाराज आणि मराठा साम्राज्याचा २१ पानांचा विस्तृत इतिहास समाविष्ट केला आहे.

राज्याची अर्थव्यवस्था मजबूत

राज्याच्या अर्थव्यवस्थेवर बोलताना देवेंद्र फडणवीस यांनी सकारात्मक बाजू मांडली. “राज्याच्या तिजोरीत पैशांची भरमार आहे, असे मी म्हणणार नाही, परंतु मोठ्या राज्यांच्या अर्थव्यवस्था पाहता, महाराष्ट्राची अर्थव्यवस्था सर्व निकषांवर खरी उतरते,” असे त्यांनी नमूद केले. आरबीआयने (RBI) राज्याच्या सकल उत्पन्नाच्या (GDP) २५% पर्यंत कर्ज घेण्याची परवानगी दिली आहे. आपण अद्याप या मर्यादेपासून खूप दूर आहोत.

राजकोषीय व्यवस्थापन

‘लाडकी बहीण’ सारख्या योजनांसाठी निधी देऊन आणि शेतकऱ्यांना मदत करूनही, राज्याने आपला राजकोषीय तोटा ३% च्या आत ठेवला आहे. “आम्ही केंद्र सरकारच्या अपेक्षेपेक्षा जास्त भांडवली गुंतवणूक केली आहे. परदेशी गुंतवणुकीच्या (Foreign Investment) बाबतीत महाराष्ट्र देशात नंबर वन आहे,” असे त्यांनी सांगितले.

हे देखील वाचा: Maharashtra Winter Session : अंतिम आठवडा प्रस्ताव आज; विजय वडेट्टीवार, सतेज पाटील यांच्यासह विरोधक विविध प्रश्नांवर आक्रमक